• 20/01/2020 8:15 22

Basketball: U Rwanda rwatangiye rutsindwa mu mikino y’akarere ka gatanu

Mu mikino y’akarere ka gatanu irimo kubera muri Uganda amakipe ahagarariye u Rwanda mu bagabo no mu bagore yatangiye atsindwa.

Ikipe y’abagore na yo ntiyitwaye neza

Ni imikino yatangiye kuri uyu wa gatatu aho abagabo batsinzwe na Misiri amanota 68-59 na ho abagore batsindwa na Uganda amanota 62-53.

Mu kiciro cy’abagore Uganda yasoje agace ka mbere iri imbere n’amanota 23-11 mu gihe agace ka kabiri kaje kurangira u Rwanda ruri imbere n’amanota 30-28 kuko batsinzemo amanota 19 mu gihe Uganda yo yatsinzemo 5 yonyine.

Mu gace ka gatatu Uganda yagasoje iyoboye n’amanota 50-33 mu gihe, umukino warangiye Abagande batsinze ku manota 62-53.

Tierra Monay Henderson ku ruhaande rw’U Rwanda ni we watsinze amanota menshi (28) mu gihe kuri Uganda yo Claire Gloria Lamunu yatsinze amanota 14.

U Rwanda rurongera gukina kuri uyu wa kane rukina na Kenya mu bagore mu gihe mu bagabo bazakina na Tanzania.

Ni imikino izatanga amatike yo kwerekeza mu mikino nyafurika ku makipe ya mbere aho mu cyiciro cy’abagore imikino ya AfroBasket izabera muri Senegal guhera tariki 8 kugeza 17 muri Kanama 2019 na ho mu bagabo FIBA Afrocan izabera i Bamako muri Mali guhera tariki 19-28 Nyakanga 2019.

Yvonne IRADUKUNDA 

UMUSEKE.RW 

Subiza

Your email address will not be published. Required fields are marked *