Karongi: Umuhungu na Nyina bafunzwe bazira gutwika ibendera ry’igihugu – UMUSEKE

Karongi: Umuhungu na Nyina bafunzwe bazira gutwika ibendera ry’igihugu

Umunyamabanga Nshingwabikorwa w’Akagari ka Gisayura, mu Murenge wa Mutuntu, Akarere ka Karongi witwa Jean Pierre Ukurikiyimana yabwiye Umuseke ko bamaze hafi ukwezi barabuze aho ibendera rya Repubulika ryagiye, ariko ngo baje gusanga ryaribwe n’umuhungu na Nyina bararitwika kugira ngo bahime umuyobozi w’Akagari.

Uyu mwana na nyina ngo ibi babikoze kubera ko ngo ubuyobozi bwemereye abakora imirimo muri gahunda ya VUP kunyura mu isambu yabo ntibabyishimira.

Ukurikiyimana yabwiye Umuseke ko abakekwa bafashwe kuri uyu wa kabiri, bakaba bemera ibyo baregwa, ngo bafungiye ku Biro bya Polisi bya Gakuta.

Ibikorwa nk’ibi byo kwiba ibendera ntabwo ari ubwa mbere bibaye mu Rwanda kuko bisanzwe biba hirya no hino mu Rwanda.

Jean Pierre NIZEYIMANA
UMUSEKE.RW

Likes(0)Dislikes(0)

Ibitekerezo

Your email address will not be published. Required fields are marked *