UMUKINNYI W’UKWEZI watowe yahembwe. Ni Nahimana Shasir wa Rayon Sports – UMUSEKE

UMUKINNYI W’UKWEZI watowe yahembwe. Ni Nahimana Shasir wa Rayon Sports

Nahimana Shasir ukina hagati mu ikipe ya Rayon Sports niwe abakunzi b’umupira w’amaguru n’abatekinisiye batoye nk’umukinnyi wigaragaje kurusha abandi mu kwezi kw’Ukwakira muri Shampionat y’umupira w’amaguru mu Rwanda iterwa inkunga na AZAM. Yatangajwe anahabwa igihembo n’Umuseke IT Ltd kuri uyu wa kane.

Rayon Sprots yari iri mu myitozo ku Mumena ubwo igihembo cyari kigiye gutangwa

Rayon Sprots yari iri mu myitozo ku Mumena ubwo igihembo cyari kigiye gutangwa

Ni umushinga w’UMUSEKE IT Ltd ugamije guteza imbere impano z’abakinnyi no kurushaho kumenyakanisha umupira w’amaguru mu Rwanda.

Igihembo cy’umukinnyi w’Ukwezi gitangwa n’Umuseke IT Ltd cyatanzwe ku myitozo ya Rayon Sports kuri uyu wa kane kuri Stade de l’Amitie ku Mumena i Nyamirambo.

Cyatanzwe hari umuyobozi w’ikipe ya Rayon Sports, gishyikirizwa umutoza w’ikipe kuko umukinnyi Shasir Nahimana muri iyi minsi yahawe ikirihuko cy’iminsi itatu n’uruhushya rwo kunyarukira iwabo mu Burundi.

Iki gihembo ni ‘award’ ihabwa umukinnyi n’ibahasha y’amafaranga n’uburenganzira bwo gukoresha inzu y’imyitozo ngororamubiri (Gym) ya Hiltop Hotel mu gihe cy’umwaka.

Mu gushyira mu bikorwa iki gitekerezo, Umuseke washyizeho itsinda ry’abatekinisiye batandatu barimo n’abatoza batatu, ugafatanya na bamwe mu banyamakuru b’imikino bakurikirana shampionat y’u Rwanda, maze aba bakemeza abakinnyi bane bitwaye neza mu kwezi abafana bagatora uwarushije abandi baciye ku rubuga Umuseke.rw

Shasir Nahimana w’imyaka 23, yagize amajwi 71,7% muri rusange aba uwa mbere, akurikirwa na Muhajiri Hakizimana wa APR FC n’amajwi 16,7%, Alex Orotomal wa Sunrise FC agira amajwi 8,6% naho na myugariro wa Gicumbi, Rutayisire Egide bita Cayi agira amajwi 3%.

Amajwi yabazwe hashingiwe ku batoye kuri ‘polling gadget’ yari yashyizwe k’urubuga Umuseke.rw aho abatoye bose ari 1 233 afite 60%,  ibitekerezo (comments) ku nkuru z’iri tora (abatoye muri aba bane ni ibitekerezo 106 bifite 10%, hamwe n’amajwi y’abatekinisiye batandatu afite 30%.

Mu matora ku rubuga Shasir yagize amajwi 974, ibitekerezo (comments) ku nkuru byamutoye ni 48 naho abatekinisiye bamutoye ni bane muri batandatu muri rusange yagize amajwi 71,7%.

Mu matora ku rubuga Muhajiri yatowe n’abantu 135, ibitekerezo byamutoye kun kuru ni 56, yatowe n’umutekinisiye umwe.

Mu matora ku rubuga Alex Orotomal yagize amajwi 49, ibitekerezo by’abamutoye ku nkuru ni kimwe gusa, umutekinisiye umwe nawe yaramutoye.

Mu matora ku rubuga Rutayisire Egide yagize amajwi 61, ibitekerezo byamutoye ni kimwe gusa nta mutekinisiye wamutoye.

 

Imyotozo yari yirabiriwe n'abantu bagereranyije

Imyotozo yari yirabiriwe n’abantu bagereranyije

Buri kwezi kw’imikino ya AZAM Rwanda Premier League Umuseke IT Ltd izajya ihemba umukinnyi wigaragaje kurusha abandi.

