Umutaliyani Vincenzo Alberto ashobora guhabwa akazi agatoza APR FC – UMUSEKE

Umutaliyani Vincenzo Alberto ashobora guhabwa akazi agatoza APR FC

APR FC igeze ku munsi wa kane wa shampiyona idafite umutoza mukuru. Vincenzo Alberto Annese ukomoka mu Butaliyani yatangiye ibiganiro n’abayobozi bayo, kandi ngo afite ikizere ko azahabwa akazi.

Ahawe akazi, ni ubwa mbere Vincenzo Alberto Annese yaba atoje muri Afurika

Ahawe akazi, ni ubwa mbere Vincenzo Alberto Annese yaba atoje muri Afurika

Tariki 7 Nzeri 2016 APR FC yatangaje ko yatandukanye na Kanyankore Gilbert Yaounde wari umaze ukwezi kumwe gusa ayitoza. Kuva ubwo nta mutoza mukuru iyi kipe y’ingabo z’u Rwanda yongeye gushaka.

Imikino ya pre season yatojwe na Yves Rwasamanzi ufite amasezerano y’umutoza wungirije. Yitwaye neza anegukana AS Kigali Pre season Tournament.

Imikino ya mbere ya shampiyona uyu mutoza, wavuye muri Kiyovu sports, ntiyitwaye neza kuko amaze gutakaza amanota ane mu mikino ine.

Uku kutitwara neza biravugwa ko byatumye APR FC itangira gushaka umutoza wakungirizwa na Rwasamanzi. Umwe mu batoza batangiye ibiganiro ni umutaliyani Vincenzo Alberto Annese.

Umuseke wabitangarijwe n’ushinzwe kumushakira isoko ‘agent’ Chair Mondo, umunya-Kenya ufite ikigo (Sports ON) gihuza abatoza b’iburayi n’amakipe yo muri Afurika.

Chair Mondo yagize ati: “Nibyo twatangiye ibiganiro n’ubuyobozi bwa APR FC. Vincenzo Alberto Annese ni umutoza mwiza afite UEFA Pro License. Afite inararibonye kuko yatoje mu bihugu bitandukanye iburayi, nk’iwabo mu Butaliyani, Lithuania, Latvia, Armenia na Estonia.

Nubwo ataratoza muri Africa ariko amaze igihe akurikirana umupira wo mu Rwanda kuko dufite ikizere ko ubuyobozi bwa APR FC buzaduha akazi kandi twizeye ko azongera kuzamura urwego rwayo, atari mu Rwanda gusa, ahubwo no muri Afurika yose.”

APR FC yegukanye igikombe cya shampiyona y’umwaka ushize 2015-16, ubu iri ku mwanya wa gatanu, n’amanota umunani (8pts).

Uyu mutoza ushaka gutoza APR FC, yiganye na Simone Inzaghi utoza Lazio Roma

Uyu mutoza ushaka gutoza APR FC, yiganye na Simone Inzaghi utoza Lazio Roma

Vincenzo Alberto Annese (iburyo) ari kumwe na Cesare Prandelli watozaga ikipe y'igihugu y'Ubutaliyani muri 2015

Vincenzo Alberto Annese (iburyo) ari kumwe na Cesare Prandelli watozaga ikipe y’igihugu y’Ubutaliyani muri 2015

Yari umutoza wungirije muri JFK Saldus yo mu kiciro cya mbere muri Lativia

Yari umutoza wungirije muri JFK Saldus yo mu kiciro cya mbere muri Lativia

Roben NGABO
UMUSEKE.RW

Likes(4)Dislikes(2)

1 Comment

  1. Hb

    November 12, 2016 at 4:36 pm

    Naze dukubite Gacanga(gasenyi) izakabwana

    Likes(2)Dislikes(1)

Ibitekerezo

Your email address will not be published. Required fields are marked *