• 28/01/2020 10:47 40

Bad Rama azashimishwa no kubona abanyapolitike basabana n’ abahanzi

Ni mu gitaramo yateguye yise ‘Celebrities Xmas Party’ kizaba kuri Noheli aho ibyamarare bitandukanye bizahura bigasangira bikanaganira n’ abafana imbonankubone. Iki gitaramo ngo kizaba ari uburyo bwo guhuza ibyamamare bitandukanye haba muri Politili, sinema, muzika n’ahandi. Bad Rama ngo bizamushimisha kubahuriza hamwe, bagasabana bakamenyana.

Bad Rama ngo intego ye ni ukuzamura Showbiz Nyarwanda

Bad Rama ashimwa na benshi kubera uruhare akomeje kugira mu kuzamura abahanzi no guteza imbere muzika mu Rwanda.

Yatangiye kuvugwa cyane mu mwaka ushize wa 2017 ubwo yashingaga inzu ifasha abahanzi ya The Mane agasinyishamo Marina, Safi na Queen Cha.

Nyuma yaho yaguze ibindi bikoresho byo kwifashisha mu bitaramo buri muhanzi wese yakenera. Ubu noneho yatangiye no gutegura ibitaramo bizajya bihuza ibyamamare mu ngeri zitandukanye.

Yabwiye Umuseke  ko igitaramo azakora kuri Noheli  kiri mu rwego rwo guhuza ibyamamare bitandukanye hamwe n’abafana babyo.

Ati “ Iki gitekerezo kigamije guhuza abakora muri showbiz n’ibindi byamamare mu ngeri zitandukanye. Naje gusanga Celebrities Party ariyo yaba urufunguzo rwa bimwe mu byateza imbere uru ruganda rwacu.”

Kiriya gitaramo ngo yatumiyemo ibyamamare mu ngeri zitandukanye harimo abakora Politiki, abakinnyi b’imikino itandukanye,  abahanzi, abanyamideli n’abandi.

Avuga ko bizabafasha guhura bakaganira bakungurana ibitekerezo kuko ngo ubusanzwe biba bigoye ko bahura bitewe n’imiterere y’akazi bakora.

Kuba abazitabira kiriya gitarama bazazana n’abo bashakanye cyangwa abakunzi babo, ngo bizatuma basabana n’abandi, bamenyane bityo nibiba ngombwa bazakorane mu bihe biri mbere mu mishinga runaka.

 

Icyo gitaramo cya Celebrities Xmas Party ngo kizajya kibaho buri mwaka. Ku nshuro ya mbere kizaba taliki ya 25 Ukuboza 2018, kibere muri Camp Kigali.

Ni umuyobozi wa The Mane ifasha Marina, Safi na Queen Cha

Bonaventure KUBWIMANA

UM– USEKE.RW

0 Igitekerezo

  • Yagombye kwamagana, abashishura, abakoresha ibihangano by’abandi muri gahunda za leta no mu bindi bikorwa nta burengaznira basabye ba nyiri ibihangano.

Subiza

Your email address will not be published. Required fields are marked *