• 20/01/2020 5:01 37

AMAFOTO: Kwihagararaho byanze, Rayon itsindirwa mu rugo na USM Alger

Mu mukino wa gatatu muri CAF Confederation Cup wabereye kuri Stade ya Kigali i Nyamirambo, Rayon Sports yatsinzwe ibitego bibiri kuri kimwe na USM Alger bigabanya amahirwe yo kujya muri ¼ cy’iri rushanwa.

Rayon sports yihagazeho ariko birangira itsinzwe na USM Alger 2-1
Rayon sports yihagazeho ariko birangira itsinzwe na USM Alger 2-1

Uyu mukino watangiye saa 18h Rayon Sports yawukinnye ifite ibibazo by’abakinnyi bo hagati mu kibuga bafasha ba myugariro kuko yaba Yannick Mukunzi na Niyonzima Olivier Sefu bose barwaye, naho Mugisha François ubasimbura yahagaritswe kubera amakarita. Byatumye umutoza ahitamo kuhakoresha Usengimana Faustin usanzwe ari myugariro.

Gusa ntibyabujije iyi kipe ikunzwe na benshi mu Rwanda gutangira neza umukino. Byanashobokaga ko ifungura amaza hakiri kare, ku munota wa gatandatu (6) ku mupira Ismaila Diarra yahawe na Manishimwe Djabel ariko agerageje gutera mu izamu azitirwa n’umunyazamu wa USM Alger Mohamed Lamine Zemmamouche, umupira ujya hanze.

Rwari rusibiye aho ruzanyura kuko uyu rutahizamu w’umunya-Mali yafunguye amazamu ku munota wa 35 ku ikosa ryakozwe na myugariro wa USM Alger Mohamed Rabie Meftah washatse guha umupira umunyezamu we ugera kuri Diarra ahita ahagurutsa abakunzi ba Rayon sports bose.

Ntabwo byatinze ngo USM Alger yishyure kuko habura umunota umwe ngo igice cya mbere kirangire habonetse ‘coup franc’ ku ikosa ryakozwe na Manzi Thierry iterwa neza na Mohamed Rabie Meftah  umupira ugera kuri Redouane Cherifi wahise awuha neza amugenzi we Farouk Chafai yishyurira iyi kipe yo mu nkengero z’inyanja ya Méditerranée.

Mu gice cya kabiri amakipe yombi yakoze impinduka zitandukanye. Gusa icyatangaje abarebye uyu mukino ni uko umutoza wa Rayon sports Robertinho yakuyemo Christ Mbondi utigaragaje. Ntibyatize uyu mukinnyi ukomoka i Burundi bamukuramo aribwo akijyamo kuko atitwaraga neza asimbuzwa umunya-Uganda Yassin Mugume.

USM Alger yagaragazaga urwego rwo hejuru cyane, yakomeje kurusha cyane Rayon Sports ku munota wa 90 ubwo yahushaga ikindi gitego ku mupira watewe mu izamu na Faouzzi Yaya wagiye mu kibuga asimbuye ariko Irambona Eric atabara izamu awukuriramo ku murongo neza.

Ntabwo bacitse intege bakomeza gusatira byatumye babona igitego cya kabiri mu minota y’inyongera ku burangare bw’ubwugarizi bwa Rayon sports.  Igitego cyatsinzwe na rutahizamu Abdelraouf Benguit. Umukino urangira mu byishimo by’abanya-Algeria.

Mu wundi mukino wo muri iri tsinda, Gor Mahia yanyagiye Young Africans ibitego 4-0, iyi kipe yo muri Kenya ikaba yagize amanota atanu ifata umwanya wa kabiri inyuma ya USM Alger ifite arindwi naho Rayon Sports iguma ku mwanya wa gatatu n’amanota abiri mu gihe Young Africans ari iya nyuma n’inota rimwe.

Abakinnyi 11 babanje mu kibuga ku mpande zombi
Abakinnyi 11 babanje mu kibuga ku mpande zombi
Umukino wayoboye n'abasifuzi b'abanya-Cameroun
Umukino wayoboye n’abasifuzi b’abanya-Cameroun
Mbere y'umukino abatoza ba Rayon bari bafite ikizere
Mbere y’umukino abatoza ba Rayon bari bafite ikizere
Mbere y'umukino Umufaransa utoza USM Alger Thierry Froger asuhuza abakinnyi ba Rayon barimo Sadam Nyandwi
Mbere y’umukino Umufaransa utoza USM Alger Thierry Froger asuhuza abakinnyi ba Rayon barimo Sadam Nyandwi
Nyuma y'iminsi itatu gusa ageze mu Rwanda, umunyezamu Bashunga Abouba yahise abanza mu kibuga
Nyuma y’iminsi itatu gusa ageze mu Rwanda, umunyezamu Bashunga Abouba yahise abanza mu kibuga
Abakinnyi 11 babanje mu kibuga muri USM Alger baserutse mu myenda itukura kuko baniyita 'Les Rouges'
Abakinnyi 11 babanje mu kibuga muri USM Alger baserutse mu myenda itukura kuko baniyita ‘Les Rouges’
Wari umunsi wa gatatu wa w'imikino y'amatsinda ya CAF Confederation Cup
Wari umunsi wa gatatu wa w’imikino y’amatsinda ya CAF Confederation Cup
Christ Mbondi ari mu bakinnyi ba Rayon sports bagowe cyane na ba myugariro ba USM Ager barimo Farouk Fachai
Christ Mbondi ari mu bakinnyi ba Rayon sports bagowe cyane na ba myugariro ba USM Ager barimo Farouk Fachai
Ismaila Diarra wafunguye amazamu yishimira igitego cya mbere
Ismaila Diarra wafunguye amazamu yishimira igitego cya mbere
Abakinnyi bo hagati ba USM Alger bakoresha ubwenge n'imbaraga
Abakinnyi bo hagati ba USM Alger bakoresha ubwenge n’imbaraga
Bishimira igitego cya kabiri cyatsinzwe na Abdelraouf Benguit
Bishimira igitego cya kabiri cyatsinzwe na Abdelraouf Benguit

 

Kari agahinda gakomeye nyuma y'umukino
Kari agahinda gakomeye nyuma y’umukino
Uko amakipe yombi yitwaye mu mibare
Uko amakipe yombi yitwaye mu mibare

Roben NGABO
UM– USEKE.RW

*******************

Ufite amakuru/amafoto wifuza ko atangazwa?

Twandikire uyaduhe kuri info@umuseke.rw  ,duhamagare cyangwa utwandikire (no kuri WhatsApp) kuri +250 788 772 818, cyangwa kuri facebook.com urebe Umuseke utwandikire.

*******************

0 Igitekerezo

  • Ngo kwihagararaho byanze? iyo bakina ntibihagarikeho nako kwihagaraho.

  • kandi ngo mubajyana Regional ngo batsinde? ahahaaaaaa tekinika . com

  • Rayon yihangane yakoze ibyishoboye!

  • Kuba star à domicile nabyo byayinaniye

Subiza

Your email address will not be published. Required fields are marked *