Rayon Sports iyoboye urutonde rwa Shampiyona, APR FC ku mwanya wa 5 – UMUSEKE

Rayon Sports iyoboye urutonde rwa Shampiyona, APR FC ku mwanya wa 5

Rayon Sports FC ubu iyoboye urutonde rw’agateganyo rwa Shampiyona y’ikiciro cya mbere, nyuma yo gutsinda Marines FC ibitego bitatu ku busa, abakeba APR FC na Sunrise yari iyoboye urutonde rwa Shampiyona ikanganya na Pepiniere.

Rayon Sports ubu iyoboye urutonde rwa Shampiyona, mu gihe mukeba wayo, APR FC iri ku mwanya wa Gatanu

Rayon Sports ubu iyoboye urutonde rwa Shampiyona, mu gihe mukeba wayo, APR FC iri ku mwanya wa Gatanu

Nk’uko bimaze kumenyerwa, imikino ya “Azam Rwanda Premier League”, imikino y’umunsi wa kane yatangiye kuwa gatanu Police FC itsinda Gicumbi FC ibitego 2-0, byatumye ubu yicaye ku mwanya wa gatatu.

Kuwa gatandatu, Mukura VS yatsinze SC Kiyovu 2-1, Kirehe FC itsinda Etincelles FC 2-1, Musanze FC inganya na APR FC 0-0, Espoir FC inganya n’Amagaju FC 1-1, AS Kigali inganya na Bugesera FC 0-0, naho Rayon Sports itsinda Marines FC 3-0.

Ibitego bya Rayon Sports yari yasuye Marines i Rubavu kuri Stade Umuganda, byatsinzwe n’Umurundi Kwizera Pierrot watsinze bibiri na n’Umunya-Mali Moussa Camara watsinze kimwe.

Naho kuri iki cyumweru, Sunrise yatangiye Shampiyona neza yanganyirije na Pepiniere FC iwayo  1-1 bituma inganya na Rayon Sports amanota 10.

Rayon Sports iyoboye urutonde kuko izigamye ibitego umunani (8), mu gihe Sunrise binganya amanota izigamye ibitego bitanu (5).

APR FC ifite igikombe cya Shampiyona cy’umwaka w’imikino ushize, ubu iri ku mwanya wa gatanu (5), n’ibitego bine izigamye.

Uko urutonde rw'agateganyo ruhagaze.

Uko urutonde rw’agateganyo ruhagaze.

UMUSEKE.RW

Likes(9)Dislikes(3)