• 24/01/2020 1:57 15

Bizimana avuga ko imibiri iri kuboneka yongeye kugaragaza agashinyaguro abazize Jenoside bicanywe

Umunyamabanga Nshingwabikorwa wa Komisiyo yo Kurwanya Jenoside, Dr Bizimana Jean Damascene yagarutse ku mibiri y’abishwe muri Jenoside yakorewe Abatutsi ikomeje kuboneka mu bice bitandukanye, yongeye kwerekana ko abantu bishwe nabi.

Imibiri yabonetse mu bihe bya vuba

Yabivuze mu nama yahuje CNLG n’inzego zitandukaye kugira ngo bungurane ibitekerezo ku kibazo k’imiiri y’abishwe muri Jeoside yakorewe Abatutsi itaraboneka ngo ishyingurwe mu cyubahiro.

Dr Bizimana yavuze ko gushaka no gushyingura mu cyubahiro imibiri y’abishwe biteganywa n’iteko ryo muri 2016 rigenga umuhango wo kwibuka Jenoside yakorewe Abatutsi.

Yibukije kandi ko iri tegeko risaba ubuyobozi bw’Uturere gushakisha imibiri y’Abazize Jenoside itarashyingurwa mu cyubahiro kugira ngo ishyingurwe mu nzibutso za Jenoside kandi uturere tugashaka ibikenerwa byose kugira ngo ibi bikorwa bigende neza.

Yanagarutse ku mibare y’imibiri ikomeje kuboneka, mu mwaka wa 2017-2018 habonetse ingana na 4 616 mu turere 20 two mu Mujyi wa Kigali, mu Ntara y’Iburasirazuba, Amajyepfo n’iy’Iburengerazuba mu gihe mu gihembwe cya mbere cya 2019-2020 hamaze kuboneka imibiri 466 mu turere umunani (8).

Avuga ko iyi mibiri yagiye iboneka, yongeye kugaragaza ubugome bwakorewe abishwe muri Jenoside yakorewe Abatutsi.

Ati Hari ibyobo bimwe abicanyi babanje gutwika imibiri bakoresheje Aside. Hari ahandi babagerekagaho amahembe n’inzasaya by’inka, bagakurikizaho ibyuma by’imodoka zashaje, byarangira bagashyiraho sima.”

Yakomeje agira ati “Hari aho babanje guca imitwe y’abantu, bagatamo n’imihoro babatemeshaga kuko mu kubica hari abo bahagezaga ari bazima bakabatema bakabarohamo n’iyo mihoro bakayitamo…

Muri ibi byobo kandi, hagaragayemo icyobo cy’abana bato bigaragara ko bashyizwe ukwabo.”

CNLG ivuga ko ibikorwa byo gushakisha imibiri itarashyingurwa mu cyubahiro bikwiye gushyirwamo imbaraga by’umwihariko bikagirwamo uruhare n’abakoze Jenoside bakibohora bakavuga aho bajugunye imibiri y’abo bishe.

Ivuga kandi ko abatarahigwaga na bo bakwiye gutanga amakuru y’ahari iriya mibiri kuko ari bo bashobora kuyamenya kuruta abacitse ku icumu bahigwaga kiriya gihe ubwo Jenoside yabaga.

Imibiri yagiye ivanwa mu byobo bitandukanye
Mu kiganiro n’abafatanyabikorwa
Dr Bizimana yongeye kugaragaza urw’agashinyaguro abishwe muri Jenoside bicanywe
Bizimana avuga ko hari n’ibyo basanzemo imibiri y’abana

UMUSEKE.RW

9 Ibitekerezo

  • Dr Bizimana se ubu ntiyibeshye ra? Imibiri yabonetse kuva mu mwaka wa 2017 atubwiye, nimuyibare muteranye murebe: ” habonetse ingana na 4 616 mu turere 20 two mu Mujyi wa Kigali, mu Ntara y’Iburasirazuba, Amajyepfo n’iy’Iburengerazuba mu gihe mu gihembwe cya mbere cya 2019-2020 hamaze kuboneka imibiri 466 mu turere umunani (8). Ni imibiri 5082. Nimuyigereranye n’iyi mibiri irenga ibihumbi 84 yashyinguwe mu rwibutso rwa Nyanza ya Kicukiro mu kwezi kwa kane k’uyu mwaka. Cherchez donc l’erreur!!!
    https://www.bbc.com/gahuza/48161235

