• 16/12/2019 3:39 20

Bitewe n’ibyabaye ndifuza kuzareba APR yahuye na Rayon- Muhadjiri wagiye i Dubai

Umukinnyi w‘ikipe y’igihugu y’u Rwanda, Hakizimana Muhadjiri werekeje muri Shampiyona yo muri Dubai, avuga ko yifuza kuzareba imikino izahuza APR FC na Rayon Sports kubera ihangana ryabaye hagati y’aya makipe mu kugura abakinnyi.

Ku wa Gatandatu Muhadjiri yicaranye na Amran Nshimiyimana bahoranye muri APRF ubu na we ari muri Rayon. Barebaga umukino wa AS Kigali na KMC

Uyu mukinnyi uherutse kugurwa n’ikipe yo muri Dubai ya Emirates Club, avuga ko shampiyona y’u Rwanda y’uyu mwaka izaryohera abakunzi b’umupira w’amaguru.

Avuga ko amakipe menshi yagerageje kwiyubaka asinyisha abakinnyi bavuye mu makipe asanzwe ahanganira ibikombe, avuga ko hari imikino na we anyotewe kuzareba.

Agira ati “Ni Shampiyona izaba iryoshye, ni shampiyona nshaka kuzareba wenda As Kigali yahuye na APR, Rayon Sports yahuye na APR bitewe n’ibintu byagiye biba, nshaka kuzareba uko bizaba bimeze mu bakinnyi.”

Mu kiganiro kihariye yagiranye n’Umuseke, Mahadjiri usanzwe ari uwo mu idini ya Islam, yavuze ko yaje kwizihiza umunsi mukuru wabo wabaye ejo hashize.

Ngo hariya i Dubai ntaramenyera ubuzima bwaho kuko nta gihe kinini arahamara avuga ko yifuza kuzitarwa neza kugira ngo aharurire inzira bagenzi be b’abanyarwanda bashobora kuzarambagizwa n’amakipe yo hanze.

Uyu rutahizamu w’Amavubi uvuga ko shampiyona ya hariya i Dubai itaratangira ariko mu minsi ishize ikipe ye yakinnye umukino wa gicuti igatsindwa ibitego 3-2.

Muhadjiri wakiniye APR FC igihe kinini ngo yifuza kuzayibona ihura na Rayon Sports muri iyi shampiyona

Interviewer: Jean Paul NKUNDINEZA

Dieudonne NSHIMIYIMANA
UMUSEKE.RW

1 Igitekerezo

  • Muhajiri mwisabire ikintu kimwe, agiye aho batanga ibiceri bihagije, ariko namusaba kwitonda kuko abo akinira bamurusha IKIBURI ntazitware uko yitwaye akinira Mukura, ntazibeshye ngo afate ingobyi ajye kuyita, ibyo yabikoraga azi ko ateta umwarabu ntazabyemera, ahasigaye mwana wacu: AMAHIRWE MASA

Subiza

Your email address will not be published. Required fields are marked *