Amafoto: Aho imibiri y’abazize Jenoside iri gutabururwa i Kiziguro hateye ubwoba | UMUSEKE
  • 26/01/2021 5:17 11

Amafoto: Aho imibiri y’abazize Jenoside iri gutabururwa i Kiziguro hateye ubwoba

Abakozi b’Umuryango uharanira inyungu z’abarokotse Jenoside yakorewe Abatutsi mu Karere ka Gatsibo bafatanyije n’abaturage ndetse n’izindi nzego batangiye akazi ko gushaka no gukura imibiri 5 000 y’Abatutsi bajugunywe mu cyobo kiri i Kiziguro

Iyo urebye ahantu bakura iriya mibiri ubona ko ari kure cyane

Taliki 27 Ukwakira, 2020 nibwo amakuru y’uko imirimo yo gutaburura iriya mibiri yari igiye gutangira yageze ku UMUSEKE.

Iriya mibiri yajugunywe mu cyobo kirekire cyane hafi ya Kiliziya ya Kiziguro mu Murenge wa Kiziguro mu Karere ka Gatsibo.

Icyo gihe hari umwe mu barokotse Jenoside yakorewe Abatutsi utuye muri ako gace wabwiye UMUSEKE ko bari basanzwe bazi ko kiriya cyobo kirimo imibiri ariko banze kuyitaburura kuko urwibutso rumeze neza rutari rwuzura.

Uyu mugabo twise NP kubera ko atashakaga ko tumutangaza amazina yagize ati: “Muri kiriya cyobo harimo abacu bahajugunywe ariko twabanje gutegereza ko urwibutso rushya rwuzura kugira ngo tuzabone uko tubashyingura mu cyubahiro.”

Avuga ko hari amakuru atandukanye avuga ku bujyakuzimu bwa kiriya cyobo, amwe avuga ko gifite metero 20 abandi bakavuga ko zirenga.

Ubu akazi ko gucukura karatangiye ariko iyo witegereje uko hareshya ubona ko ari kure cyane kandi bizasaba ubwitonzi, ubuhanga n’ibikoresho kugira ngo iriya mibiri ivanwemo.

Abakozi bakambitse hano muri aka kazi ko gucukura uriya mwobo
Aba bagabo barakorana umurava n’ubutwari
Biyemeje kuvana imibiri muri kiriya cyobo ikazashyingurwa mu cyubahiro
Bamwe bavuga ko iki cyobo gifite metero zirenga 25 z’ubujyakuzimu

Xinhua (Photos©CyrilNdegeya)

Jean Pierre NIZEYIMANA
UMUSEKE.RW

3 Ni byo bitekerezo bimaze gutangwa

  • Mu bugome bwazo, interahamwe zishe abatutsi zikoresheje imipanga n’ibihiri n’ibisongo, zibajugunya mu byobo nka kiriya, zirangije zibagerekaho abandi batutsi zicishije amasasu n’udufuni, bamwe zanabaziritse akandoyi. Mbega agahinda Mana yanjye!!

    • Yooo!!!! abaharokocyeye mwihangane ! kandi Imana ikomeze kubarinda , izi nkoramahano se zarimo ibice bibiri ? cg zaje mu byiciro byinshi ? muzadusobanurire abari bakaturiye hanacyenewe kwandikwaho ibitabo kugirango abana bato batazabyibagirwa

  • Bari bakwiye kuzana ziriya nterahamwe akaba arizo zibakuramo

Subiza

Your email address will not be published. Required fields are marked *