• 09/12/2019 9:20 07

Bwa mbere Kigali International Fashion Week igiye kubera muri Asia

Igitaramo cy’abanyamideri b’Abanyarwanda kizwi nka Kigali Interantional Fashion Week kigiye kubera ku mugabane wa Asia, mu murwa mukuru w’u Buyapani i Tokyo.

Muri uyu mwaka Kigali International Fashion Week yabereye mu Buholandi
Muri uyu mwaka Kigali International Fashion Week yabereye mu Buholandi

Iki gitaramo cyabanje kumenyekana mu Rwanda kiza kwaguka kuko gisigaye kibera no mu bihugu bitandukanye ku Isi nko mu Buholandi no mu Bubiligi.

Umwaka utaha kikaba kigiye kubera ku mugabane wa Asia mu murwa mukuru w’u Buyapani ari woTokyo, kikazitabirwa n’abanyamideri b’abanyarwanda batandukanye.

Itangazo ryashyizwe hanze n’abategura kiriya gataramo rihamagarira abahanga imideri kuzitabira iki gikorwa.

John Bunyeshuli avuga ko umwaka utaha bazanakorera ibitaramo muri America mu mugi wa New York no muri Canada mu mugi wa Montreal.

Avuga ko ubu batangiye kwakira imyirondoro y’abahanga imideri bifuza kuzamurika imideri bahanze muri iki gitaramo kizaba mu mpeshyi y’umwaka utaha.

Yagize ati “Ku bufatanye na Tokyo/Africa Fashion Week turi gutegura igitaramo kigomba kubera mu Buyapani mu Mujyi wa Tokyo, turifuza kuzamurika imideri ihangwa n’abanyarwanda, tukanafasha abahanga imideri b’abanyarwanda kugera ku isoko ry’imyambaro muri Asia.”

Ubusabe bw’abifuza kujya kumurika imideri bahanze muri Tokyo bwatangiye kwakirwa ndetse ngo abazamurika imideri yabo bazaba bafite amahirwe yo guhura n’abandi bahanga imideri barenga 20 baturutse mu bihugu bitandukanye.

Biteganyijwe ko kwakira abifuza kwitabira iki gitaramo bizasozwa tariki 04 Mutarama 2019.

Igitaramo cya Kigali Fashion Week kimaze imyaka itandatu kibera mu Rwanda, muri uyu mwaka turi gusoza cyaguye imbago kiba igikorwa mpuzamahanga gihereye mu Buholandi muri Werurwe.

 

Amafoto: Uko mu Buholandi byari byifashe…

Hakym Reagan i buryo nawe yamuritse imideri yahanze
Hakym Reagan i buryo nawe yamuritse imideri yahanze
Igitaramo cyari kitabiriwe cyane
Igitaramo cyari kitabiriwe cyane
Hamuritswe imideri idozwe mu bitenge
Hamuritswe imideri idozwe mu bitenge
Imideri ikorwa n'abanyarwanda yahacanye umucyo
Imideri ikorwa n’abanyarwanda yahacanye umucyo

Robert KAYIHURA
UM– USEKE.RW

Subiza

Your email address will not be published. Required fields are marked *