Mme Oda Gasinzigwa atorewe gusimbura Bazivamo mu nteko ya EALA – UMUSEKE

Mme Oda Gasinzigwa atorewe gusimbura Bazivamo mu nteko ya EALA

Inteko rusange imitwe yombi iteranye kuri uyu wa gatatu mu gitondo imaze gutorera Mme Oda Gasinzigwa gusimbura Hon Christopher Bazivamo mu Nteko y’Umuryango wa Africa y’Iburasirazuba (EALA). Mme Gasinzigwa yatsinze undi mukandida witwa Callixte Kanamugire ukora mu bunyamabanga bwa FPR-Inkotanyi.

Mme Oda Gasinzigwa yahoze ari Minisitiri w'Uburinganire n'Iterambere ry'Umuryango

Mme Oda Gasinzigwa yahoze ari Minisitiri w’Uburinganire n’Iterambere ry’Umuryango

Hon Christopher Bazivamo wari umudepite mu Nteko ya EALA aherutse kugirwa umwe mu bungirije umunyamabanga  mukuru w’uyu muryango.

Inteko Ishinga Amategeko imitwe yombi yatoye yari igizwe n’Abadepite 54 n’Abasenateri 21, Gasinzigwa yatowe ku majwi yose hamwe 71. Kanamugire we yagize amajwi ane(4).

Oda Gasinzigwa afite imyaka 49, kuva mu 1998 yatangiye gukora mu bunyamabanga bw’Inama y’igihugu y’abagore mu 2001 agirwa umunyabanga wayo mu 2004 atorerwa kuba Perezidante wayo, mu 2008 yagizwe umugenzuzi mukuru w’urwego rushinzwe iyubahirizwa ry’uburinganire (Gender Monitoring Office), mu 2013 yagizwe Ministri w’uburinganire n’iterambere ry’umuryango (asimbuye Inyumba Aloyisia witabye Imana mu mpera za 2012). Uyu mwanya yawuvanyweho muri Werurwe uyu mwaka.

Callixte Kanamugire yagize amajwi ane mu matora

Callixte Kanamugire yagize amajwi ane mu matora

Josiane UWANYIRIGIRA
UMUSEKE.RW

Likes(0)Dislikes(0)

Ibitekerezo

Your email address will not be published. Required fields are marked *