• 09/12/2019 7:43 36

Arashinja Apôtre Mukabadege kumutwara umugabo n’imitungo ye

Mukamana Annonciata  yabwiye Umuseke ko atewe agahinda no kuba  umupasiteri w’umugore witwa Mukabadege Liliane wamutwariye umugabo none akaba anasaba umugabo we kuzana n’imitungo yose kandi ngo Mukamana ari we wayihahiye. Mukabadege we ahakana iki cyo gusaba umugabo kuzana imitungo.

Mukamana avuga ko Mukabadege yamutwaye umugabo we ariko ashaka n'imitungo
Mukamana avuga ko Mukabadege yamutwaye umugabo we ariko ashaka n’imitungo

Mukamana Annonciata  atuye mu Akagali ka Kabagesera, Umurenge wa Runda mu Karere ka Kamonyi yabwiye itangazamakuru ko ababajwe no kuba yari amaranye na Ndahimana Jean Bosco imyaka 24  babana nk’umugabo n’umugore ariko ubu  akaba yaratwawe n’umushumba w’Itorero ryitwa Umusozi w’Ibyiringiro.

Ngo byatangiye Apôtre Mukabadege Liliane aza gusaba inzu yabo ngo ayihinduremo urusengero aha i Runda, barayibahaye bayisengeyemo igihe gito maze bayivamo ariko ngo umugabo we na Mukabadege bakomeza kwegerana.

Mukamana ati “Ndahimana twabanye nk’umugabo n’umugore kuva Jenoside yakorewe abatutsi yarangira, gusa yabanje gufungwa imyaka 13, none  Apôtre agiye kumuntwarana n’imitungo naruhiye afunze.”

Ndahimana na Mukamana ubu bari kuburana imitungo kuko babanaga batarasezeranye mu mategeko, ku rukiko uyu munsi Mukabadege yari yaje kumva iburanisha, avuga ko yahaje nk’undi munyarwanda wese wabishaka.

Tumubajije niba koko yaratwaye umugabo wa Mukamana, Mukabadege ntiyabihakanye cyangwa ngo abyemere, gusa avuga ko ibyo koshya Ndahimana ngo atware imitungo afitanye na Mukamana ari ukumusebya.

Nubwo atemeye ko yatwaye uyu mugabo wa Mukamana Umuseke wabashije kubona inyandiko y’uko baje no gushyingiranwa mu mategeko nk’umugabo n’umugore.

Tumubajije niba koko yaratwaye uriya mugabo, Mukabadege ntiyabihakanye cyangwa ngo abyemere
Tumubajije niba koko yaratwaye uriya mugabo, Mukabadege ntiyabihakanye cyangwa ngo abyemere

Yavuze ko kuba yaje mu Rukiko gukurikirana iburanisha kuri iyo mitungo kuko ari uburenganzira bwe nk’abandi banyarwanda bashobora kuhaza.

Mukabadege mu 2016 yatanye na  Bizimana Ibrahim bari barashakanye bakanimikwa (2015) bombi nk’abashumba b’itorero na Apôtre Gitwaza Paul, bakitwa ‘abakozi b’Imana’.

Urukiko rwisumbuye rwa Muhanga uyu munsi rwatangiye kumva urubanza Mukamana Annonciata aburana n’umugabo wari we ku mitungo.

Ibibazo by’amakimbirane mu ngo byinshi usanga bishingiye ku myifatire y’abashakanye cyangwa ku mitungo y’urugo, ingaruka zabyo ni uburere bubi buhabwa abana, inzangano mu miryango ndetse n’ubwicanyi hato na hato.

Hari inyandiko igaragaza ko Mukabadege yashyingiranywe na Ndahimana umwaka ushize
Hari inyandiko igaragaza ko Mukabadege yashyingiranywe na Ndahimana umwaka ushize
Mu 2015 bimitswe nk'abashumba we n'umugabo we Ibrahim, mu 2016 baratana, mu 2017 ashyingirwa n'uyu uri kuburana n'umugore imitungo
Mu 2015 bimitswe nk’abashumba we n’umugabo we Ibrahim, mu 2016 baratana, mu 2017 ashyingirwa n’uyu uri kuburana n’umugore imitungo

MUHIZI Elisee
UM– USEKE.RW/Muhanga

0 Igitekerezo

  • Iki nicyo muba mushaka muri aya madini.

  • ngo baba bafite amavuta da. none ngaho divorce no gusenya ingo zabandi

  • Arongeye!!!!
    induru ye nuriya batandukanye twari tumaze kuyibagirwa none aragarutse bivugwa ko nuriya wambere ngo yari yaramutwaye umugore bari bafitanye abana 5

  • uyu mukozi w’Imana ntakina! ahise atwara umugabo wabandi akakanya? ndumiwe! ariko aya mazina biyita cg babita ntakuntu bayamburwa?