Umuyobozi wa Rayon Sports yavuze ko iki ari igikorwa kiza cyane gikwiye kurushaho kunozwa n’umukinnyi byaba ngombwa agahembwa mbere ya match.

Denis Gacinya ati “Ni ibintu byiza kandi byashyushya shampionat, mbonye babitangiye buriya twizere ko batazacika intege byakomeza kuba ngarukakwezi.”

Umutoza Masudi Juma ati “Ntabwo ari njyewe wamutoye, abamutoye baramubonye, kandi yakoze ibintu byiza kandi ari kuri formes, ntabwo ari wenyine umeze neza muri equipe yacu, ariko kuri njye arabikwiye kuba umukinnyi w’ukwezi kabisa.”

Mugenzi we bakinana muri Rayon Sports Kwizera Pierrot yagize ati: “{Shasir} ni umukinnyi mwiza. Nanjye ndi uhemba niwe nahitamo, ni nimero 10 uzi kugumana umupira, aradufasha cyane. Tumaze imyaka ine dukinana mu ikipe y’igihugu namugiriye inama mbere yuko aza mu Rwanda. Kuba ahembwe nk’uwitwaye neza ni byiza cyane.”

Igihembo cy'umukinnyi w'Ukwezi cya mbere gitanzwe muri uyu mushinga w'Umuseke IT Ltd

Igihembo cy’umukinnyi w’Ukwezi cya mbere gitanzwe muri uyu mushinga w’Umuseke IT Ltd

Fidel Nsengiyaremye, Umuyobozi w'Umuseke IT Lt (ibumoso) ashyikiriza igihembo Perezida w'ikipe Denis Gacinya wari waje ku myitozo ngo agiye Umutoza Masudi Djuma wari uhagarariye umukinnyi we

Fidel Nsengiyaremye, Umuyobozi w’Umuseke IT Lt (ibumoso) ashyikiriza igihembo Perezida w’ikipe Denis Gacinya wari waje ku myitozo ngo agiye Umutoza Masudi Djuma wari uhagarariye umukinnyi we

Umuyobozi w'Umuseke IT Ltd, umutoza Masudi Djuma na Perezida wa Rayon Sports Denis Gacinya

Umuyobozi w’Umuseke IT Ltd, umutoza Masudi Djuma na Perezida wa Rayon Sports Denis Gacinya

Photos © Evode MUGUNGA/UMUSEKE

Roben NGABO
UMUSEKE.RW

Likes(11)Dislikes(1)

13 Comments

  1. Majos

    November 10, 2016 at 2:19 pm

    Aho nivyo ntamaranga mutima yagiyenwo ubutaha Ni pierro canke shasir acisubize kko uretse savio yogerageza guhiganwa abandi ayo nimumyaka iza

    Likes(7)Dislikes(2)
  2. Isaïe

    November 10, 2016 at 4:15 pm

    Ibi ni byiza cyane bazagerageze babikomeze.

    Likes(0)Dislikes(0)
  3. Ngarukana

    November 10, 2016 at 5:49 pm

    Bravo umuseke iki ni igitekerezo cyiza muzanye kizatuma umupira ushyuha. aha mugize neza kabisa, courage kizakomeze. Imana ibafashe Marcel na team yawe.

    Likes(1)Dislikes(0)
  4. Karekezi

    November 10, 2016 at 7:14 pm

    Kudos kuri mwe Umuseke
    aka kantu ni keza cyane, mufatanye n'abashinzwe umupira mushake abaterankunga kizabe ikintu kinini kandi kiza. mukomereze aho

    Likes(2)Dislikes(0)
  5. kadomo

    November 10, 2016 at 8:55 pm

    ntureba ikinyamakuru kizanye agashya mumupira wacu. ubu hagize ikindi kigifasha kigahemba umutoza wukwezi. umuseke muri aba mbere. mushake abafatanya bikorwa mwagure ikigikirwa, mukoneje kuruta benshi bavuga gusa nta bikorwa.

