• 20/01/2020 8:29 53

Diamond yabaye umuhanzi w’ umwaka muri Africa …The Ben na Meddy ‘baviramo aho’

Abahanzi b’Abanyarwanda The Ben na Meddy hamwe n’abandi b’ibyamamare muri Afurika bari bahatanye mu irushanwa ryiswe ‘African Entertainment Awards USA’ baviriyemo aho. Umunyatanzani Diamond Platnumz aba umuhanzi w’ umwaka muri Afurika.

The Ben na Meddy ngo batashye amara masa. Diamond aba uwa mbere muri Africa uyu mwaka

Igice kimwe cy’iri rushanwa gihemberwa muri Africa ikindi kigahemberwa muri USA ari nayo mpamvu baryita ‘African Entertainment Awards USA’.

Uyu mwaka abahanzi b’abanyarwanda baba muri USA bari barashyizwe kuri ruriya rutonde ni The Ben na Meddy ariko aba bombi ntawatsinze.

Ibindi byamamare muri Africa byari kuri ruriya rutonde ni Tekno, Wizkid, Diamond Platnumz, Fally Ipupa, Eddy Kenzo, Mr Flavour, Olamide,Shatta Wale n’abandi benshi.

Isozwa ry’ ibi birori ryabaye ku wa Gatandatu w’ Icyumweru  gishize bibera muri Amerika.

Muri Africa umuhanzi wabaye uwa mbere muri Afurika ni Diamond Platnumz, indirimbo y’ umwaka yabaye  ‘If’ ya Davido, Umunyarwenya w’ umwaka yabaye Eric Omondi naho itsinda ry’ umwaka riba Sauti Sol.

Abandi bahawe ibihembo harimo Harmonize wabaye umuhanzi mwiza muri Afurika y’ Iburasirazuba, Yemi Alade wabaye umuhanzikazi w’ umwaka muri Afurika na Rayvan wahembwe nk’ umuhanzi ufite ijwi ryiza.

Ibi nibyo byiciro bari baratorewemo
Abatsinze uyu mwaka wa 2018

Bonaventure KUBWIMANA

UM– USEKE.RW

Subiza

Your email address will not be published. Required fields are marked *