• 20/01/2020 7:31 01

David Luiz wasuye ingagi mu Rwanda yishimiye igitego yikomanga mu gatuza nkazo

Myugariro w’ikipe y’igihu ya Brazil ukinira Arsenal, David Luiz uheruka gusura ingagi mu Rwanda yaraye yishimiye igitego yatsinze Crystal Palace, yikomanga mu gatuza nk’uko nazo zikunze kubigenza zigaragaza imbaraga zazo.

David Luiz yikomanze mu gatuza nk’ingagi bagenzi be na bo barabikora

Uyu myugariro waraye atsindiye igitego cya kabiri Arsenal, nyuma yo kuyigeramo muri Kanama 2019, yeretse isi yose ko yasuye u Rwanda ndetse n’ingagi muri rusange ubwo yikomangaga mu gatuza amaze gutsinda iki gitego.

David Luiz wavuze ko uruzinduko rwe mu Rwanda ruri mu bihe byiza yagize mu buzima bwe, ubwo yishimirara iki gitego yikomanga mu gatuza, bagenzi be na bo bahise bamwigana ubona ko na bo bishimiye ubu buryo bwo kwishimira igitego budasanzwe muri Arsenal.

Hari ku munota wa 9 w’umukino ubwo David Luiz yatsindaga igitego cya kabiri cya Arsenal, mu bitego bibiri iyi kipe abanyarwanda bahaye akabyiniriro ka Visit Rwanda ahita yuzuza ibitego bibiri muri iyi kipe.

Arsenal ntiyahiriwe n’uyu mukino yakinaga na Crystal Palace, kuko yawunganyijemp ibitego 2 – 2 bituma itabasha gusatira amakipe ari mu myanya 4 ya mbere iri kurwanira.

Arsenal iri ku mwanya wa 5 n’amanota 16 mu gihe shampiyona iyobowe na Liverpool ifite amanota 28 mu mikino 10 imaze gukinwa, ikurikiwe na Manchester City ifite 22, Leicester n’iya 3 n’amanota 20 inganya na Chelsea FC.

Ibitego bya Arsenal kuri iki cyumweru byatsinzwe na Sokratis na David Luiz mu gihe byaje kwishyurwa na Luka Milvojevic na Jordan Ayew.

Yatsinze igitego kiza
Yabibonye mu Birunga

Jean Paul MUGABE
UMUSEKE.RW

3 Ibitekerezo

  • Ndabona na bagenzi be barimo kwigana uko INGAGI yikubita mu gituza.Binyibukije ko ku ishuli batwigishije ko abantu duturuka ku ngagi.Ariko se koko abantu duturuka ku ngagi,binyuze kuli Evolution?Bible ivuga ko Imana yaremye inyamaswa buri yose ukwayo (God created animals according to their respective species) nkuko Intangiriro 1:25 havuga.Science yerekana neza ko Species zitandukanye zitajya zibyarana.Urugero,ntabwo Ihene yabyarana n’Inka.N’Umuntu ntabwo yabyarana n’Ingagi.Kubera ko bataba muli Species imwe.Bible yerekana neza ko abantu twese duturuka kuli Adamu.Dutandukanye n’Ingagi.Abantu bumvira Imana,izabaha ubuzima bw’iteka,ibanje kubazura ku munsi wa nyuma.Ariko ntabwo INGAGI zizazuka.Aho kwemera ibinyoma by’abantu,tujye twiga Bible itujijure.

  • Ndabona results za za miliyoni z’amapawundi zishimishije cyane

  • Iki nikinyoma ntiyigeze yikubita kugituza.yirukanse yishimye ntabwo yigeze yikubita kugituza,kuki mukunda kubeshya rubanda? Nuko tutagira YouTube?

Subiza

Your email address will not be published. Required fields are marked *