• 19/01/2020 3:35 51

Bamwe bati “twakize SIDA”, MINISANTE iti “Nta muntu tuzi urakira SIDA”

Ku bw’amasengesho n’ibitangaza by’Imana hari abavuga ko bakize SIDA, Minisiteri y’ubuzima ariko ivuga ko ibi atari byo ko nta muntu bizwi neza ko yakize SIDA, ko ahubwo hari ubwo bishoboka ko abo baba baribeshyweho ko banduye ariko bataranduye.

Shayija Elia umwaka ushize avuga uko yakize SIDA
Shayija Elia umwaka ushize avuga uko yakize SIDA

Pasteri Nshaija Elia umushumba mu itorero CELPAR i Kanombe yatanze ubuhamya bwumviswe na benshi bw’uko Imana yamukijije SIDA yari yarandujwe akiri umusore, aza no kuyirwara arazahara.

Mu buhamya bwe asobanura uburyo butangaje Imana ngo yamukijijemo SIDA yari arwaye nyuma yajya no kwisuzumisha agasanga koko ari muzima.

Avuga ko icyo gihe mu 2007 yisuzumishije ahantu habiri babona ari muzima kandi yari yarahawe n’ibisubizo mbere ko yanduye ndetse anarwaye, amaze kubona ko yakize ngo yakoresheje umunsi mukuru ashima Imana.

Uyu ni umwe mu bandi bantu banyuranye bagiye bavuga uko bakize SIDA, abanyamadini nabo bamwe bemeza ko mu bitangaza Imana ikiza SIDA.

 

MINISANTE  ntawe izi wakijijwe SIDA n’amasengesho

Beata Sangwayire wo mu kigo k’igihugu gishinzwe ubuzima ushinzwe ibyo gupima SIDA avuga ko bubaha imyemerere y’abantu kandi nabo bemera Imana gusa ibyo byose ngo ntibivanaho ‘science’ uko ikora.

Sangwayire avuga ko nta mibare barabona y’abantu bapimwe neza bikaboneka ko banduye SIDA nyuma bagasenga bagakira.

Ngo hari abantu bashobora gupimwa ariko hagatangwa igisubizo kitari cyo kubera impamvu zitandukanye zishoboka nk’ibikoresho, bikaba byakwemeza ko umuntu yanduye kandi ataranduye cyangwa ikinyuranyo.

Mu minsi ishize hari aho byagaragaye ko hari abantu bafata imiti igabanya ubukana bwa SIDA kandi bataranduye kuko hari ubwo baba barasuzumwe mbere bakabwirwa ko banduye bagatangira imiti.

Beata Sangwayire wo muri RBC
Beata Sangwayire wo muri RBC

Ibi rero Sangwayire avuga ko ari byo abantu bashobora guhuza n’imyemerere akajya kwipimisha akabona  habonetse igisubizo gitandukanye n’ibyo yari azi akavuga ko ari ibitangaza byabayeho.

Ingamba ziriho ngo ni uko umuntu adapimwa rimwe gusa ngo abe yahita ahabwa imiti. Ahubwo ngo apimwa n’undi muntu nawe yasanga yaranduye akabona guhabwa imiti.

Sangwayire avuga ko kugira ukwizera no gukomera ku kwemera ari byiza ariko bitavanaho ibigenwa na siyansi na Minisiteri y’ubuzima ngo abantu babe bakwiringira ko nibandura Imana izabakiza.

Daddy SADIKI RUBANGURA
UM– USEKE.RW

0 Igitekerezo

  • niba batabyemera bazafate abatanze ubuhamya bongere babapime kugira ngo babe sure.

    • Abanyamadini wagirango bagira “igiti”.Babwira abantu ko babasengeye bagakira Sida bakemera.Bakabaha amafaranga menshi.Gihamya simusiga yuko Pastors babeshya abantu,nuko bavuga ko bakiza indwara zitaboneka gusa (sida,ibibyimba mu nda,inzoka,…).Mu gihe abigishwa be Yesu bagendaga bazura abantu,bakiza abaremaye,abatabona bakabahumura,…Bible ivuga ko impamvu abantu bemera aba biyita abakozi b’imana,ngo nuko ari Satani ibahuma amaso ntibemere ko Pastors bababeshya.Kuki se nta Pastor numwe ku isi wari yajya ku bitaro ngo akize nibura umuntu umwe warembye??Wamugaye cyangwa wahumye?Nyamara Yesu cyangwa abigishwa be bakizaga abarwayi bose.Urugero,isomere Ibyakozwe 8:7,8 ukuntu Filipo yakijije amaremaye benshi nu mujyi wa Samariya wose ukishima cyane.Imana idusaba “guhunga” bene aba babeshya abantu.

  • Inkuru nk’iyi mwashoboraga kuyisimbuza indi yagira akamaro.

    • Nshuti yanjye ntabwo Pastor akiza ,hakiza IMANA,niba se mutemera IMANA kuki mwemera amadini???niba mwemera amadini rero bivuze ko mwemera IMANA.niba se mwemera IMANA,mwemera itabasha kugira icyo ibakiza????naho uwo ngo Science????mwayihawe nande????ubwo wavuga ngo ni abashakashatsi???ntakibaho na kimwe kitaremwe n’IMANA.

    • Ariko se mwumva abanyamadini bagira ubuhe buzima kuburyo wumva bataba bafite igiti cyo guha abantu???

  • Ayamadini yinzaduka nimutayafunga hakiri kare ararikora doraho nibereye.

  • BIRATANGAJE KUBONA MINISANTE YUMVAKO HARI ABAKIJIJWE SIDA NO G– USENGA YO YARANGIZA NTIBIKURIKIRANE AHUBWO BAGAHERA MU KUVUGAKO NTAWE BARABONA, MWAMUKURA HE SE MUTAMUSANZE AHO ARI? IMANA ISHOBORA BYOSE NA SIDA IRAYIKIZA, CANCER IRAYIKIZA NIBINDI BYOSE TUZI BINANIRA ABANTU. IKIBAZO GIHARI NI ABANYAMITWE BASIGAYE BIVANGA MU MADINI NAHO UBUNDI IBITANGAZA BIRAKORWA.

    • Hahahaha,icyo mbakundira rwose!!!ngo amadini y’inzaduka???nonese bavuze idini abo bantu bakiriyemo????hanyuma se wasanze aribwo ricyaduka???? analysis first plz

  • @Kamali,

    Jyana ibyo bitangaza byawe hirya

  • Uyu muyobozi muri minisanté aravuga ukuri .nawe uhakanye imyemerere arko abantu nibagane amavuriro nyaboneka.kugeza ubu na mukozi w’imana uranjya CHUK cg no muyandi mavuriro, ngo asenge byibura habyuke nkabarwayi 5 batahe.mugane abagaga kuko n’imiti babaha iri mubyo Imana yaremye.

Subiza

Your email address will not be published. Required fields are marked *