Volleyball: Pierre Marchal, Kavalo na Flavien basinyiye ikipe nshya ya Gisagara – UMUSEKE

Volleyball: Pierre Marchal, Kavalo na Flavien basinyiye ikipe nshya ya Gisagara

Nyuma yo kubaka ‘Gymnase’ igezweho, akarere ka Gisagara kashinze ikipe ya Volleyball Club. Yamaze kugura abakinnyi batandatu (6) barimo Kwizera Pierre Marchal, Karera Emile bita Dada, Ndamukunda Flavien na murumuna we Patrick Kavalo.

Abavandimwe Patrick Kavalo na Ndamukunda Flavien bagiye gushimisha abanya-Gisagara

Abavandimwe Patrick Kavalo na Ndamukunda Flavien bagiye gushimisha abanya-Gisagara

Kuri uyu wa gatatu tariki 26 Ukwakira 2016, intumwa za Minisiteri ifite imikino mu nshingano zayo, MINISPOC, zasuye akarere ka Gisagara, zinagenzura inzu nshya y’imikino (Gymnase) ifite agaciro ka miliyoni 922 972 392Rwf aka karere kari kuzuza.

Nyuma yo kubaka ‘Gymnase’ yakira abantu 980 bicaye neza, akarere ka Gisagara kamaze gushinga ikipe ya Volleyball, banasinyisha umutoza n’abakinnyi batandatu bazwi mu Rwanda, nkuko Umuseke wabitangarijwe na visi perezida w’iyi kipe, Mfashingabo Francois.

Twashinze ikipe igomba gususurutsa abaturage ba Gisagara kuko twifuza ikipe itsinda kandi itwara ibikombe. Ibi kubigeraho byadusabye gushaka abamenyereye Volleyball y’u Rwanda ngo bubake ikipe yacu muri tekinike, kandi twizeye ko inama y’intekorusange y’ishyirahamwe ry’umukino wa Volleyball izaterana tariki 12 Ugushyingo izatwemeza nk’umunyamuryango mushya.” –  Mfashingabo Francois bita Gasaza

Uyu visi perezida w’ikipe yakomeje atubwira ko bamaze gusinyisha umutoza mukuru, Gakwaya Eric watozaga ikipe y’igihugu y’abafite ubumuga. N’abakinnyi batandatu bamenyerewe muri shampiyona y’u Rwanda, no mu ikipe y’igihugu.

Abakinnyi bamaze gusinyira Gisagara Volleyball Club ni; Kwizera Pierre Marchal  watozaga Kirehe VC yagarutse nk’umukinnyi, Ndamukunda Flavien wavuye muri Rayon Sports VC, murumuna we Kavalo Patrick, Karera Emile bita Dada wavuye muri APR VC, Mudahinyuka William na Mugabo bose bafashije UNIK yahoze ari INATEK gutwara ibikombe byose byakiniwe muri Volleyball y’u Rwanda umwaka w’imikino ushize.

Uvuye ibumoso_ Patrick Kavalo, Ndamukunda Flavien na Kwizera Pierre Marchal, abakinnyi b'ikipe y'igihugu, bose bagiye muri Gisagara Volleyball Club

Uvuye ibumoso Patrick Kavalo, Ndamukunda Flavien na Kwizera Pierre Marchal, abakinnyi b’ikipe y’igihugu, ubu bose bagiye muri Gisagara Volleyball Club

Gymnase yo ku Gisagara igiye gutangira gukinirwaho

Igishushanyo mbonera cya Gymnase yo ku Gisagara igiye gutangira gukinirwaho

Roben NGABO
UMUSEKE.RW

Likes(0)Dislikes(0)

3 Comments

  1. agaca

    October 27, 2016 at 6:01 pm

    murakoze basore guteza imbere uturere twacu

    Likes(0)Dislikes(0)
  2. agaca

    October 27, 2016 at 6:02 pm

    arikose uyungoni dada ntajyasaza?

    Likes(0)Dislikes(0)
  3. egide

    October 27, 2016 at 8:31 pm

    Ferestation flavien

    Likes(0)Dislikes(0)

Ibitekerezo

Your email address will not be published. Required fields are marked *