• 11/12/2019 2:15 03

DR.Congo: Minisitiri w’Ubuzima yeguye ku mpamvu zifitanye isano na Ebola

Kuri uyu wa mbere nibwo Minisitiri w’Ubuzima wa Repubulika ya Demokarasi ya Congo, yatanze ibaruwa ikubiyemo kwegura kwe, impamvu yatanze zirimo kutumva ibintu kimwe na Perezida ku bijyanye no kurwanya Ebola.

Oly Ilunga yeguye ku mpamvu zifitanye isano na Ebola

Perezidansi ya Congo Kinshasa iheruka gufata ikemezo ko ibikorwa byose bijyanye no kurwanya icyorezo k’indwara ya Ebola bizabazwa Perezida Felix Tshisekedi.

Minisitiri w’Ubuzima Oly Ilunga mu ibaruwa yanditse avugamo kwegura kwe, yavuze ko uwo mwanzuro wafashwe mu cyumweru gishize urimo kwivanga kwa Perezidansi mu bikorwa byo guhangana na Ebola.

Iyi ndwara ikomeje kwica abantu mu Burasirazuba bwa Congo Kinshasa Minisitiri Oly Ilunga avuga ko anenga uburyo amahanga yashyize igitutu ku gihugu agatuma kemera igerageza rya kabiri ry’inkingo za Ebola we atari abishyigikiye.

Kuva muri Kanama 2019, abantu bagera ku 1,700 bamaze guhitanwa na Ebola muri Congo Kinshasa.

Mu cyumweru gishize, Umuryango Mpuzamahanga wita ku Buzima (World Health Organisation, WHO/OMS) watangaje ko Ebola ari icyorezo gihangayikishije Isi yose, kikaba gikeneye ubufatanye mpuzamahanga mu kukirwanya.

BBC

UMUSEKE.RW

Subiza

Your email address will not be published. Required fields are marked *