• 25/01/2020 8:03 42

A.Gahongayire wakinanye na Willy {Paul} mu Kigeragezo cy’Ubuzima bagarukanye mu yindi

Aline Gahongayire wasohoye indirimbo nshya yise ‘Ntabanga’ yabwiye Umuseke ko iyo ndirimbo izumvikana muri film nshya ari gukorana na Willy Ndahiro bakinanye mu Kigerageza cy’ubuzima ari Paul.

Aline na Willy Ndahiro bagiye guhurira mu y’indi film

Aline yaherukaga gusohora indirimbo yitwa ‘Ndanyuzwe’, avuga ko yashimishijwe n’uburyo yanyuze benshi.

Inshya yasohoye yitwa ‘Ntabanga’, avuga ko ari indirimbo igaruka ku buzima abantu babayeho bizerana ugasanga babitsanya amabanga ariko umwe ntaribike akabibwira abandi.

Ati “Nararebye mbona nta mpamvu yo kubitsa ibanga umuntu kuko ararimena ejo mugashwana, ubu nzajya ndibitsa Imana kuko ari iyo kwizerwa.”

Iyi ndirimbo ye nshya izakoreshwa muri filim n’ubundi bise ‘Ntabanga’ azaba ari gukinamo afatanyije na Willy Ndahiro {Paul} bakinanye mu ‘Ikigeragezo cy’Ubuzima’.

Film barangije kuyikora, mu cyumweru gitaha bakazashyira hanze integuza yayo (Trailer).

Aline wasaga nk’aho yahagaritse ibyo gukina film yabigarutsemo kuko yari abikumbuye.

Ati “Ntabwo navuyemo neza kuko ndabikunda cyane ndi gukora iyi ndirimbo Ntabanga numvishe nongeye kubikumbura ntekereza ko nabisubiramo aribwo negereye Willy dutangirana iyo gusa hazaza n’izindi.”

Gahongayire ngo ahora anyuzwe

Reba ikiganiro kirambuye na Aline Gahongayire

 

Bonaventure KUBWIMANA
UMUSEKE.RW

Subiza

Your email address will not be published. Required fields are marked *