• 08/12/2019 10:30 24

BASKETBALL: Imikino ibanziriza Shampiyona iratangira kuri uyu wa Gatanu

Ku mugoroba wo kuri uyu wa Gatanu nibwo haza kuba hatangira imikino ibanziriza Shampiyona (Play-offs) y’uyu mwaka aho Patriots BBC iza kuba ikina na APR BBC naho REG BBC igakina na Espoir BBC.

Imikino ya Play-Offs iratangira gukinwa none

Ni irushanwa ngarukamwaka ritegurwa n’ishyirahamwe ry’umukino wa Basketball mu Rwanda rigahuza amakipe aba yarasoje shampiyona mu myanya ine ya mbere.

Umukino ubanza wa Play-offs uraba saa Moya (19h:00) aho ikipe ya Patriots BBC ifite iri rushanwa ry’umwaka 2018 ikina na APR BBC, umukino wa kabiri urahuza REG BBC na Espoir BBC saa tatu z’ijoro.

Bigendanye n’uko Ishyirahamwe ry’umukino wa Basketball mu Rwanda ryahinduye uburyo byakinwaga,  aho Shampiyona yagiraga igikombe cyayo na Play-offs ikagira icyayo. Kuri ubu amakipe abiri ya mbere muri Play-offs ni yo azajya ahagararira igihugu mu mikino y’Akarere ka gatanu (Zone 5).

 

Dore uko amakipe azahura

Ku wa Gatanu taliki ya 12 Nyakanga 2019:

Patriots BBC vs APR BBC (Petit Stade Amahoro, 19h00’)

REG BBC vs Espoir BBC (Petit Stade Amahoro, 21h00’)

Yvonne IRADUKUNDA
UMUSEKE.RW

Subiza

Your email address will not be published. Required fields are marked *