• 18/01/2020 7:31 20

Bwa mbere ‘Silent Disco’ igiye kubera I Karongi ku mazi

Ni igitaramo cyiswe ‘Silent Disco-Kibuye’ kizaba kirimo aba Djs batanu bakunzwe mu Rwanda. Aba bazacurangira abantu bibereye ku nkengero z’ ikiyaga cya Kivu ari nabwo bwa mbere muri ako karere bazaba babonye igitaramo gituje cya Silent Disco.

Aba Djs bakunzwe mu Rwanda nibo bazavanga imiziki

Ibitaramo bya Silent Disco byitabirwa n’abantu bambaye ‘Ecouteurs’ ntibiramenyerwa cyane mu Rwanda bitewe n’ uko bihenze kandi nabatunze izo ‘Ecouteur’ zihariye bakiri bake mu Rwanda.

Abategura ibyo bitaramo mu mugi wa Kigali bamwe muri bo baba bagiye kuzikodesha mu bihugu by’ abaturanyi birimo Uganda na Kenya.

Uretse mu mugi wa Kigali ahandi bagize amahirwe yo kuryoherwa n’umuziki wo muri Ecouteur ni mu karere ka Rubavu.

Ubu ahatahiwe ni mu karere ka Karongi.

Rwema Dennis wateguye iki gitaramo yabwiye Umuseke ko bahisemo ku  Kibuye kuko ari umugi uri gutera imbere kandi ukeneye ibikorwa nk’ ibyo ndetse no kuzamura urwego rw’imyidagaduro.

Ati “ Karongi ni umugi ukeneye ububyutse ku bijyanye n’ imyidagaduro ari nayo mpamvu twahahisemo kugira ngo nabo bamenye Silent Disco icyo aricyo nituhava tuzajya n’ahandi.”

Aba Djs bazacuranga muri icyo gitaramo ni Dj Marnaud, Dj Miller, Dj Toxxyk, Dj Mupenzi na Dj Anita Pendo, biteganyijwe ko kizaba taliki ya 16 Gashyantare 2019 kuri Delta Hotel.

Abitabira ibi birori baba bambaye Ecouteur nta rusaku

Bonaventure KUBWIMANA

UM– USEKE.RW

Subiza

Your email address will not be published. Required fields are marked *