• 09/12/2019 7:47 05

Bugesera: Uvugwaho kwanduza abagore SIDA ku bushake yarashwe arapfa

Ku mugoroba wo kuri uyu wa Mbere taliki 15 Nyakanga, 2019  Bucyabwitwejo Eric wari umaze iminsi afashwe na Police mu Karere ka Bugesera akekwaho gufata ku ngufu abagore akabanduza SIDA ku bushake yararashwe arapfa.

Eric wavugwaho gufata ku ngufu akanduza abagore HIV ngo yarashwe acitse RIB arapfa

Uyu mugabo wo mu Murenge wa Gashora amakuru avuga ko yarashwe ubwo yasimbukaga imodoka abashinzwe umutekano bari bamutwayemo.

Byabaye ahagana saa kumi n’ebyiri z’umugoroba (18h00) ahitwa Ramiro ukase ugana ku Ruhuha.

Umuvugizi wa Police mu Ntara y’Uburasirazuba, CIP Hamdun Twizeyimana yabwiye Umuseke ko uriya mugabo yafashwe na Police ku Cyumweru taliki 13 Nyakanga, 2019 imushyikiriza RIB.

Nyuma ngo Bucyabwitwejo yabwiye RIB ko ibyo akora abikorana n’abandi ndetse ayibwira ko abakozi bayo baza akajya kubereka aho bagenzi be bari.

CIP Twizeyimana ati: “Bageze mu Ramiro (ni Santire y’ubucuruzi) Eric asimbuka imodoka ashaka gucika baramurasa arapfa.”

Iby’uko ngo Eric Bucyabwitwejo yanduzaga abagore Virus itera SIDA yitwa HIV abihimuraho kuko na we hari uwayimwanduje, CIP Hamdun yirinze kugira icyo abivugaho gusa ngo na we yabyumvaga bivugwa.

Umwe mu bagore bo muri uriya Murenge yabwiye Umuseke ko uriya mugabo yari yarabakuye umutima.

Ngo uwamubonaga wese bakamubwira ko ari we ufata abagore akabanduza SIDA yahitaga yiruka, agashaka aho yihisha.

Eric Bucyabwitwejo yari afite imyaka 20 y’amavuko akaba yari atuye ahitwa Dihiro mu Murenge wa Gashora w’Akarere ka Bugesera.

Hafi y’agasanteri ka Ramiro niho uriya mugabo yarasiwe ashaka gucika RIB na Police

Jean Pierre NIZEYIMANA
UMUSEKE.RW

9 Ibitekerezo

  • ariko nukuri ntibyumvikana kuko bamurashe atabanje gufungwa burundu kubera ukuntu yanduje sida abaturage,yasimbutse imodoka yambaye amapingu ariruka arabasiga ?!!kandi ejo bundi nanyuze aho police bugesera ikorera mbona barikujya kuri toilette bambaye amapingu nkanswe kujya kwerekana abobafatanyije ibyaha !!!police yakoze nabi kbsa iyo bamuirukaho akazerekwa abo yanduje sida

  • Ingaruka y’icyaha n’urupfu.

  • Uretse ko kwica umuntu atari byo muri rusange, umuntu ukora ibintu nka biriya ntakenewe mu muryango nyarwanda!
    Noneho hakiyongeraho no kumutunga afunze… Puuu nagende umusenzi!

    • Uvuze ukuri rwose peeee,ntabwo dukeneye abantu nka bariya rwose

  • Nta kintangaje nko gusoma ngo “Umugabo …….. Eric Bucyabwitwejo yari afite imyaka 20 y’amavuko”! iyi ni insoresore itaraba n’umusore ntiyari akwiye kwitwa umugabo dore ko atanujuje imyaka y’ubukure imwemerera gushaka mu mategeko y’uRwanda! Naho kuraswa ku mugaragaro byo, ndabona tuzageraho tukabimenyera!

  • Gusa isi iyobowe n’ikinyoma n’akarengane gusa iyaba IMANA yazaga ikayikuraho rwoseee

    • @ John

      Ubwo se harenganye uwarashwe cyangwa abo bagore asize yangirije ubuzima?

  • Well done RNP, ngisoma inkuru y’abagore bavugaga ko yabafashe, nta kindi cyanje mu mutwe, usibye kumurasa, gusa iyo bamurasira mu ruhame n’abandi bakareberaho ko nta gukinisha umugore w’u Rwanda!
    Niba afite umuryango niwihangane nta kundi! Gusa iki nicyo yari akwiriye, kuko yari no kuzajya muri gereza agatingana akanduza abagabo sida! So this is the good thing that RNP yakoze, n’ubwo bamurashe batabigambiriye, aliko Imana yabakoresheje ihana iyo nkozi y’ibibi!

  • Ariko umuntu aba ruharwa koko abantu barebera, agafata umwana w’umuntu akamukorera ibyamfurambi abantu bareba ubuyobobozi bubizi ngo ntakimenyetso, ibi byaherukaga kera, nibatabihagurukira kubihagarika bizabagora,

Subiza

Your email address will not be published. Required fields are marked *