• 14/12/2019 8:46 02

CECAFA Kagame Cup amadolari atashye muri Uganda, KCCA FC irakegukanye

Umukino watangiye saa kumi n’imwe z’umugoroba kuri iki cyumweru, KCCA yo muri Uganda yarushaga AZAM FC yo muri Tanzania iyitsinze 1-0 inatwara amadolari atangwa n’Umukuru w’Igihugu, Paul Kagame mu irushanwa CECAFA Kagame Cup2019.

Minisitiri w’Umuco na Siporo Mme Nyirasafari Esperance ashyikiriza KCCA FC igikombe cya CECAFA2019

Mu gice cya mbere n’ubwo amakipe yagerageje gusatirana amahirwe yo kuboneza mu rushundura yari yabuze kuri KCCA na AZAM FC yageragezaga kwihagararaho.

Umuzamu wa AZAM FC ukomoka muri Ghana, Razak Abalola yakomeje gusubiza mu mukino ikipe ye igice cya mbere kirangira banganya 0-0.

Igice cya kabiri AZAM FC na yo yagerageje gukanguka igacishamo igasatira cyane KCCA ariko umuzamu Charles Lukwago nawe agakina neza, ndetse hamwe agakuramo imipira yabazwemo igitego.

KCCA yari yategewe ko niyegukana CECAFA Kagame Cup2019  buri mukinnyi ahabwa $1000 byatumaga bakinana ishyaka.

Ku munota wa 63 w’umukino Mustafa Kizza wambara nimero 12 wa KCCA yatsinze igitego biba 1-0. Bakomeje gusatira izamu rya AZAM FC ariko igitego kindi kirabura umukino urangira ari 1-0.

Ibyishimo byari byinshi cyane ku bakunzi ba KCCA no muri Uganda, ndetse umukino witabiriwe na Ambasaderi wa Uganda mu Rwanda, Mme Oliver Wonekha n’abandi banyacyubahiro barimo na Gen James Kabarebe na Minisitiri w’Umuco na Siporo, Mme Nyirasafari Esperance, ndetse na Perezida w’Ishyirahamwe ry’Umupira w’Amaguru mu Rwanda, (FERWAFA), Rtd. Brig Gen. Sekamana Jean Damascene.

Umukino wasifuwe n’abasifuzi b’Abanyarwanda bari bayobowe na Ishimwe Jean Claude, Komiseri w’umukino yari uwo muri Somalia.

Amakipe yari ahagarariye u Rwanda muri CECAFA, APR FC na Rayon Sports ndetse na Mukura Victory Sports nta yabashije kurenga ¼.

Perezida Paul Kagame atanga inkunga y’amadolari ibihumbi 60, hashize imyaka itari mike aya mafaranga atwarwa n’amakipe yo hanze.

Abakinnyi babanje mu kibuga ku mpande zombi:

KCCA FC abo yabanjemo: Charles Lukwago, Mustafa Kizza, Peter Magambo, Kato Samuel, Anaku Sadat, Herbert Achai, Mutyaba Muzamiru, Gift Ali Abubakar, Mutyaba Mike, Ramathan Musa na Allan Okello.

AZAM FC abo yabanjemo: Razak Abalora, Bruce Kangwa, Oscar Masai, Yakubu Mohamed, Daniel Amoah, Salmin Iddi Hoza, Abdallah Masoud, Idd Selemani, Paul Peter, Obrey Chirwa na Abdul Haji.

KCCA mu byishimo byinshi
Ubwo bari bayizaniye igikombe yatsindiye
Uganda ibyishimo ni byose…
Umufana wa Rayon Sports uzwi nka Rwarutabura iyo ikipe ye imutengushye we akazi aragakomeza yafanaga cyane AZAM FC itabonye amahirwe yo gutwara CECAFA Kagame Cup2019
KCCA yari ifite abafana benshi banagaragaza ko ibari ku mutima
Amatsiko yari menshi ngo barebe uko ikipe yabo itwara iki gikombe
Ahadatwikiriye muri Stade ya Kigali iri i Nyamirambo kwinjira byari ubuntu
Abafana ba AZAM nabo bari benshi
Abafana AZAM FC bari benshi ku kibuga
Amatsiko yari menshi kuri buri ruhande ngo barebe iri butware kiriya gikombe
Abanyacyubahiro batandukanye bari bahibereye
Mu mutuzo mwinshi birebera uko baconga ruhago
Ambasaderi wa Uganda mu Rwanda, Mme Oliver Wonekha muri “Visit Kampala”, iby’icyubahiro yabishyize hasi asimbukira mu kibuga babyina intsinzi
Barangije gutsinda akanyamuneza kari kose
AZAM ntako itagize ngo igombore kimwe yatsinzwe ariko biranga
Dr Isaac Munyakazi, Gen James Kabarebe na Min Esperance Nyirasafari bari baje kureba umukino wa nyuma
Nyirasafari yambika abo muri Azam imidari
Wari umupira ushyushye
Abanyezamu bahuye n’akazi kenshi
Mbere y’uko umupira utangira babanje kugorora ingingo
Azam bayiha cheque yayo
Abakinnyi basuhuza abanyacyubahiro bari baje kubahemba nyuma yo kugera ku mukino wa nyuma
Azam FC yo muri Tanzania
KCCA yo muri Uganda

Photos@KUBWAYO Adrien

Jean Paul NKUNDINEZA
UMUSEKE.RW

6 Ibitekerezo

  • Hari abo bitashimishije rwose ntibashaka no kureba mu kibuga bihishe muri téléphone. Icya diporomasi barakidutsinze none no muri siporo baradusubiriye. Aho ku itako ntitwakebuka umugani wa mwene Rukara rwa Bishingwe ubwo yibutsaga se gukora agakoryo umuzungu amaze kumunimba ku butaka?

  • Icya diplomacy batsinze ni ikihe?

  • Ubundi aba Bagande bajya kudutwarira amafaranga baje bate si naherutse imodoka nini zidaca Gatuna aski ga we kuki tutababwiye ko tugikora umuhanda bagasubirayo

  • @Kuku we ntabwo uva Uganda wese aza Kigali aza nimodoka nindege zirahagenda muvandi!!! Football ce n’est pas la guerre. Twihangane nyine nubundi baturusha umupira

  • Nkunzi we icya diplomacy badutsinze nikihe hhhhhhh? Mwahinduye ibitekerezo mugakunda urwababyaye mukareka ibiri mu mitwe yanyu bipfuye.

  • Nkunzi we icya diplomacy badutsinze nikihe hhhhhhh? Mwahinduye ibitekerezo mugakunda urwababyaye mukareka ibiri mu mitwe yanyu bipfuye. Nabandi mbambona bavugira mu migani

Subiza

Your email address will not be published. Required fields are marked *