Rabagirana Ministries yatangije inyigisho z’isanamitima n’ubwiyunge – UMUSEKE

Rabagirana Ministries yatangije inyigisho z’isanamitima n’ubwiyunge

Kuri uyu wa gatandatu  umuryango  wa gikristu ,Rabagirana ministries nibwo watangije ku mugaragaro inyigisho z’isanamitima n’ubwiyunge mu banyarwanda.

Pastor Joseph Nyamutera umuyobozi mukuru wa Rabagirana Ministries

Pastor Joseph Nyamutera umuyobozi mukuru wa Rabagirana Ministries mu bahawe amashimwe

Ubusanzwe bikaba byari bifitwe na Mercy Ministries International  nawo ukaba umuryango Mpuzamahanga wa gikristu usangiye intego zimwe na Rabagirana Ministries ariko wo ukaba warafunze.

Ibirori byo gutangiza  kumugaragaro ibikorwa bya Rabagirana Ministries by’isanamitima byahuriranye no gutanga impamyabumenyi ku banyeshuri basoje mu ishuri rya Bibiliya rishamikiye kuri uyu muryango,ryiswe Rabagirana Bible College.

Dr.Eric Spruyt uyobora Mercy Ministries International ku rwego rw’Isi  yavuze ko batagiye burundu, ahubwo  imishinga yawo mu karere k’ibiyaga bigari bikazakomezwa na Rabagirana Ministries .

Pastor Zigirinshuti Michel,umushumba mu itorero ADEPR,ni umwe mu bashimangira umumaro ukomeye n’ingaruka nziza iyi miryango ikomeje gufasha abakristu.

Pastor Zigirinshuti Michel umushumba mu itorero ADEPR na Pastor Joseph Nyamutera

Ati ”Izi gahunda ni nziza cyane abakristu bakwiriye kurenga ubumenyi basanzwe bafite ahubwo bakarengera n’ibijyanye n’aya masomo y’ubumwe n’ubwiyunge bityo tukagira umuntu wuzuye.”

Pastor Zigirinshuti Michel yakomeje avuga ko  nk’abanyarwanda  baciye mu mateka agoye, ni ngombwa ko  bakomorana inguma n’ibikomere abantu bafite bitandukanye .

Pastor Joseph Nyamutera umuyobozi mukuru wa Rabagirana Ministries yavuze ko  umutwaro bafite ari ukubona Abanyarwanda bakira ku mutima ndetse bakaniteza imbere.

Yagize ati” Hari n’izindi gahunda Rabagirana Ministries izatangiza , byose bigamije gutuma abantu bahinduka ku mutima ndetse n’imibereho yabo ikaba myiza..”.

Pastor Joseph Nyamutera yakomeje avuga ko bazakomeza gufatanya , gufasha Abanyarwanda n’akarere muri rusange , gukomeza kubona inyigisho z’isanamitima ndetse no gufasha  abakize ibikomere mu bikorwa bibateza imbere binyuze mu mishinga Rabagirana Ministries.

Bamwe mu bahwe impamyabumenyi

Bamwe mu bahwe impamyabumenyi

Daddy SADIKI RUBANGURA

UMUSEKE.RW

Likes(1)Dislikes(0)

Ibitekerezo

Your email address will not be published. Required fields are marked *

Tsindira itike yo kureba umupira wa ARPL

tsindira-itike

Subiza ibibazo, maze utsinde….

 
 

Verification