• 11/12/2019 4:23 25

Djibouti: Impanuka y’ubwato yahitanye abarenga 28

Abatabazi bo muri Djibouti baravuga ko bamaze kubona imibiri y’abantu 28 bapfuye barohamye kuri uyu wa Gatatu ubwo ubwato barimo bwari bugiye gukukira ku mwaro. Kuri uyu wa Kabiri nibwo buriya bwavaga i Godaria muri  Djibouti burohama nyuma y’iminota 30 bihagurutse.

Inzego z'ubutabazi ziri gushakisha imibiri y'abarohamye no kureba niba ntababa bagihumeka
Inzego z’ubutabazi ziri gushakisha imibiri y’abarohamye no kureba niba ntababa bagihumeka

Umuryango mpuzamahanga wita ku bimukira ishami rya Djibouti uvuga ko nyuma y’iyi mpanuka imibiri itanu yahise iboneka indi izakuboneka kuri uyu wa Gatatu ariko ngo baracyashaka indi kuko hari bantu barenga 130 bataboneka.

Umuyobozi w’uyu muryango muri Djibouti witwa Lalini Veerassamy avuga ko uyu munsi babonye byibura imibiri 23.

Umwe mu barokotse avuga ko ubwato yarimo bwarimo abantu 130 ariko ko atazi umubare w’abari bari mu bundi bagonganye

Veerassamy avuga ko kugeza ubu bataramenya ubwenegihugu bwa ba nyakwigendera

Djibouti nk’igihugu kiri hagati y’umuhoora wa Bab el-Mandeb n’igihugu cya Yemen, igaturana kandi na Somalia na Ethiopia nabyo bihoramo ibibazo by’umutekano, mu myaka ishize yari yarabaye icyambu abimukira bacamo bajya gushaka akazi n’umutekano mu bihugu by’Abarabu.

Muri iki gihugu kandi haca Abirabura baba bashaka kujya mu Barabu gushakayo akazi hamwe n’Abaturage ba Yemen bahaca bahunga intambara yayogoje igihugu cyabo.

Djibouti ngo yabaye icyambu cy'abashaka kujya mu bihugu by'Abarabu gushaka akazi n;abahunga intambara muri Yemen
Djibouti ngo yabaye icyambu cy’abashaka kujya mu bihugu by’Abarabu gushaka akazi n;abahunga intambara muri Yemen

AFP

Jean Pierre NIZEYIMANA

UM– USEKE.RW

Subiza

Your email address will not be published. Required fields are marked *