  • Uyu wiyita umukozi w’imana ni mukorogo yigendera

  • Igitekerezo cyaweinkuru yu munyamakuru ntisobanutse mu rubanza rwabaye ndahimana jea bosco yashinganishaga imitungo mukamana anociata arimo gusahura!apotre lilane mumuzanye muli iyi nkuru mute?umunyamakurunta bunyamwuga yerekanye!

  • inkozi z’ibibiiiiiii IMANA ntiri ku ruhande rwanyu. mbabazwa gusa n’ababangara inyuma. abayobozi, abayoboke bihane

  • Ariko amaherezo y’Umushumba urongorwa n’intama n’ayahe bahu?
    nta gihe gishize atandukanye n’indi ntama nayo yaje kuba umushumba!!!!!!!!!imitwe gusa.

    • Uwo mushumba yikundira munsi h’intama ze.

  • MUKABADEGE muramubarirwa mwe ntimumuzi. uho mugabo n’uwa gatatu kandi abo yatandukanye nabo bose bariho ntanumwe wapfuye. Abana yagize ipfubyi kandi ababyeyi babo bariho barenze batanu. Nagerage gushaka kumenya neza icyibimutera nsanga biva mu muryango we, kuko na murumuna we yagize Pastor nawe yageze ikirenge mucya MUKABADEGE. gusa aho kugira ngo bajye birirwa babeshya abanyarwanda ngo bari kubasengera basigeho rwose cyangwa leta izatufashe ibajyane mukigo ngororamuco kwa Mr. BOSENIBABWE. Niba ibyo mukabadege akora aribyo IMANA iba yamutumye ntawamenya gusa NJYE ndacyagaya abanyarwanda bacyiri mw’isindwe ry’ amadini ngo barashaka kuzajya mw’ijuru, mwarayobye kuko abo babatwara ntaho bazabageza, NABAGOME BABI CYANEEEE…

  • Yewe ino nkuru ya Mukabadege nubwo imbabaje ariko irananshekeje!!None c n’iki gituma Mubakabadege atihigira umugabo udafite undi mugore ahubwo akajya gusenya iz’abandi.MNbega izina ryapfuye ubusa!!!Ngo ni “apotre” ariko wasanga ari intumwa ya sekibi da nayo igira abakozi.

  • Igitekerezo cyawealiko uwo apotre liliyane muvuga muramuzi imana imubamo murayizi njye ndayizi namushyiriye umwana wanjye asa nuwapfuye aramusengera arakira.abamusebya njye sibyumva namba.

    • Umva bazina nasekibi arakora muburyo bugaragara kdi muriyimnsi bwo yarakataje pe!Ariko ntibikuraho ibyo akora ngo nuko yamusengeye.Ntantumwa y’Imana yakwishimira ko undi muntu ahura nibibazo kdi ariwe ubitera.Ibaze nawe uri umu mama noneho ariwowe atwariye umugabo ?Waba uvuga gutyo?Agahwa kari kuwundi karahandurika

  • Mahoro uravugango apotre bamuzanye bate urabona ari umunyamakuru wamuzanye cg niwe wizanye muruyu mwanda wogutwara abagabo babandi,uwiyita apotre nigute yakwijandika mubikorwa nkibi,kdi abantu mukamujya inyuma ngo arabasengera ,ubugoryi buratera,ubundi umukozi ngo w’imana yakwisiga yakwisiga mukorogo akaba ari muzima?

  • Ni danger ibyabiyita abapasiteti na apôtres bubu. Esubundi apôtres muzima ndeba yazahajwe na mukorogo kuliya koko wagirango nigitoke cyapfubye yagusengerate kweli. Nagahomamunwa gusa

  • Ariko koko ubu ntimuramenya ko amatorero yaba GITWAZA RUGAGI………ari za satani gusas gusa. niba mushaka gusenga muyoboke amatorero mushaka,ariko yaiho mbere ya 1980. ayo yandi yinzaduka, nayamadayimoni ndabarahiye.

    • Mpora mbivuga buri gihe abantu bakambwira ngo vana ubusope bwawe aho. Nta kindi kirimo usibye gusahura abantu gusa.

  • @Rugeyo impfizi y,intama urandangije rwose!
    Intama yurira umushumba!!!!!

    Ahubwo barebe neza,wasanga ari intama yimya ikirura!!!!Cyangwa ibirura bibiri bisayidirana mu mukumbi

  • Mujye mureka bihangire imirimo sha kdi iby abapfu biribwa n abapfumu, muri uru Rwanda rw uriya mujama kubaho ntibyoroshye ni ugukanura cyane

  • Ongeraho ngo wasanga ahubwo ari ibirura bibiri kimwe kiyambitse uruhu rw’intama ikindi kigize umushumba. Dukeneye amategeko arengera umuryango kandi akomeza abashakanye. Naho amatrgeko buri wese afata uko yishakiye ntabwo aribyo.

