• 13/12/2019 10:05 13

Bugesera: Inka zorojwe abimuwe i Mazane ngo zibyara zipfusha

Bamwe mu batuye mu mudugudu w’ikitegererezo uri mu murenge wa Rweru mu kagri ka Batima mu karere ka Bugesera bavuga ko bahangayikishijwe n’uko inka zabo zibyara ariko inyana zigapfa bidateye kabiri, basaba ababishinzwe kubamenyera impamvu.

Izi mbyeyi ngo zibyara zipfusha. Hari abavuga ko biterwa n’uko abazoroye batazi iby’inka

Abaturage bo muri uyu mudugudu bavanywe ku kirwa cya Mazane batuzwa aha barorozwa, kandi bagezwaho ibikorwa remezo mu buryo bworoshye.

Ku ikubitiro baje ari imiryango 104 ariko nyuma hiyongeraho indi 40 nk’uko ubuyobozi bw’Akarere ka Bugesera bubivuga.

Iyi miryango yose yahawe inka kandi zose zaje zihaka.

Zabyaye mu bihe binyuranye ariko nyinshi mu nyana zavutse zarapfuye mu buryo bavuga ko bwabatunguye.

Epiphanie Mukankusi ati: “ Inyana ntabwo tuzi ikizica. Utunyana  tuvuka ari twiza byagera hagati ukabona turimo turahinduka tukananuka tukagenda dupfa uruhongohongo.”

Mugenzi we nawe yagize ati: “ Zarapfuye pe. N’ejo hari uwapfushije inyana. Ntawe uramenya ikintu kizica.”

Aba baturage bavuga ko hamaze gupfa inyana zirenga 20 mu gihe kitarenze amezi abiri.

Basaba ubuyobozi kubafasha kumenya impamvu kuko inyinshi ngo zipfa zitaragira amezi atatu.

Ubuyobozi bw’Akarere ka Bugesera buvuga ko butakwemeza ko ari icyorezo ariko  ngo bagiye gukurikirana barebe uko ikibazo kimeze.

Mutabazi Richard uyobora Akarere ka Bugesera ati: “Ntabwo dufite icyorezo mu by’ukuri. Kuba ziriya nyana zipfa tubifata nk’ibyago bisanzwe kandi inka nyinshi zarabyaye barakama zimeze neza. Abaturage bafite icyo kibazo twabafasha bisanzwe nk’uko buri wese yafashwa.”

Abavuga bagenekereza impamvu z’imfu za ziriya nyana babivugaho kwinshi.

Bamwe bavuga ko zicwa n’ikibagarira giterwa no konka cyane ubundi inyana ikajya ku zuba bikayica.

Abandi bavuga ko zishobora kuba zicwa n’inzara kuko ba nyirazo bazicura amata.

Byose ngo byaba biterwa n’uko abaragijwe ziriya nka nta bumenyi basanzwe bafite mu korora inka kuko bari basanzwe batunzwe no kuroba mu kiyaga cya Rweru kizengurutse ikirwa cya Mazane.

Elia BYUK– USENGE

UM– USEKE.RW/Bugesera

3 Ibitekerezo

  • Yohh birambabaje
    Mushake abarozi rero babigishe kwita ku nyana
    Imitavu iba igomba konka
    Cyane ko aho hava amage rero nti mwakagomye kuzicukisha imbura gihe

  • Biratangaje cyane. Ababiligi baza hano iwacu basanze tworoye ndetse no kurusha iwabo cyane, ku buryo inka zacu arizo zagaburiye abasilikare babo barwanaga mu ntambara ya II y’isi, bazibagiraga hariya Kicukiro, ari naho iryo zina ryavuye kubera amase yazo bahamenaga mu gihe cyo kubaga.

    Uyu munsi nibo tujya kuguraho inka zo korora tuziguriwe n’abahinde, izi nka tuzigeza hano nabwo zikatunanira kuzorora, tukazirwaniramo tuziba, tuzinyereza, tuzitanga mu cyenewabo, ndetse rwose urusaku rwaba rurerure bigahagurutsa na president w’igihugu akajya kubishyira ku murongo kugirango arebe ko abana barwaye bwaki bagabanuka mu guhugu ayoboye. Mbega agahinda, mbega gusubira inyuma!

    Kera umutware byagaragara ko mu karere ategeka inka zagabanutse, umwami yaramunyagaga akamwirukana yagira amahirwe ntahasige ubuzima; Mayor we arumva gupfusha imitavu 20 ari ikintu gisanzwe kandi nyamara mu karere ke huzuyemo ba veterinaires.

    Abo baturage nibigishwe ko nta muntu ukama inka ngo acure inyana, ikibazo kiba mu kumenya amata usigamo ku buryo ataba menshi cg macye. Mbere yo gukama urabanza ugashyiraho inyana ikayiretesha, hanyuma ukayivanaho ugakama, kandi ukibuka kuyisigiramo amata ugereranije n’ayo yonse mbere. Niba kandi inyana zirirwana n’imbyeyi ugomba kuzikinga icebe ugasiga ingwa ku mabere yazo kugirango zitisoba abashumba zikirirwa zonka.

    Iyo inyana zikiri ntoya, ni ngombwa kuzubakira ahantu hazirinda, kandi zigacanirwa ngo zibone ubushyuhe buhagije, zigomba guhabwa amazi ahagije kandi arimo umunyu uri ku rugero ruringaniye. Ibi byose ntibisaba kujya mu ishuri kuko abanyarwanda bamaze imyaka 500 borora inka, bafite ubumenyi burenze ubw’abazungu…biratangaza rero kumva ibisubizo bya mayor byerekana ko ari soo detached from the people he claims to lead, rwose hagombye kujyaho uburyo abantu nk’aba batavanwa ku kazi gusa, ahubwo bakananyunzwa imbere y’inkiko bagahanirwa ibyo birengagije gutunganya.

    Iyi ni imwe mu nzira yatuma Africa itera imbere:ACCOUNTABILITY.

    Nk’ubu biragaragara ko izi nka zitinda kumenyera ikirere cya hano, icyagombaga gukorwa si ukuzana inka zihaka, ahubwo hari gukorwa hybridization n’inka z’inyarwanda zisanzwe kandi bigakorerwa hano iwacu, zikaba arizo zihabwa bariya baturage.

    Sinjya nsobanukirwa impamvu abirabura dukora ibintu byose igice kandi ugasanga nta plan cg stategies bifite !

  • Urakoze cyane Mukakibibi
    Ni njye nanditse nsaba ko mwabigisha
    Ibyo uvuze nabisomye kuri online
    Ntago nari kubyandika nta gihamya mfite
    Kuko nziko ibyinshi baba babesha
    Urakoze cyane ku musanze wutunyana turi kwitaba imana tuzira ubujiji
    Beuko batazi ibyo korora
    Imana yari yabafashije cyane
    Nakurikiye ikiganiro cyabo bantu bakuwe
    Kiyaga bakaza gutuzwa aho
    Urakoze nuko badasoma uru rubuga
    Bakabagejejeho ibi uvuze
    Wenda utwo tunyana twarokoka

Subiza

Your email address will not be published. Required fields are marked *