• 12/12/2019 1:00 53

Amalon ukunda Shaddy Boo nk’umukobwa ugezweho yahimbiye indirimbo

Umuhanzi Amalon yakoze indirimbo yitwa ‘Shaddy Boo’ impamvu yayikoze ngo ni uko mu bakobwa bazwi nta urenze Shaddy Boo ku bwiza bikaba iby’akarusho kuko na we amukunda.

Amalon yaririmbye Shaddy Boo ngo kuko amukunda

Bizimana Aman wamamaye nka Amalon ni umuhanzi ugezweho muri iki gihe mu ndirimbo nka ‘Byakubaho’, ‘Yambi’ n’izindi.

Uyu musore ukiri muto yatangiye kumenyekana cyane mu mwaka wa 2018 ariko ngo ntabwo ari wo mwaka yari atangiriye ho umuziki.

Umuziki yatangiye kuwukora yiga mu mashuri yisumbuye ngo muri 2010 nibwo yatangiye kujya muri Studio agafasha abandi bahanzi mu ndirimbo zabo akongeramo ijwi rye.

Aganira na Umuseke yaduhishuriye ko hari indirimbo yakoze muri 2015 itarigeze imenyekana yise Shaddy Boo.

Shaddy Boo yavugaga ni umwe ugezweho wamamaye cyane kubera imbuga nkoranyambaga.

Muri iyo ndirimbo Amalon aririmba avuga inkuru y’umukobwa mwiza ngo ukora ibintu byose nka Shaddy Boo haba kubyina, kugenda n’ibindi.

Impamvu ari we yafatiyeho urugero akanaririmba izina rye ngo ni uko kuva yamenya ubwenge nta wundi mukobwa uramamare kurenza aha Shaddy Boo ngo bikaba n’akarusho kuko ari mwiza.

Uretse kuba yaramuririmbye n’ubusanzwe ngo aramukunda kuko ari umukobwa mwiza.

Ati “Ni mwiza kandi agezweho hashize imyaka ine nkoze iriya ndirimbo icyo gihe ni we wari ugezweho. Burya mu muziki hari ukuntu habaho kuririmba ikintu kiba kiriho, kigezweho nange nabikoze muri ubwo buryo.”

Amalon avuga ko kuva yamenya ubwenge nta wundi mukobwa uraza ngo yemeze Shaddy Boo, kuri we inama amugira ngo ni ugukomeza ibyo akora nta guhagarika ngo kuko ari byo bamukundira.

Amalon ngo yaririmye Shaddy Boo mu myaka ine ishize ariko indirimbo ntiyamenyekana

Bonaventure KUBWIMANA
UMUSEKE.RW

1 Igitekerezo

  • Uyu mwana witwa AYALON ndabona yaratwawe na Shaddy Boo.Ariko yibuke ko Shaddy Boo afite abana 2 yabyaranye n’abandi bagabo kandi ko hari abandi benshi yaryamanye nabo.Byaba byiza uyu mwana AYALON ashatse undi mukobwa bakundana kandi bagatera igikumwe bakabana binyuze mu mategeko.Akirinda ibyateye bita ngo bari mu rukundo nyamara nta kindi bagamije uretse kuryamana kandi Imana ibitubuza,keretse gusa ku muntu umwe mwateye igikumwe.Mwana wacu AYALON,turagukunda.Sigaho kwigana abandi ba Stars barangwa no gushurashura mu bakobwa,bakora ibyo Imana itubuza,bigatuma bazabura ubuzima bw’iteka muli paradizo dutegereje kandi iri hafi.

Subiza

Your email address will not be published. Required fields are marked *