    • Kwica umuntu waremwe nu ishusho y’Imana,ni nko kwica Imana ubwayo.Nkuko Ibyakozwe igice cya 17,umurongo wa 26 havuga,abantu twese duturuka ku Muntu umwe.Icyo Imana yizeza abantu,nuko mu isi nshya dusoma muli 2 Petero igice cya 3,umurongo wa 13,nta Ronda-bwoko rizabamo,kubera ko ku munsi wa nyuma,Imana izakura mu isi abantu bose bakora ibyo itubuza,igasigaza mu isi abayumvira gusa nkuko Imigani 2,imirongo ya 21 na 22 havuga.Icyo Imana idusaba twese,nuko tutahera mu gushaka ibyisi gusa,ahubwo tukabifatanya no gushaka Imana,mbere yuko uwo munsi w’imperuka uza.Abibera mu byisi gusa,Imana ibita abanzi bayo nkuko Yakobo 4,umurongo wa 4 havuga.Bisobanura ko itazabaha ubuzima bw’iteka muli paradizo.

  • @Akumiro, abantu musoma ibyanditswe gusa ntimusome n’ibitanditswe hagati y’ibyanditswe (lire entre les lignes), muzahorana ibibazo muri uru Rwanda. Icyo Bizimana atatubwiye ni iki se ko ari wowe udashaka kumva?

  • @mberakurora , gerageza usome neza ureke amarangamutima . Dr BIZIMANA yatangaje imibare y’imibiri yabonetse 2017- 2018 ndetse n’imibare y’imibiri yabonetse igihembwe cya mbere 2019-2020 none wowe uzanye imibare y’imibiri yabonetse mu kwezi kwa 5 /2019 bishatse kuvuga n’igihembwe cya kabiri 2019-2020 . Mbona ari wowe wivuyemwo tukakumenya

  • @Ngabo, bariya bantu barenga 84,000 imibiri yabo yashyinguwe mu kwa kane 2019. None wowe ngo babonetse mu kwa gatanu!! None se bashyinguwe bataratabururwa?

    • @ Mawazo , iki nicyo gihe cyanyu cyo gushinyagura nyuma yo kwica 1,000,ooo irenga kuko génocide irategurwa ,igashirwa mu bikorwa hanyuma mugahakana ibyo mwakoze . Iriya mibiri yabonetse mu kwa gatanu ariko kubera ubugome n’amaroso akijojoba mu maboko yanyu kuko muhakana ibyo mwakoze ibi nabyo murabihakana .Ingegera ziragwira

  • Sorry. Bashyinguwe mu ntangiriro z’ukwa gatanu ariko bataburuwe guhera mu ntangiriro z’umwaka. None se nyuma y’aho bashyinguriwe iyo mibare yabo ntayo Dr Bizimana arabona umwaka ugiye kurangira? Cyangwa yayitanze Umuseke uramutenguha? Erega ibyo mu Gahoromani i Kabuga, za Ndera na Masaka, birazwi muvandimwe. Mujye mwicecekera.

  • @ Mawazo , soma iyo link mberakurora yashizeho niho babivugz neza ko imibiri yabonetse mu kwagatanu 2019 ireke ubujinga bwo guhakana ibyabaye mu maso yacu .Umeze nka wa muyobozi wu murenge ejo bundi bafunze aho murugo rw’umuturage bahabonye imibiri 4 y’abishwe muri génocide nyuma agategeka ko bayijyana ku murenge bayigezayo itatu akayirigisa nyuma bayimubajije yemeza ko bakuyemwe imibiri umwe kandi yakuwemwo abaturage babibona ! Ariko muzashinyagura kugeza ryari !?

Subiza

Your email address will not be published. Required fields are marked *