• 08/12/2019 10:30 09

Abavuga ko nzitaba ICC batekereza bugufi- Perezida Duterte

Perezida wa Philippines Rodrigo Duterte yavuze ko abatekereza ko hari igihe azitaba urukiko mpuzamahanga mpanabyaha akisobanura ku byaha avugwa byo guhungabanya uburenganzira bwa muntu ari abasazi.  Ngo batekereza bugufi.

Duterte ati: ” Abavuga ko nzitaba ICC batekereza bugufi”

 Abatavuga rumwe nawe hamwe n’abo mu miryango iharanira uburenganzira bwa muntu bavuga ko hari ibyaha yakoze yica abantu avuga ko bacuuruza ibiyobyabwenge ariko ngo akica n’abandi batacuruzaga ibiyobyabwenge ariko batavuga rumwe nawe.

Duterte yabakuriye inzira ku murima ababwira ko abibwira ko azajya muri ICC kwitaba bibeshya, ahubwo nibiba ngombwa akitaba urukiko azabikorera mu gihugu cye, akaburanishwa n’umucamanza wo muri Philippines.

Avuga ko nta mpamvu nimwe yatuma azajya kwitaba umucamanza w’Umuzungu, wo muriCaucase ngo amuburanishe kuko no mu gihugu cye hari ubutabera busesuye.

Igihugu cya Philippines kivanye mu byasinye amasezerano ashyiraho ICC muri Werurwe 2018.

Duterte yavuze ko azakomeza guhashya abacuruza ibiyobyabwenge bose kandi hose mu gihugu cye.

Ngo ntazacika intege ku mugambi we n’ubwo hari abanyaburayi bitazashyimisha.

 ABS&CBN News

Jean Pierre NIZIYIMANA

UMUSEKE.RW

1 Igitekerezo

  • uyu mugabo ndamwemera cyane nuko ntumva ururimi rwiwabo ariko nkunda umuntu udatinya abanyamahanga. anyibukije muamar kadafi na hugo chavez, but as long as i still have putin ………..

Subiza

Your email address will not be published. Required fields are marked *