• 18/01/2020 12:03 44

CECAFA: Rayon yatsinzwe na KMC biyiha urubanza rukomeye rwo kuzahura na KCCA

Mu mukino wa nyuma w’amatsinda mu irushanwa CECAFA Kagame Cup mu itsinda A, Rayon Sports yaraye itsinzwe na KMC yo muri Tanzania igitego kimwe ku busa bituma izamuka muri 1/4 ari iya Kabiri ikazahura na KCCA yo muri Uganda.

Abakinnyi ba Rayon Sports nyuma yo gutsindwa

Uyu mukino wabereye kuri Stade ya Kigali i Nyamirambo, waranzwe n’ishyaka ryinshi ku ikipe ya KMC yari itaratsinda umukino n’umwe kuva iri rushanwa ryatangira.

Mu gice cya mbere cy’uyu mukino, iyi kipe yo muri Tanzania yotsaga igitutu Rayon Sports, ku munota wa 35 yabonye igitego cyatsinzwe na Hassan Kabunda.

Mu gice cya kabiri cy’umukino Rayon Sports yagerageje kwataka ngo irebe ko yakwishyura ariko abasore ba KMC bayibera ibamba umukino urangira ari igitego 1-0 Rayon Sports.

Iyi mikino y’itsinda A, yasojwe ikipe ya TP Mazembe iyoboye iri tsinda kuko irusha Rayon Sports ibitego dore ko yatsinze Atlabara ibitego 6-1 mu gihe zombi zinganya amanota atandatu kuri atandatu.

Rayon Sports izamutse mu itsinda ari iya Kabiri byayihaye urubanza rukomeye muri 1/4  kuko izahura na KCCA yo muri Uganda.

Umukino watangiye Saa kumi nebyiri z’umugoroba  mumikino 3 Rayon Sports yakinnye muriyi CECAFA 2019 urugendo rwayigejeje muri ¼ imikino 2 yayikinnye ninjoro

Abakinnyi babanje ku ruhande rwa Rayon Sports ni MAZIMPAKA Andre RUTANGA Eric,RUGWIRO Herve, IRAGIRE Saidi, BIZIMANA Yannick, NIZEYIMANA Mirafa, ULIMWENGU Jules, IRAKOZE Saidi, OLOKWEI Commdore, KAKULE MUGHENI Fabrice na IRADUKUNDA Eric.

Naho KMC FC yabanjemo JUMA Kaseja, BASALA Bukungu, Ally Ramadhani, YUSSUF Ndikumana, ABDALLAH Mfuko, VITALS Mayanga, KENNY Ally, SALIM Aiyee, BONIPHACE Maganga, HASSAN Kabunda na SADALAH Lipangile.

Abakinnyi babanjemo ku ruhande rwa Rayon Sports
KMC yabanjemo aba
Paul Muvunyi uyobora Rayon yari yaje kureba uyu mukino
KCM yokeje igitutu Rayon Sports mu gice cya mbere
Umutoza w’Amavubi Mashami na we yari ahari
Rayon yagerageje ariko biranga

Photos ©NDAGIJIMANA Eric

Jean Paul NKUNDINEZA
UMUSEKE.RW

4 Ibitekerezo

  • gasenyi yakwepye kuzacakirana muri 1/2 na APR FC isigaye ikina football à la barcelona.

    • Ntibavuga bavuga : Ntibavuga Gasenyi bavuga Rayon sport football club yashingiwe i Nyanza Astrida/Butare muri 1968. Uwo niwo muhigo wambere nkawe steve wagomye kubanza kwiga byaba ngombwa ugasubira mu mashuli.

  • Ntibavuga GASENYI bavuga GACANGA cg GASIHA ikipe y’abatekamitwe (Escrots)

  • hahahha abatekamitwe ni abitije ibigwi ni zina batagira (igikona a.k.a Gor mahia )ngobakunde batunge abakinyi bageze mumatsinda:) kuko yo ubwayo ntirahagera . ubu. yi beshyera ko ikomeye , ahubwo agasukari djabel nandi baribafite dore ko arinakanyuma karaje gatoboke induruzivuge . pole sana bikona . YOU CAN*T BE US ,we are the true story and history of rwandan football , now you’ve got what to do , do like us , reach where are , be popular , love and respect your fans, when are done with that then we can talk . because now I’m busy with more competitions coming soon

Subiza

Your email address will not be published. Required fields are marked *