COVID-19 yishe abantu 17 abandi 89 bararembye - UMUSEKE

COVID-19 yishe abantu 17 abandi 89 bararembye

Kuri iki uyu wa Mbere, Minisiteri y’Ubuzima yatangaje ko abantu 17 bishwe na COVID-19 abanduye bashya ni 913 mu gihe abakize bagera ku 1005.

Abapfuye ni abagore 11 b’imyaka 85 (Rusizi), 83 (Gicumbi), 83 (Nyanza), 82 (Musanze), 79, 67 (Bugesera), 75, 69, 56, 48 (Kigali) umwe w’imya 73 (Huye) n’abagabo batandatu b’imyaka 83, 73, 64, 30 (Kigali), 66 (Karongi) n’undi w’imyaka 52 (Rusizi).

Kuva Covid-19 igeze mu Rwanda imaze gutwara ubuzima abagera kuri 666.

Ubwandu bwa COVID-19 mu masaha 24, Ministeri y’Ubuzima ivuga ko 913 bapimwe basangwamo iyi ndwara, bituma abamaze kwandura bagera ku 58,325.

 

Dore uko ubwandu bwagiye buboneka

Abantu 1,005 bakize Covid-19 mu masaha 24 ashize, bituma abamaze gukira bose bagera ku 41,046 bangana na 70%.

Mu Bitaro n’ahandi mu ngo abagera ku 16,523 baracyahangana na Virus ya Corona iri mu mubiri wabo, abagera kuri 89 bararembye.

Ibipimo bimaze gufatwa kuva umurwayi wa mbere yatahurwa mu Rwanda ni 1,895,926 birimo 8,664 byafashwe mu masaha 24 ashize.

UMUSEKE.RW

1 Rikumbi nicyo gitekerezo kimaze gutangwa

  • Mu Rwanda buri munsi hapfa abantu bari hagati ya 200 na 300. Kutubwira ko COVID yishe abantu 17, ubwabyo bisobanura iki? Ntidushobora kuzahangana n’iyi ndwara yabaye twibanire tudakora dufungirwa mu ngo zacu hato na hato. Abatanzaniya n’Abarundi bakenze kare tubahindura urw’amenyo. None se ubu n’abanya Suede cyangwa abongereza bavanyeho ingamba zose zibuza abaturage kuba mu buzima busanzwe ni abasazi? Kwicwa n’inzara utishwe na COVID biba bimariye iki uwo yivuganye?

Subiza

Your email address will not be published. Required fields are marked *