• 20/01/2020 2:07 40

DJ Pius yatangaje abahanzi 11 bazamufasha kumurika Album ye

Mu kumurika Album ye ya mbere yise ‘Iwacu’ DJ Pius yatangaje abahanzi bose bazamufasha mu bitaramo bibiri azakorera i Kigali n’i Musanze. Uwari uzwi kugeza ubu ni Jose Chameleone.

Pius watangiye aririmbira mu itsinda rya Two for Real nyuma bakaza gutandukana we agakomeza umuziki ku giti cye agiye gusohora Album ye.

Uyu muhanzi yakoze indirimbo zakunzwe nka ‘Agatako’ yakoranye na Chameleone, ‘Play it again’ arikumwe na Weasel na Radio, ‘Iwacu’ n’ izindi…

Mu bahanzi bazamufasha kumurika Album ye abazava mu mahanga ni bane; Dr.jose chameleone, Weasel wahoze aririmbana na Radio na Pallaso umuvandimwe wabo hamwe n’umurundi Big Fizzo.

Abo mu Rwanda azafatanya na Charly na Nina, Bruce Melodie, Riderman, Urban boys, Dream boys, Social Mula na Jules sentore.

Iyo Album ya mbere ya Dj Pius igizwe n’indirimbo 15 harimo izo yakoze amaze kuva mu itsinda rya Two For Real.

Yayise ‘Iwacu’ ngo kuko hari indirimbo afite yitwa gutyo ariko kandi nanone ngo iyo ndirimbo ikaba ivuga ibyiza by’ u Rwanda igihugu cye.

Ati “Nasanze Album yanjye ya mbere nk’umuhanzi ngomba kuyitirira igihugu cyacu.”

Igitaramo cya mbere kizaba Taliki ya 3/08/2018 kibere mu mujyi wa Kigali mu ihema rinini riba ‘Camp Kigali’, bucyeye ikindi kibera kuri Stade Ubworoherane i Musanze.

Dj Pius Album ye ya mbere ngo yagombaga kuyitirira igihugu cye
Dj Pius Album ye ya mbere ngo yagombaga kuyitirira igihugu cye

Bonaventure KUBWIMANA
UM– USEKE.RW

*******************

Ufite amakuru/amafoto wifuza ko atangazwa?

Twandikire uyaduhe kuri info@umuseke.rw  ,duhamagare cyangwa utwandikire (no kuri WhatsApp) kuri +250 788 772 818, cyangwa kuri facebook.com urebe Umuseke utwandikire.

*******************

Subiza

Your email address will not be published. Required fields are marked *