• 18/01/2020 7:45 53

Amavubi- Mashami yahamagaye 27: E. Sugira ntarimo…APR ifitemo 8, Rayon 3

  • Na Savio ntiyahamagawe…Umunyezamu wa Police FC yahamagawe bwa mbere

Umutoza w’Ikipe y’Igihugu y’Umupira w’Amaguru (Amavubi), Mashami Vincent yahamagaye abakinnyi 27 bazavamo abo azakoresha mu mikino iyi kipe yitegura gukina na Mozambique na Cameroon. Aba bakinnyi barimo umunani (8) bakina muri APR FC, naho Rayon Sports, As Kigali na Police FC zikagiramo batatu batatu kuri buri kipe [ubwo zose zifitemo ikenda].

Abahamagawe ntiharimo Ernest Sugira uherutse guhesha ishema igihugu ubwo yatumaga Amavubi akomeza mu ijonjora rigana mu gushaka itike yerekeza mu gikombe cya Africa. Mu mikino yombi Amavubi yatsinze ibitego 2-1 Ethiopia byombi yatsinzwe na Ernest Sugira.

Uyu rutahizamu w’Amavubi uri mu bihano yahawe n’ikipe ye ya APR FC, ubwo yamaraga guhesha Amavubi aya mahirwe, yatangaje ko yisanga mu ikipe y’Igihugu kurusha muri Club ye. Bivugwa ko ari na byo yazize.

Iyi kipe yisangamo nk’uko yabyivugiye, na yo ntiyamuhamagaye.

Umutoza w’Amavubi, Mashami Vincent yabwiye Itangazamakuru ko yanze guhamagara Sugira Ernest mu rwego rwo guha icyubahiro ikipe ye yamuhagaritse.

Avuga ko aramutse ahamaye Sugira kandi ari mu bihano mu ikipe ye, yaba ashatse kuvuguruza ikipe ye yamuhaye ibihano byo kudakina mu gihe cy’amezi atatu.

Tariki ya 14 Ugushyingo, Amavubi azakina umukino wa mbere wo gushaka itike ya CAN na Mozambique umukino ubanza uzabera mu gihugu cya Mozambique nyuma y’iminsi ine bakire Cameroon i Kigali.

Mashami avuga ko ari ibintu bigoye gukinirira hanze nyuma y’iminsi ine bakagaruka bagakina ariko ko bazakora ibishoboka byose bakitwara neza.

Avuga ko bariya bakinnyi bazaba bavuye muri Mozambique n’indege bazaba bagifite umunaniro bityo agasaba ko bishobotse bazahabwa indege yihariye.

Abakinnyi 27 Mashami yahamagaye azakoresha :

Abanyezamu (4):

Kimenyi Yves (Rayon Sports), Ndayishimiye Eric Bakame (AS Kigali), Mvuyekure Emery (Tusker FC) na Habarurema Gahungu Emmanuel (Police FC).

Abakina inyuma (8):

Rwatubyaye Abdul (Colarado Rapids, USA), Nirisarike Salomon (Pyunik FC, Armenia), Manzi Thierry (APR FC), Mutsinzi Ange Jimmy (APR FC), Ombolenga Fitina (APR FC), Imanishimwe Emmanuel (APR FC), Eric Rutanga Alba (Rayon Sports), Bayisenge Emery (Saif Sportigng Club, Bangladesh).

Abakina hagati (8):

Muhire Kevin (Mir El Makkasa, Egypt), Niyonzima Olivier Sefu (APR FC), Bizimana Djihad (Waasland Beveren, Belgium), Niyonzima Haruna (AS Kigali), Iranzi Jean Claude (Rayon Sports), Niyonzima Ally (Al-Bashaer Club, Oman), Nsabimana Eric Zidane (AS Kigali) na Manishimwe Djabel (APR FC).

Abataha izamu (7):

Meddie Kagere (Simba SC, Tanzania), Jacques Tuyisenge (Petero Atletico de Luanda, Angola), Hakizimana Muhadjili (Emirates Club, Qatar), Iyabivuze Osee (Police FC), Mico Justin (Police FC), Usengimana Danny (APR FC) na Sibomana Patrick Pappy (Yanga SC).

