• 29/01/2020 5:03 19

Abanyarwanda bamurika imideri bakomeje kubengukwa na kompanyi zo muri Nigeria

Mu minsi ishize kompanyi yitwa Elite Model Look yo muri Nigeria yatoranyije abamurikamideri b’abanyarwanda 20 bazakorana nayo, ubu hari indi yirwa Few Model na yo igiye kumanuka gutoranya abandi banyarwanda.

Christine Munezero ni we munyarwanda usanzwe ukorana n’iyi kompanyi ya Few Model ikorera muri Nigeria

Biteganyijjwe ko iyi kompanyi ya Few Model izagera mu Rwanda ku wa 25 Kanama 2019 ari nabwo izahita ikora igikorwa cyo gutoranya abamurika imideri bazakorana nayo.

Kuza gushakisha abanyarwanda bije nyuma yo gusinyisha amasezerano y’imikoranire n’umunyarwanda witwa Christine Munezero.

Ubusanzwe iyi Kompanyi iri muri eshatu zikomeye cyane muri Nigeria ikaba ikurikirwa n’abarenga ibihumbi 120 kuri Instagram hakiyongeraho no kuba yarabaye ‘Verified’.

Few Model izwiho gukorana n’abakiri bato, cyane ko ibafasha kumurika imideri mu bitaramo bitandukanye birimo nk’icya Mercedes Benz kibera muri Australia, Arise Fashion Week no muri Nigeria.

Iyi kompanyi ifasha abamurika imideri kwamamaza ibikorwa by’ubucuruzi bwa sosiyete zitandukanye zirimo izo muri Africa, i Burayi no muri America.

Abakorana na Few Model ibafasha kumurika imideri mu bitaramo bikomeye
Iyi kompanyi ya Few Model ikunda gukorana n’abakobwa cyane
Iyi kompanyi ya Few Model ikomeje kumenyekanisha abanyafrica bamurika imideri ku rwego mpuzamahanga

Robert KAYIHURA
UMUSEKE.RW

Subiza

Your email address will not be published. Required fields are marked *