• 25/01/2020 6:38 42

Basketball: Ikipe y’igihugu ya Côte d’Ivoire yasuye StarTimes i Beijing

Ku wa kabiri tariki ya 27 Kanama, abayobozi n’abakinnyi b’ikipe y’igihugu ya Côte d’Ivoire mu mukino wa Basketball basuye ikicaro cya StarTimes nk’ikompanyi izerekana irushanwa ry’Igikombe k’Isi FIBA World Cup 2019 rizabera mu Bushinwa.

Umutoza Paolo Povia na Capitaine we Guy Landry Edi baganira n’ishami rishinzwe Siporo muri StarTimes

Paolo Povia, Umutoza w’iyi kipe na Kapiteni wayo, Guy Landry Edi beretswe aho StarTimes itunganyiriza ibikorwa byayo ndetse banasobanurirwa ibikoresho yifashisha, nyuma batanga ikiganiro ku banyamakuru ba StarTimes no ku ibitangazamakuru byo mu Bushinwa.

Kapiteni Guy Landry yavuze ku iterambere rya StarTimes muri Africa, agaruka ku kuba StarTimes yarahaye abaturage bo muri Côte d’Ivoire amahirwe yo kuzakurikirana iyi mikino y’igikombe k’Isi, avuga ko bizabatera imbaraga nk’abakinnyi bakumva ko bashyigikiwe y’igihugu cyose.

Umutoza w’ikipe ya Cote d’Ivoire, Paolo Povia yavuze kuri gahunda ya StarTimes muri iri rushanwa ati “Naratunguwe cyane, iyi kompanyi iratangaje cyane. Ni ukuri ndabona hari gahunda nyinshi zirebana n’ikipe ya Côte d’Ivoire, kuri Basketball no kuri iri rushanwa ry’Igikombe k’Isi. Ndibaza ko uburyo bwiza bwo kumenyekanisha umukino wacu mu baturage ari uko bawureba kuri Televiziyo.”

Umugabane wa Africa uzaba uhagarariwe n’amakipe atanu muri iri rushanwa rizatangira ku wa gatandatu w’iki cyumweru mu Bushinwa. Ibyo bihugu ni Angola, Côte d’Ivoire, Nigeria, Senegal na Tunisia.

Kapiteni Guy wa Côte d’Ivoire agira ati “Côte d’Ivoire irifuza kuzitwara neza mu matsinda igakomeza mu kindi kiciro kubera ko ari ryo rembo rizatwinjiza mu mikino ya Olympics. Sinakwirengagiza ko kwitabira igikombe k’Isi na byo ubwa byo ari ibyo kwishimira, tugomba kuryoherwa na byo, uburyo bwiza rero bwo kubigeraho ni ugutsinda.”

Ni ubwa mbere Ubushinwa butegura irushanwa ryo kuri uru rwego kuva muri 2008 ubwo iki gihugu cyakiraga imikino ya Olympics. Ni ubwa mbere kandi mu mateka y’igikombe k’Isi muri Basketball kitabirwa n’amakipe 32 igehuruka kitabirwaga n’amakipe 24.

Paolo Povia agira ati “Iri rushanwa rizaba riri ku rwego rwiza. Ikipe zose zifite ikintu gishobora gukora itandukaniro. Serbia yerekanye ko ari ikipe ikomeye muri iyi myaka ibiri ishize. Espagne na yo ni uko. Ubugereki bufite umukinnyi witwaye neza muri NBA, bizatungura buri wese. Ikipe ya Leta zunze Ubumwe za America (US) yo iracyari igihangange muri uyu mukino, Ubushinwa nk’igihugu cyakiriye irushanwa na bwo buzaba bukomeye. Iri rushanwa rizaba rifunguye.”

StarTimes irayoboye muri Africa ku gusakaza amashusho kuri Televiziyo. Yemerewe kwerekana mu bihugu byo munsi y’Ubutayu bwa Sahara amarushanwa yose ya Basketball ategurwa na FIBA, harimo n’iki gikombe k’Isi kizabera mu Bushinwa.

Umuyobozi Mukuru wa StarTimes mu bihugu bya Africa bikoresha Igifaransa, Philippe Zou, agira ati “Ni ishema kuri twe kubona abayoboye ikipe y’igihugu ya Côte d’Ivoire basura aho dukorera. Turashyira imbaraga nyinshi mu kuzamura umukino wa Basketball muri Africa.”

Avuga ko Africa ifite amahirwe menshi mu kuba uyu mukino washinga ibirindiro, bitewe n’uko ibihugu byinshi byo kuri uyu mugabane bifite amateka akomeye mu mukino wa Basketball.

Ati “Uyu mwaka Africa izaba ihagarariwe n’amakipe atanu. Twizeye ko iri rushanwa rizaha amahirwe Africa yo kwigaragaza no gukundisha abatuye umugabane umukino wa Basketball.”

Irushanwa ry’igikombe k’Isi muri Basketball rizabera mu migi umunani (8) yo mu Bushinwa. Rizatangira ku wa 31/08 – 15/09/2019.

StarTimes izaba yerekana imikino yose y’iri rushanwa iri kuba ako kanya mu mashusho agaragara neza (Live).

Umuyobozi wa StarTimes Sport, Shi Maochu avuga ko bizaba ari ibirori bikomeye, kandi ko hari ibiganiro byateguwe bizajya bifasha abakunzi b’uyu mukino kuryoherwa no kumenya byimbitse amakipe azaba yitegura gukina.

Ati “Buri munsi tuzajya tuba dufite abasesenguzi b’inzobere kandi tuzajya tubibutsa ibihe byaranze imikino y’amakipe azajya aba agiye guhura kugira ngo twizere ko umufana ari kuryoherwa n’irushanwa. Imikino yose izaba igaragara kuri application ya telefone ya StarTimea ON.”

StarTimea muri Africa ikoreshwa n’abagera kuri miliyoni 28, ifite imiyobiro yagutse irenga 170 ndetse n’abakwirakwiza ibikorwa byayo barenga 30,000 mu bihugu 37. StarTimes yihariye urubuga rufite amashene 480 anyuraho amakuru, sinema, imikino, filime z’uruhererekane, imyidagaduro, porogaramu z’abana,…

Intego ya StarTimes ni ugushaka uko buri muryango muri Africa woroherwa no gutunga, kureba no gusangira uburyohe bwa televiziyo igezweho.

Abahagarariye Cote d’Ivoire bishimira ko StarTimes yafashije abaturage babo kuzakurikirana Igikombe k’Isi muri Basketball kizabera mu Bushinwa

***********

Subiza

Your email address will not be published. Required fields are marked *