    Likes(2)Dislikes(0)
  6. claude bobo

    November 10, 2016 at 11:36 pm

    ibi nibyiza cyane pe ndabashimiye kubwigitekerezo cy' inyamibwa mwagize nimwe umupira wacu ukeneye nabandi barebereho. naho umukinnyi we arabikwiye pe. tks kurimwe umuseke

    Likes(0)Dislikes(0)
  7. PACY.

    November 11, 2016 at 8:49 am

    umuseke oyeeeeeeee ndabakunze rwose

    Likes(1)Dislikes(0)
  8. Kgl

    November 11, 2016 at 12:27 pm

    Abafana ba Rayon sport ni benshi kandi majority yo kubera amajwi ndabona ibaha amahirwe cyane niba 60%ari gutora then 10% comments urumva umukinnyi wa rayon uzazamo afite chances iyo ku batekinisiye mwongera gusa nabyo ntitwabiziza aba rayons gukunda ikipe yabo abandi nabo bayoboke internet anyway ni gahunda ni nziza.

    Likes(0)Dislikes(0)
  9. Kayinamura Willson

    November 11, 2016 at 4:21 pm

    Shassir congz kdi umuseke bravo muri abantu babagabo

    Likes(0)Dislikes(0)
  10. ndererimana lambert

    November 11, 2016 at 9:21 pm

    shasiir atwaye igihembo agikwiriye!ubutaha ni we cyangwa pierrot!rayon ifite abakinnyi beza!wavuga iki kuri bakame utaratsindrwa igitego na kimwe muri iyi championt?

    Likes(0)Dislikes(0)
  11. stev

    November 12, 2016 at 9:07 am

    Igitekerezo ni cyiza pe. Muzagerageze guhindura criteres mugenderaho kuko mu rwanda abafata ntibazi uko umukinnyi yitwara mukibuga abenshi nabafata batazi iyo biva. Muzajye mureba individualite yumwukinyi ko yitwaye kuri buri match nicyo yamariye equipe ye kubwa njye numva umukinyi wukwezi yarikuva muri sunrise nkurikije performance ya equipe hanyuma umutoza wukwezi akava muri kirehe na sunrise kuko nibo bagaragaje iterambere ryihuse mu makipe yabo. Urugero: ni gute mutora umukinyi wa rayon muzi ko ifite abafana benchi mugashiraho na % ho hejuru ku bafana kandi murebe mu mashusho neza espoir bayimye penalty ebyiri bahuye na rayon i rusizi bivuze ko mujye mureba amashusho ya za match kugira mutagira sentiment nabo ba technicians kuki mutavuze abaribo wenda wasanga bafana amakipe yi kigali??? ubundi muzabirekere abanyamakuru bose bakora ibyo sport aba aribo batora mubahe nka 90%, abatoza, 5%, abadana5% mukongeraho directeur technique wa sport niba abaho mu rwanda, kuko muzamuye %yabafana nabatoza babogama kuko bikundira izo bafana. Njye umukinyi wu kwezi ntitaye ku marangamutima nkurikije uko umukinnyi yitwaye,uko yavuzwe na media nubwo bamuvuze gake, uko yazamuye urwego rwikipe ye naho yavuye yakagombye kuva muri Sunrise fc. N'umukunzi wa ruhago nyarwanda murakoze.

    Likes(0)Dislikes(1)
  12. APR Fc

    November 12, 2016 at 3:59 pm

    Steve nagirango nkubwire ko umuseke utabikora kuko n'ikinyamakuru cy'abarayon, njye nagiye nkurikirana inkuru zabo kenshi iyo Apr yatsinzwe nibwo batangaza inkuru zayo yatsinda ntibazitangaze ariko rayon iyo yatsinze inkuru yayo imaraho nka 2wks, rero nabo babikoze babizi neza kandi bashakaga kwamamaza club yabo, ubwo rero wowe niba ushaka gukora ibintu biboneye shinga ikinyamakuru cyawe ukore ibiboneye, naho hano ho ntacyo uzibonera.

    Likes(0)Dislikes(3)
  13. Innocent

    November 14, 2016 at 7:15 pm

    still ni Rayon ibyitwarira,,, nyuma ya Cedrick na Pierrot, Shassir ati ndahari ejo ni Pierrot again

    Likes(0)Dislikes(0)

Ibitekerezo

Your email address will not be published. Required fields are marked *