Nshuti Dominique Savio wari umaze iminsi yitwara neza muri Police FC, ntiyahamagawe mu gihe umunyezamu wa Police FC, Habarurema Gahungu yahamagawe bwa mbere mu ikipe y’igihugu.

Abakinnyi bahamagawe baratangira umwiherero uyu munsi ku wa Gatatu mu karere ka Bugesera.

Umutoza w’Amavubi uyu munsi ari mu kiganiro n’Itangazamakuru

Jean Paul MUGABE
UMUSEKE.RW

8 Ibitekerezo

  • Ibibintu biteye iseseme, turi babangamwabo

  • Ntabwose mushimisha abanyarwanda? Turifuza sugira, nimutamukinisha ikigali uzarebwa na mbarwa, mbambaroga. Nimukatwicire ibyishimo, gusa nimutamukinisha imana izabatsindishe mitahe

  • MBEGA UBUROFA BWA MASHAMI, MUNYANGIRE MURI FOOTBALL N’UBUGORYI. EKIPE IKENEYE GUTSINDA KUGIRA BAGUMANE MOMEMTUM,, NONE UMUTOZA WE NGO ARI GUHESHA CLUB ICYUBAHIRO. IMITEKEREZE NKIYI NI BAZANGA SANA. MASHAMI AHITEMO NIBA ARI UMUTOZA W’AMAVUBI, CYANGWA NIBA ARI UMUTERA MBABAZI AZIGIRE MUNNDAHEMUKA. IBI BITEYE ISESEME, BYIBUZE IYO ABESHYA KO SUGIRA YATAYE FORME KUBERA KUDAKINA, MURI CONTRACT YAHAWE HARIMO GUHESHA IGIHUGU ICYUBAHIRO APANA CLUBS.

  • urandika inkuru nk’umufana kbsa,ubuse nuko utazi kubara abakinnyi 8 APR ibakuyehe?mbese byakwangiye washatseko babonako ifitemo benshi

  • Umutoza buriya yagize ubwoba, igitugu cyabayobozi ba APR arebye nabi nawe cyamugeraho. Ibi biri mubintu byagiza umupira wacu.

  • Imitekerereze nkiyi iraciriritse cyane kuburyo itakagombye kuba ifitwe numuntu utoza ikipe yigihugu gituwe nabantu hafi 12M.
    Nonese nawe ngo yahisemo kutiteranya na Club ahubwo ahitamo kwiteranya na miliyoni 12 zabanyarwanda. Bizaguhire igihugu gitsinde iyi mikino yombi, nahubundi sinaguhisha ko carriere yawe muri ruhago yurwanda icamarenga ko yaba igiye kugera kumusozo, kuko niba uri kurwego rwo kudashobora gutandukanya ikipe yigihugu wahawe na club, nawe ntaho ushobora kuba utaniye cyane na sugira uvuga. Tegereza gato umugani wa bibiliya uvuga ngo ntawucyeza abami babiri ugusohoreho vubaha, kuko nawe wanze guhitamo umwami ukorera kumugaragaro uhitamo gushaka kunezeza abami bombi. Ariko ntibizatinda uzabona ingaruka zo guhitamo kutanezeza abanyarwanda 12M.

  • Ngo guhesha icyubahiro ikipe ye yamuhagaritse utesha agaciro igihugu se ????????????????????????????? bati niwe utsindira amavubi uti ndamusize mpeshe ikipe ye icyubahiro pls logic irihe ko nyishaka nkayibura. Igihugu i mbere ikipe igakurikira si no stade nimwe muzayicaraho gusa

  • ok kugiti cyange yakagombye guhamagara sugira niba ashaka guhesha ishema abanyarwanda kdi na clab sugira natsinda irahabwa agaciro kuko umukinnyi wayo yatsindiye igihugu

Subiza

Your email address will not be published. Required fields are marked *