• 14/12/2019 9:21 38

Umukozi ukekwaho kwica Alexia Mupende yari mushya mu rugo’

Alexia Uwera yatashye iwabo agera mu rugo ahagana saa kumi z’umugoroba, nyuma gato yarishwe. Ukekwa ni umukozi wo mu rugo, Umuseke wageze mu rugo ku kiriyo, tuganira na bamwe mu bafite amakuru y’ibanze kuri uru rupfu barimo n’uwageze ku murambo bwa mbere. Ukekwa kugeza ubu ni umukozi wabakoreraga mu rugo wari utaramara igihe.

Alexia Uwera Mupende
Alexia Uwera Mupende

Mu rugo iwabo bariho bitegura ubukwe bwe, ubu bari kwitegura kumushyingura. Mu rugo hari abantu benshi cyane baje kubafata mu mugongo.

Iwabo batuye ku muhanda wa kaburimbo kuri 1,5Km  uvuye ku bitaro bya gisirikare by’u Rwanda ugana ku mudugudu w’abamugagriye ku rugamba. Ni mu murenge wa Nyarugunga mu kagari ka Kamashashi.

Alexia yageze mu rugo asangayo umubyeyi we (Mama we) ariko yari agiye gutanga ubutumire (invitation) bw’ubukwe bwa Alexia mu nshuti, amusiga mu rugo hamwe n’umukozi wabo Antoine Niyirera.

Hagati ya saa kumi n’imwe na saa kumi n’ebyiri z’umugoroba nibwo ubwicanyi bikekwa ko bwabayeho nk’uko babitangazaga aha ku kiriyo.

 

Uwabimenye mbere na we ni umukozi wo mu rugo  

Umusore witwa Eric yahoze akora akazi ko mu rugo muri uru rugo ahamara imyaka myinshi, ahava neza ajya gukorera umwe mu bana bo muri uru rugo warushinze, hano kwa Alexia n’ababyeyi be ngo hasanzwe ari nk’iwabo arahisanzura.

Ahagana saa moya z’ijoro uyu musore Eric yarahaje asanga inzu irarangaye, kuko asanzwe yisanzuye muri uru rugo yinjira mu nzu ahamagara nta muntu yumva, arakomeza agera no mu cyumba cya Alexia asanga yishwe aryamye ku gitanda, yambaye imyenda ye, atewe icyuma mu ijosi ndetse yatangiye gukonja.

Eric yabwiye Umuseke ati “Nahise ntabaza abaturanyi mbabwira ko Alexia bamwishe, haza ambulance umurambo barawutwara.”

 

Umukozi ukekwa yari akiri mushya hano

Antoine Niyirera ukomoka mu murenge wa Mubuga mu karere ka Karongi ni we wabakoreraga mu rugo, yari ahamaze ibyumweru bitatu gusa. Imyifatire ye yari iteye inkeke kuri bamwe.

Umuturanyi wabo utifuje ko dutangaza amazina ye, avuga ko uriya musore Antoine yari afite imico idasanzwe. Ngo ntiyavugaga, ntiyasekaga kandi mu maso ye ngo yagaragaraga nk’umugome ku bwe, kandi ngo nta muntu yabwiraga amazina ye.

Ati “Umunsi umwe nigeze ku mubaza nti ‘…witwa nde?’ Arangije arandeba ikijisho yubika umutwe, aransubiza ati ‘Nushaka ujye unyita Kazungu’. Njyewe nagize ikibazo, ariko mbifata nk’ibisanzwe mvuga nti wenda byaba ari uko ateye ariko muri kamere ye yaba yari umwicanyi.

Kugeza ubu nta mpamvu iramenyekana yaba yateye umwicanyi kwica Alexia, mu gihe umuryango we wari mu myiteguro y’ubukwe bwe.

Umusore ukekwa kuva basanga Alexia yapfuye na we ntarongera kuboneka, ubu ari gushakishwa na Police.

Daddy SADIKI RUBANGURA
UM– USEKE.RW

8 Ibitekerezo

  • Ndumva isura y’uwo muntu n’imyitwarire ye atari bishya ku banyarwanda benshi bagiye bahura n’uruva gusenya. Umu type yari yaje muri misiyo.

  • Jyewe maze gusoma iyi nkuru,ndakeka ko uyu mwicanyi akoreshwa n’abadayimoni.Rwose abadayimoni bariho kandi barakora.Urugero,muli Kenya,mu mwaka wa 2015,abadayimoni bateye amabuye abanyeshuli barapfa.Ndetse no mu Rwanda,mujya mwumva ko amadayimoni atera amabuye hekuru y’inzu,bakabura abantu bayatera.Abadayimoni na satani chef wabo,ni abagome.Nibo bayobora ibibi byose bikorerwa mu isi:ubwicanyi,intambara,ubusambanyi.etc…

  • Iyi nkuru ntisobanutse nagato. Hari byinshi tutazi kandi tutazigera tumenya. Ntago umuntu yafata icyuma akagitera undi mwijosi akamwica ntakintu bapfuye. Uwo mwicanyi nafatwa wenda bakamureka akavuga murukiko tuzamenya amakuru menshi nuko byagenze.

  • Nkawe gashugi urumva hari ikindi bapfa kindi atari ubugome bw’uriya mukozi..ubwo ibindi ushaka gusobanurirwa simbizi ahubwo nawe uratangaje kuko ucyumva ko kwica umuntu byaba bifite impamvu.

  • Mujye musengera abazabakorera mu ngo kandi mubashake mwasabye Imana kuba abeza pe,naho ubundi urumva uyu yari umwicanyi nubundi.muperereze muramenya impamvu atashakaga no kwivuga buriya wabona aho yavuye yarasize ahakoze akantu,cg se na nyina bakaba ari abajenosideri bakaba baramurereye mu bugome bwabo ubwo yabona akazi kwa Alixia ati ngaba abo twishe muri 1994 ntibari bashira akaba aramwirengeje,mwibuke ko umuntu usa na Alixie nta nibyo kwirirwa bamubaza indangamuntu bahitaga bamunyuzaho umupanga .

  • Ariko kucyi hatacyekwa ko ari n’umwicanyi bahaye akazi batabizi?! Ikindi ko aho avuka hazwi, kucyi abanyamakuru batagiye kubaza abamuzi neza ngo bafutangarize uko yari abayeho(ndavuga uriya mukozi wo mutugo bicyekwa ko ariwe wishe Alexia).
    Hari andi makuru ahamya ko uriya mukozi wo mu Rugo ashobora kuba yari yaroherejwe kuzica Alexia ku mpamvu ko yigeze gucudika n’inshuti y’undi mwali uherutse gukora ubukwe bw’akataraboneka…! Ayo ni ahwihwiswa kubera ko nyiri ugukorq icyaha ataraboneka ngo agire ibyo atangaza byamara abantu urujijo.

  • Abica abandi hirya no hino mu Rwanda siko bose bakoze genocide. Uriya mukozi simbona impamvu tutamenya amakuru ye kandi aho avuka hazwi. Yabayeho ate?!
    Mushake amakuru ahagije kuri uriya mukozi we.

  • nugusenga naho ubundi satani yaratwinjiriye ,kdi rubyiruko mumenye neza ko satani atishimira ubukwe ubwo rero nusenga Imana kdi twirinda

Subiza

Your email address will not be published. Required fields are marked *