• 12/12/2019 1:13 34

UK: Uwahoze ari Minisitiri w’Ububanyi n’amahanga ashobora gusimbura Theresa May

Uyu mugabo wahoze ari Minisitiri w’ububanyi n’amahanga w’u Bwongereza ni we uhabwa amahirwe yo kuzasimbura Theresa May uherutse gutangaza ko azegura mu kwezi gutaha.

Boris Johnston niwe uhabwa amahirwe yo kuzasimbura Theresa MayTheresa May uherutse kuvuga ko azegura, ni we mugore wa kabiri wabaye Minisitiri w’Intebe w’u Bwongereza nyuma ya Margaret Thatcher wayoboye Ubwongereza kuva muri 1979 kugeza 1990 ariko na we aza kwegura.

Boris Johnson yeguye ku mwanya wa Minisitiri w’ububanyi n’amahanga nyuma yo kutumvikana na Minisitiri w’Intebe Theresa May ku byerekeye umushinga we wo gukura Ubwongereza mu Muryango w’ibihugu by’i Burayi.

Johnson yamaze kandi imyaka itandatu ayobora umurwa mukuru w’Ubwongereza London.

Ikibazo kimwe afite ni uko urushaho rutamuhira.

Mu myaka 30 ishize Boris Johnson amaze gutandukana n’abagore bane ndetse uwo basezeranye mu mategeko muri iki gihe witwa Marina Wheeler na we bari mu nzira zo kwaka gatanya.

Boris ngo hari umugore w’umuganga witwa Carrie Symonds babana mu Majyepfo y’Ubwongereza kandi atari uwe byemewe n’amategeko.

Kugira ngo Boris Johnson yemererwe kuba muri Downing Street (ibiro bya Minisitiri w’Intebe w’Ubwongereza) ngo bizasaba ko abanza agatandukana na Wheeler byemewe n’amategeko agashakana na Symonds na byo byemewe n’amategeko.

Carrie Symonds na Boris Johnson

The Daily Mirror

Jean Pierre NIZEYIMANA
UMUSEKE.RW

1 Igitekerezo

  • MUGIRA IKIBAZO KIMWE GIKOMEYE KU MUSEKE, MWANDIKA AMAKOSA MENSHI CYANE MU NKURU ZANYU WAGIRA NGO NTA EDITING MUKORA NGO IKIBAZO JOHNSON AGIRA NUKO “”URUSHAHO RUTAMUHIRA”” mugerageze mube professional

Subiza

Your email address will not be published. Required fields are marked *