• 07/12/2019 11:12 06

Abafundi basuzumwe bazahabwa ikemezo cy’ubunyamwuga

Nyuma yo gusuzuma uko  umubare w’inzu runaka zubatswe mu mugi wa Kigali, Urugaga rw’abafundi mu Rwanda(STECOMA) kuri uyu wa Kane ruzaha ibyemezo(certificates) abafundi bagaragaje ubuhanga mu mwuga wabo. Evariste Habyarimana uyobora iriya ruriya rugaga yabwiye Umuseke ko bigamije guha abafundi ikemeza ko bazi ibyo bakora, bigaca akajagari mu babyiyitirira.

Ngo hari ubwo abafundi bimwa imishahara y’abo kuko nta kemezo bigeze birekana cy’uko aribo koko

Guha abafundi biriya byamezo by’uko bazi umwuga( certificates) ni uburyo STECOMA yabonye bwo kubafasha kujya bahabwa akazi bishingiye ku bushobozi babasanganye.

Habyarimana yavuze ko ubusanzwe hari abafundi bajyaga birukanwa n’abakoresha babo uko biboneye babashinja ko bababeshye ko ari abafundi b’umwuga.

Ibi byagiraga ingaruka mu kwihutisha imirimo no gutakaza akazi ku bafundi. Ikindi kandi ngo byatumaga abafundi  batabona uko barega ngo bishyurwe amafaranga yabo.

Guhabwa kiriya kemezo bizaba uburyo bwo kwemeza umukoresha ko umuntu ari umufundi koko.

Ku ruhande rw’abakoresha nabo ngo bazajya bakoresha abantu nyuma yo kwizera ko koko bazi akazi bishingiye ku kwerekana ikemezo cy’uko basuzumwe bikemezwa ko bazi umwuga.

Nyuma yo kwemera ko runaka azi akazi ngo abakoresha bazajya bamusinyisha amasezerano y’akazi bizeye ko azatanga umusaruro.

Evariste Habyarimana avuga icyo bagamije ari ugufasha abafundi kwinjira mu rugaga kugira ngo bakore kinyamwuga bafite impapuro zerekana ko bakora ibyo bazi.

Ati: “Twe ntitugamije ko abantu batari mu urugaga rwacu bahanwa ahubwo dukora ubukangurambaga kugira ngo abantu batugane.”

Yibukije abafundi kuzirikana amabwiriza y’Ikigo cy’igihugu gishinzwe imyubakire, Rwanda Housing Authority, cyo kubaka hakurikijwe amabwiriza y’imyubakire hamo no kwibuka gushyira inzira z’abafite ubumuga ku nzu zatangirwamo serivise.

Umuhango wo guha biriya byemezo abafundi basuzumwe bikagaragara ko bafite ubumenyi mu kazi kabo uzabera ku kibuga cya IPRC Kicukiro kuri uyu wa Kane.

Muri iki gihe ngo abantu bamaze kwiyandikishe muri ruriya rugaga ni abantu ibihumbi 40. Barimo abafundi, abasiga amarangi, n’abandi.

Ushaka kwiyandikisha kujya muri uriya rugaga yishyura amafaranga ibihumbi bitatu y’u Rwanda( 3000Frw) bakamuha ikarita y’umuryango, agahabwa n’ibindi byose bigenerwa umunyamuryango.

 Jean Pierre NIZEYIMANA

UM– USEKE.RW

0 Igitekerezo

  • Tutashimira urugaga rwabafundi Stecom a bakomereze aho bateze umunyamyuga imbere dore ko ariyo mirimo yarikirangwamo akajagali

  • Ubwo kimwe nabamotari mukaba mubakubise mi kintu bagomba kuriha buri kwezi. Ijobundi bamwe tukazababona mu mihanda nibyapa ko ishyirahamwe ryabo rishyigikiye cyangwa ryamagana ubufaransa cyangwa ubwongereza.

  • STECOMA ngo abafundi ntibahembwe ngo kubera ko badafite icyemezo.Ibi ntibyumvikana.Ni ryari Sendika nka STECOMA yumva ko umukozi w’umufundi azahembwa ari uko yerekanye icyo cyemezo.Iyi Sendika ntizi inshingano zayo.Niyo mpamvu buri gihe abafundi bamburwa STECOMA ikinumira.

  • Nibaza impamvu buri gihe mu Rwanda ugomba kubarizwa mu kintu kigusaba gutanga amafaranga yokuba umunyamuryango ari wagira ikibazo ugansanga urwo rwego ntacyo rukumariye kandi utangamo imisanzu buri mezi 6. Mwari mumva haraho abamotari iyo bahohotewe haricyo ayo mashyirahamwe akora usibyeko babimenye basigaye birwanaho ubwabo bakaguhonda iyo ushatse kubazanaho ubusutwa? Abarimu bafite nabo urugaga rumaze imyaka myinshi ariko kuva 1994 ntawansobanurira icyo rukora.

Subiza

Your email address will not be published. Required fields are marked *