• 11/12/2019 11:18 57

Ivuguruye: 15 nibo bivugwa ko Al Shabaab yishe mu gitero yagabye muri Kenya

Kugeza ubu inzego za Leta muri Kenya ziravuga ko abantu 15 aribo bahitanywe n’igitero cyagabye na Al Shaab kuri uyu wa Kabiri.  Al Shaabab yo yigamba ko yishe abantu 47. Mu baguye muri kiriya gitero harimo Umunyamerika n’Umwongereza. 

Amashusho ya Camera yerekana abarwanyi ba Al Shaabab binjira mu kigo cya Hotel

Ngo bariya barwanyi kandi barashe abantu bose basohokaga muri imwe muri Hotel

Ubwo twandikaga iyi nkuru amakuru yatanzwe na Ambasaderi w’Ubuholandi muri Kenya abinyujije kuri Twitter avuga ko abarwanyi ba Al Shabab bari bakiri mu mihanda yegereye Hotel ya Dusit D2 iri ahitwa Riverside Drive area.

Polisi ya Kenya yasabye abaturage baturiye aho kiriya gitero cyabereye kuba bahavuye kandi imihanda yose iherekeza ikaba ifunze kugeza igihe ibintu biri busubirire mu buryo.

Uko igitero cyakozwe

 

The Daily Nation ivuga ko abarwanyi ba Al Shaabab baje mu mudoka ifite ikiyiranga cya KCN 340E. Imbere yabo ngo hari indi yari ibabanjirije.

Ngo baje bihuta banjira mu irembo ry’iriya Hoteli ku ngufu barasa abayirinda bityo babasha kwinjira.

Bahise bakomeza bagera imbere mu kigo kizengurutse Hotel Dusit D2 bava mu modoka zabo ubundi baha inkongi izari ziparitse aho hafi.

Bari abarwanyi bane. Nyuma yo kwinjira mu kigo umwe ngo yiturikirijeho ibisasu yari yambaye.

Batatu muri bariya barwanyi bahise batangira kurasa uwasohokaga wese muri iriya hoteli.

Imibare ivuga ko hamaze kubarurwa abantu 15 bishwe n’amasasu kandi muri bo harimo Umunyamerika n’Umwongereza.

Ibitero by’iterabwoba byabereye muri Kenya guhera muri 1998

Muri Kanama, 1998 Al Qaeda yagabye ibitero kuri Ambasade ya USA i Nairobi no ku yindi ya USA iri Dar el Salaam muri Tanzania yica abantu 250. Nicyo gitero gikomeye cyari kigabye kuri USA  kugeza icyo gihe kuko cyakomerekeje n’abandi bagera kuri 5000.

Igitero ku nzu y’ubucuruzi ya Westgate Mall muri Nzeri, 2013

Muri uyu mwaka abarwanyi ba Al Shaab bagabye igitero ku nzu nini y’ubucurizi iri Nairobi batara grenades mu baguzi n’abacuruzi. Bishe abantu bagera kuri 67. Abo barwanyi kandi bamaze iminsi runaka bari muri iriya nzu bagihanganye n’ingabo na Police.

 Muri Mata, 2015 Kaminuza ya Garissa nayo yaratewe

Nicyo gitero cyahitanye benshi muri Kenya kugeza ubu. Icyo gitero kigambwe na Al Shaabab cyahitanye abantu 147, biganjemo abanyeshuri.

Abarwanyi ba Al Shaab binjiye muri Kaminuza basaba abanyeshuri kwitandukanya, Abakirisitu bakajya ukwabo n’Abasilamu bakajya ukwabo.

Bahise barasa bica Abakirisitu benshi.

Nyuma y’igitero cyabaye kuri uyu wa Kabiri, 15, Mutarama, 2019, Al Shaabab yavuze ko yishe abagera kuri 47 ariko inzego za Leta zo zivuga ko hapfuye 15.

Abenshi mu bakomeretse bikomeye bajyanywe mu bitaro bya  Kaminuza bya Aga Khan biri Nairobi.

Amasasu yabonezaga mu biro aho abakozi bari bari mu kazi
Buri wese yakizaga amagara ye
Isura y’umwe mu barwanyi ba Al Shaabab wagabye kiriya gitero

 

UM– USEKE.RW

1 Igitekerezo

  • Ntimukabeshye. Isiramu ni idini y’amahoro bariya basore barimo batanga amahoro muri hoteri. Abavugabutumwa bari mu murimo wabo wo gusakaza ubutumwa bwiza nk’uko imana yabo ibibategeka. Kandi abanykenya n’abanyamahanga bari muri za morgue bihannye banagandukir’imana.

Subiza

Your email address will not be published. Required fields are marked *