• 23/01/2020 4:35 56

Amafoto: Cathédrale Notre Dame de Paris yibasiwe n’inkongi ikomeye

Mu Bufaransa bari mu kababaro gakomeye katewe no kuba inyubako ikunzwe cyane yitwa Cathédrale Notre Dame de Paris  yo  yibasiwe n’inkongi ikomeye ku mugoroba wo kuri uyu wa 15 Mata 2019.

Cathedrale Notre Dame de Paris ibasiwe n’inkongi ikomeye

Ni umuriro watangiye mu masaha ya saa kumi n’ebyiri zirenga, aho kugeza ubu umaze kwangiza byinshi byari bigize iyi nyubako.

Amakuru dukesha Televiziyo France 24, aravuga ko hari ibice bimwe by’iyi nyubako byamaze gukongoka mu gihe abashinzwe kuzimya umuriro bakiri kuzimya.

Perezida Emmanuel Macron ari mu bababajwe bikomeye n’iyi nkongi, aho yatangaje ko agiye kujya kwirebera uko bimeze.

Byari biteganyijwe ko Macron ageza ijambo ku baturage abinyujije kuri televiziyo,  ku bijyanye n’imyigaragambyo y’abiyise ‘Les Gilets Jaunes’  ariko kubera iyi nkongi yahise abisubika ajya kureba uko byagenze.

Kiliziya ya Notre Dame de Paris yatangiye kubakwa muri 1160 mu mujyi wa Paris icyo gihe Musenyeri Maurice de Sully akaba ariwe wari archbishop wa Paris. Yuzuye mu mwaka wa 1260.

Muri 1790  hari bimwe mu bishushanyo byari biyirimo byangijwe n’abaturage mu gihe cy’impinduramatwara y’Abafaransa (French Revolution).

Muri 1804 muri iyi Kiliziya niho Napoleon Bonaparte yambikiwe ikamba rimugira umwami w’abami w’u Bufaransa.

Hari abayobozi benshi b’u Bufaransa bayisomerewemo misa mu gihe cyo kubaherekeza ‘bitabye Imana.’

Umwe mu bantu batumye iriya Kiliziya yamamara cyane mu Burayi ni umwanditsi Victor Hugo.

Muri 1864 mu gitabo yise The Hunchback of Notre-Dame uyu mwanditsi yerekanye ubwiza bwayo n’ubuhanga bw’abubatsi b’Abafaransa bo mu gihe abanyamateka y’u Burayi bise Igihe Rwagati( Middle Ages).

Icyo gihe umufundi kabuhariwe w’Umufaransa witwa Eugène Viollet-le-Duc yayongereye ubwiza.

Iyi Kiliziya itangaje yaherukaga gusanwa no kungererwa ubwiza hagati ya 1991 na 2000.

Muri 2013 yujuje imyaka 850 yubatswe.

Igisenge cyangiritse bikomeye
Hari ibice byakongotse mu buryo bugaragara
Iyi nyubako ifatwa nk’iya mbere ikunzwe mu Bufaransa
Umwotsi mwishi mu kirere i Paris
Agasongero kose kahiye karakongoka
Agasongero kayo kahiye kose
Iyi Katedarali yasurwaga na ba mukerarugendo benshi

Umuriro ni mwishi mu buryo bugaragara

3 Ibitekerezo

  • Ni Inkuru ibaabaje kabsa Abafaransa nibihangane rwose ntibyoroshye bari mubihe bikomeye cyane gusa nizereko ntamukozi w’Imana wahakomerekeye. Ese kuki kugeza ubu ntakintu Igipolisi cy’Ubufaransa kiratangaza kucyateye iyi nkongi? Umuriro wifashe uraka

  • Urwibutso rya amateka yo mu kinyejana kirihiritse ibi bintu byambabaje cyane
    Sagrada famille icungwe kuko nayo iri mu ma cathedral makuru abitse amateka
    ??? komera kuba gaturika bahakundaga no kuba fransa abasokuruza babo bagokeye bubaka none bikaba biri gusenya or bishya mu buryo budasobanutse

  • Vava uri kuvugira ku mugore nkawe koko ubuze ikibondo cye?ayo makuru ubwo si ibihuha ugotomeye aho hirya ukaba ubizanye hano
    Nukuri nubwo ntashyigikiye ko umugore asuzugura umugabo na mba nu umugabo nuko ntagasuzugure umugore nicyo cyiza naho wowe uzana sida hano watandukiriye cyane ni iguhe cyo gukomeza uyu mubyeyi si igihe cyo kumucira imanza

Subiza

Your email address will not be published. Required fields are marked *