Nyamirambo: Batoraguye umubiri w’umugore bivugwa ko yishwe na mugo (Heroin) – UMUSEKE

Nyamirambo: Batoraguye umubiri w’umugore bivugwa ko yishwe na mugo (Heroin)

Mu gitondo cyo kuri uyu wa mbere, abaturage batuye i Nyamirambo hafi y’umuhanda uzwi nko kwa Mutwe, babonye umubiri w’umugore witwa Aisha Nzamukosha. Bamwe mu baturage bari basanzwe bamuzi bavuga ko bamuziho kunywa ikiyobyabwenge cya Mugo (heroin).

Iburyo imbere y'urugi rw'icyatsi kibisi niho basanze umurambo wa Aisha

Iburyo imbere y’urugi rw’icyatsi kibisi niho basanze umurambo wa Aisha

Umubiri wa nyakwigendera Aisha Nzamukosha, bawutoraguye mu murenge wa Rwezamenyo, hafi y’umuhanda wo kwa Mutwe.

Abasanzwe bazi nyakwigendera, bavuga ko yari asanzwe ‘akoresha’ (anywa) ibiyobyabwenge, by’umwihariko ikitwa ‘Mugo’ (heroin).

Aaron Kagabo utuye aha mu kagali ka Rwezamenyo avuga ko n’ubwo atabihamya ariko nyakwigendera ntawamusagariye ahubwo ko ashobora kuba yahitanywe n’iki kiyobyabwenge bari basanzwe bazi ko akinywa.

Umuvugizi wa Police y’u Rwanda mu mujyi wa Kigali, Spt Emmanuel Hitayezu  yabwiye Umuseke ko abaturanyi ba nyakwigendera bavuga ko yari amaze iminsi arwaye ndetse bagerageje kumuha amafaranga ngo ajye kwivuza ariko akinangira.

Avuga ko amakuru bahawe n’abatuye muri aka gace, bavuze ko ejo ku Cyumweru yiriwe atameze neza, ndetse abo bari kumwe bakamucyura.

Spt Hitayezu  ati “ Ntabwo yaraye iwe mu rugo,  mu gitondo ni bwo baje kubona umurambo imbere y’igipangu cy’umuturage yahapfiriye, ntituramenya icyamwishe n’ubwo abaturage bavuga ko bari basanzwe bamuziho gukoresha ibiyobyabwenge.”

Avuga ko police iyiye gukora iperereza kugira ngo imenye icyahitanye nyakwigendera. Umubiri wa nyakwigendera wajyanywe mu bitaro bya Kacyiru kugira ngo ukorerwe isuzuma. Asize umwana umwe.

Daddy SADIKI RUBANGURA
UMUSEKE.RW

Likes(4)Dislikes(3)

2 Comments

  1. Allen

    November 7, 2016 at 8:06 pm

    Mu Rwanda se burya haba heroin?ha ha hha.yewe Rwanda wateye imbere.nubusanzwe mu bihugu nka America,heroin ni drug y'abazungu.kubona umwirabura uyikoresha ni hamana

    Likes(0)Dislikes(1)
  2. rucogoza

    November 8, 2016 at 10:16 am

    Nyakwigendera imana imwakire, gusa birababaje kubona umuntu yishora mu biyobyabwenge kugeza bimuhitanye, Abantu bakwiye kumenya o amagara asesekara ntayorwe, kandi inzego z'umutekano ntizihwema kudukangurira kureka ibiyobyabwenge.

    Likes(0)Dislikes(0)

Ibitekerezo

Your email address will not be published. Required fields are marked *

Tsindira itike yo kureba umupira wa ARPL

tsindira-itike

Subiza ibibazo, maze utsinde….

 
 

Verification