Umwana wo mu muhanda yavamo umukinnyi ukomeye- Danny Usengimana – UMUSEKE

Umwana wo mu muhanda yavamo umukinnyi ukomeye- Danny Usengimana

Rutahizamu wa Police FC n’Amavubi, Danny Usengimana wari umunshyitsi mu gusoza amarushanwa y’abana yateguwe n’umuryango ‘Shelter Them Rwanda’, yemeza ko abana bari mu mihanda bataruwe bashobora kuvamo impano zidandukanye zirimo n’iz’umupira w’amaguru.

Shining Light U12 yambaye Orange yatwaye igikombe itsinze Shelter Them 2-1

Shining Light U12 yambaye Orange yatwaye igikombe itsinze Shelter Them 2-1

Kuri iki cyumweru tariki 6 Ugushyingo 2016, ku kibuga cy’ishyirahamwe ry’umupira w’amaguru mu Rwanda FERWAFA, hasojwe irushanwa ryahuje amakipe umunani (8) y’abana batarengeje imyaka 10 na 12.

Iri rushanwa ry’iminsi ibiri ryateguwe n’umuryango udaharanira inyungu ‘Shelter Them – Batarure’, ucumbikiye kandi utunze abana barenga 50 bavuye mu muhanda, n’abandi badafite ubushobozi.

Abagore b’impanga bashinze uyu muryango, Joseline Alexandre Higiro na Josephine Murphy Higiro, batangarije Umuseke ko bashyizeho irushanwa ry’umupira w’amaguru rihuza abana bari hagati y’imyaka 10 na 12 bagamije kugaragaza ko n’abana bavuye mu mihanda bashobora kugira impano.

Twatumiye ama-centre y’abana azwi mu Rwanda ngo bahangane n’ikipe z’abana bacu twavanye mu buzima bubi butandukanye. Ikipe yacu itsindiwe ku mukino wa nyuma ariko bitwaye neza bigaragara. Turishimye cyane kuko ubutumwa twashakaga gutanga bwatambutse.” – Jocelyne Alexandre Higiro

Mu mu birori byo gusoza iri rushanwa no guhemba abitwaye neza, Shelter Them – Batarure yatumiye rutahizamu wa Police FC n’ikipe y’igihugu Amavubi Danny Usengimana, watsinze ibitegi byinshi 16 kurusha abandi muri shampiyona y’umwaka ushize.

Uyu musore yabonye umwanya wo kuganira n’abana bahuriye muri iri rushanwa, abibutsa ko bakwiye gushyiramo imbaraga bagakora cyane  bakagaragaza impano zabo nubwo bavuye mu muhanda.

Danny Usengimana yagize ati: “Ni byiza kuri mwe (abana) kuba mubona amahirwe yo gukina muri hagati y’imyaka 10 na 12. Ni igihe kiza ku batoza bashakisha impano kuko mubona amahirwe yo kwigaragaza. Kuba umwana yaravuye mu muhanda ntibimubuza kugira impano, kandi muri izo harimo n’umupira w’amaguru. Ahazaza ni heza kandi mukomeze mukore”

Abitwaye neza muri Shelter them kids tournament :

Imikino ya nyuma

  • U10 -Shining Light 4-0 Imena Football Center
  • U12 – Shining Light 2-1 Shelter them FC

Abatsinze ibitego byinshi

  • U10 – Ndikumana Fils Salem wa Shining Light (ibitego 6)
    U12 – Muhizi Gady wa Shalter them (ibitego 3)

Umukinnyi witwaye neza kurusha abandi

  • U10-Nshiyimana Emmanuel (Shalter them)
  • U12-Habumuremyi Janvier (Shining Light)
Shelter the yambaye icyatsi, yiganjemo abana bakuwe mu mihanda

Shelter the yambaye icyatsi, yiganjemo abana bakuwe mu mihanda

Shining Light U12 yatwaye igikombe itsinze Shelter Them

Shining Light U12 yatwaye igikombe itsinze Shelter Them

Shining Light niyo yatwaye igikombe muri U10

Shining Light niyo yatwaye igikombe muri U10

Danny Usengimana yagiriye inama abana

Danny Usengimana yagiriye inama abana

Jocelyne Alexandre Higiro na Josephine Murphy Higiro bari batumiye Danny Usengimana

Jocelyne Alexandre Higiro na Josephine Murphy Higiro bari batumiye Danny Usengimana

Roben NGABO
UMUSEKE.RW

Likes(2)Dislikes(0)

Ibitekerezo

Your email address will not be published. Required fields are marked *