Umuseke Player of the Month: Uwatsinze aratangazwa anahembwe kuwa kane – UMUSEKE

Umuseke Player of the Month: Uwatsinze aratangazwa anahembwe kuwa kane

Gutora umukinnyi w’ukwezi k’Ukwakira muri shampionat y’umupira w’amaguru mu Rwanda byararangiye. Nyuma y’iminsi umunani (8) y’amatora, uwatsinze agiye gutangazwa.

Tariki 14 Ukwakira 2016, nibwo Umuseke IT Ltd yatangaje ko igiye kujya ishima umukinnyi witwaye neza kurusha abandi mu kwezi muri shampiyona y’u Rwanda y’umupira w’amaguru, AZAM Rwanda Premier League.

Iyi gahunda yatangiranye n’uyu mwaka w’imikino igamije guteza imbere no kumenyekanisha kurushaho impano z’abakinnyi n’umupira w’amaguru wo mu Rwanda.

Umuseke ufatanyije n’abandi banyamakuru b’imikino bakurikirana shampiyona y’u Rwanda, hatoranyijwe bakinnyi bane bazatoranywamo uwitwaye neza kurusha abandi mu kwezi k’Ukwakira.

Abo ni; Orotomal Alex, umunya-Nigeria ukinira Sunrise FC, Nahimana Shasir, umurundi wa Rayon sports, Hakizimana Muhadjiri umukinnyi mushya APR FC yakuye muri Mukura VS, na myugariro wa Gicumbi, Rutayisire Egide bita Cayi.

Amatora yatangiye tariki 31 Ukwakira 2016, abera ku rubuga Umuseke.rw. Abatora banyuze ku gasanduku k’amatora (poll) bafite 60%, abatangaje izina ry’uwo batoye ‘Comments’ bafite 10%, naho amajwi y’akanama nkemura mpaka afite agaciro ka 30%.

Umukinnyi wahize abandi muri shampiyona y’u Rwanda, aratangazwa anahabwe ishimwe n’Umuseke kuri uyu wa kane tariki 10 Ugushyingo 2016. Iyi gahunda ngarukakwezi izabera ku kibuga cy’imyitozo y’ikipe ye.

Roben NGABO
UMUSEKE.RW

Likes(0)Dislikes(0)

2 Comments

  1. Coppa Barry

    November 9, 2016 at 8:55 am

    KWIZERA PIERROT NTIYAKAGOMBYE KUBURAMO TUVUGISHIJE UKURI

    Likes(0)Dislikes(0)
  2. Princess grace

    November 9, 2016 at 9:22 pm

    Muhadjil from apr fc

    Likes(0)Dislikes(0)

Ibitekerezo

Your email address will not be published. Required fields are marked *