  • Aho wagiye ugasanga kuhaba biroroshye ni he?Simbona abantu birirwa bagwa muli méditerranée bagiye za burayi naho ibi by’amadini ni ukubyitondera kuko ni ubujura gusa gusa.

  • hahahahaaaaaaaaa hahahaaaaaaaaaaaaaaaaaa ubu nasetse umugongo uragudutse kubera guseka!!!! uwo mubyeyi wibatije paster Nyagasani amutabare nkuko yatabaye wa mugore Yezu yaramubajije ati ufite umugabo? ati oya! Yezu ati ushuibije neza kuko nuwo mwararanye suwawe!!hahahaaaa ahwiiiiii atu utandukanye nabagabo batanu bose!! Mbega pastorikazi uri aha weeee!! singusabiye umuvumo gusa Imana yabingayira ariko ijambo ry’Imana urizi kuyndusha kuko wirirwa uyobya intama za Yezu nabyo uzabibazwa ariko ijambo ryayo rivugango ubibira mumubiri azasarura kubora! komeze usenyere abana b’Imana shitani ahemba urupfu no gukorwa nisoni nawe ari tayari kugutamaza Imana ntizakomeza yihanganira ubwo butekamutwe bwawe.cyaritukujeeee uzanashya wowe puuuu guhora mubitangazamakuru ngo watwaye abagabo babandi ngo watandukanye nabagabo jujgujugu yaburimunsi turayirambiwe .izo ntama z’Iman wirirwa uyobya uzazibazwa

  • @kamegeri, wikwibasira amadini (amatorero) ndetse nabantu kugiti cyabo,

  • Mwongeye kwirirwa yemwe nshuti z’Imana?Burya ngo agahwa kari kuwundi karahandurika,Uyu mama Pasiteri mwe nti mumusobanukiwe mugihe mwaba abanyamakuru b’umwuga mwakaretse ku muvugaho mutabanje kwinjira mu buzima bwe rero njye wafashe umwanya nkagirana nawe ikiganiro kubw’inyungu nari mufiteho yanyakiriye neza pe iyo uri igitsina gabo akubonaho ubuzima bwejo hazaza ineza agukuruza biciye mumvugo nziza y’amasengesho biragoye wowe mugabo kuhivana uko niko kuri mbahamirije afite ubunararibonye mu kwigarurira igitsina gabo ariko cyane cyane abafite imiryango abona ko bafite icyerekezo,uko na musesenguye rero mu gihe gito nakoranye nawe :1. Ni umusambanyi w’umwuga kuko ahora arwaye indwara yo gusamba. kandi ubusobanuro bwo gusambana nuko iyo umuntu atekereje icyo gikorwa atangira gusamba murwego rwo kugira ngo akire agashakisha undi nkawe bahuje ikibazo nawe urimo gusamba ashakisha uwo bahuje ubwo burwayi bivuze ko rero iyo bahuje bagasanga bavurana neza bakoroherwa umwe atangira gusamba undi nawe bikaba uko begerana kugeza igihe basambiye hamwe hakavamo igikorwa cyo gusambana utahapfiriye rero arahakirira,niho haboneka inyungu kuruhande rumwe urundi rukaviramo aho iyi niyo ndwara rero uyu mubyeyi nyina w’abana batandukanye arwaye nkaba mboneyeho kubasaba ku mwakira kuko siwe nikimurimo bita Kamere -muntu kuriwe rero yahisemo Gukinisha urugingo Imana yamugeneye none akaba arusenyesheje imiryango myinshi ndetse n’induru y’abana atesheje ababyeyi babo so mu muhe icyubahiro ki mukwiriye mu mwereke Imana izumva amasengesho yanyu imugurure mu mukumbi wayo.2 Reka ngaruke ku matorero n’amadini Ese koko mu Rwanda hari Pasitoro waboneraho umugisha binyuze mu masengesho ye?Ese Abayobozi b’amatorero nabo babona ikibazo muribo bakabona hari icyabahindura bakaba Abashumba b’ukuri?Ese Imana n’Amafaranga ikirenze ikindi n’ikihe?3. Ikindi imitwe ya Politiki ihuza ite amasengesho asenya ingo n’imibereho ya muntu muri Politiki y’impindura matwara mu kwigira ?Murakoze Imana ibahe umugisha na Mama Pasiteri wacu ,Gusa ndi butsa Apotre Gitwaza kuzongera agasubira kureba CD y’umuhango wo kwimika uriya muryango ibyo bo biyemeje n’impanuro yatanze niba atatubeshye koko azatubwize ukuri ko bari basengewe niba abonekerwa azaduhishurire ibanga kuko nzi neza ko yari azi uriya mudamu pee mu bikorwa bidahesha Imana icyubahiro ariko akaba ari wa muntu uzi gushakisha Amaturo mu ba kristo kdi muburyo butamugoye.

Subiza

Your email address will not be published. Required fields are marked *