• 16/12/2019 2:20 03

10% by’abatuye Isi bakoresha imoso…Imirimo y’amaboko ngo ni bo bayikora neza

Inzobere zitangaza ko imibare y’abakoresha imoso ku Isi ikomeje kwiyongera ubu bakaba bamaze kuba 10% bavuye kuri 2% mu 1960. Izi nzobere zivuga kandi ko aba bantu twe inaha i Rwanda dukunze kwita ba ‘Kamoso’ ari bo bakora neza imirimo y’amaboko nko kwandika no gutera umupira.

Obama ni umwe mu bakomeye ku Isi ukoresha imoso

Izi nzobere zivuga ko nubwo umubare munini ari uw’abakoresha akaboko k’iburyo ariko hari n’abandi bake bakoresha amaboko yombi mu buryo bungana abo bita ‘ambidextrous’.

Uyu munsi abatuye Isi bizihiza umunsi wahariwe abakoresha imoso. Inzobere zigaragaza ko abakoresha aka kaboko bariho biyongera ku Isi kuko mu 1920 bari 4% bavuye kuri 2% mu 1960 ubu bakaba bamaze kugera ku 10%.

Mu myaka yatambutse byari bigoye kubona abantu bakoresha imoso kuko n’abana bakuraga bayikoresha bageraga mu mashuri bakabibakubitira.

Abize mu myaka ishize barabyibuka ko iyo umwana yandikishaga akaboko k’imoso bagukubitaga kugira ngo abicikeho.

Ubu ngo abana basigaye babaha uburenganzira bwabo ku buryo na byo bishobora kuba biri mu bikomeje gutuma imibare y aba kamoso yiyongera.

Abashakashatsi bavuga ko hari impamvu nyinshi zishobora gutuma umuntu akoresha imoso zirimo uturemangingo tumugize, ibiro umuntu avukana, imyaka y’umubyeyi we w’umumama, kuba avutse ku mubyeyi wabyaye abana benshi no kuba umubyeyi we yarumvise amajwi maremare amutwite.

Ubu bushakashatsi bwasohotse muri ‘Scientific Reports’ uyu mwaka, buvuga ko abagabo ari bo bafite amahirwe menshi yo kuba bakoresha imoso.

Amb Musoni James na we yandikisha imoso
Na Bill Clinton akoresha imoso
Umuherwe Bill Gates na we asinyisha imoso
Na Perezida Uhuru Kenyatta wa Kenya

Aline RANGIRA MWIHOREZE
UMUSEKE.RW

4 Ibitekerezo

  • N’imirimo y’amaguru bayikora neza: Diego Maradona, Lionel Messi…

  • SINARINZIKO UMUNSI WACU ARUYU, REKA MPAMAGARE UMWANA TWIGANYE DUSHAKE AKANYA

  • Iyi nkuru inkoze ku mutima nkiyisoma nkaba nshimira abaharaniye uburenganzira bwabo kuko nanjye ndi mubakubiswe bazira kwandikisha imoso.

  • Yewe warahuritse nkanjye Habuze gato ngo mve mw’ishuri kubera gutotezwa kubera kwandikisha imoso! Namaze icyumweru njya kwishuri nkihisha munsi y’ikawa z’ikigo. Mwarimu aza kubaza data impamvu ntakiza kwiga! Nuko igitondo kimwe Data amfata akaboko mpaka imbere ya mwalimu. Tumaze kuririmba indirimbo yubahiriza igihugu no gurasenga, twinjira mw’ishuri. Mwarimu ambariza imbere ya bagenzi banjye aho njya iyo ngeze kw’ishuri. Abana bandega ko mba ndi mumasaka, cg mw’ikawa z’ikigo! Natinye kuvuga ko mwarimu yantegekaga kwandika akaboko k’imoso nagahishe mumugongo, ngo batankubita nyinshi, ubwo kandi nta meza twandikiragaho(twashyiraga akabaho-ardoise kububero twicaye ku ngiga y’igiti)! Nariye utunyafu ntazi umubare, ngeze murugo data anyongeza utundi, nzinukwa ntyo kwandikisha no kurisha imoso! Ariko byarampungabànyije. Nifurije umunsi mwiza kuri ba Kamoso bagenzi banjye.

    Harakabaho iterambere!

Subiza

Your email address will not be published. Required fields are marked *