(Just a Dance) ya Buravani yafatiwe amashusho, izaba irimo Tunda – UMUSEKE

(Just a Dance) ya Buravani yafatiwe amashusho, izaba irimo Tunda

Tunda Anna uzagaragara mu ndirimbo ‘Just a dance’ ya Yvan Buravani ni umunyamideri n’umubyinnyi wabigize umwuga wo muri Tanzania. Mu minsi ishize aherutse no kugaragara mu ndirimbo ‘Salome’ ya Diamond Platnumz.

Tunda na Buravani mu ifatwa ry'amahusho ya 'Just a dance'

Tunda na Buravani mu ifatwa ry’amahusho ya ‘Just a dance’

‘Salome’ indirimbo nshya uyu mukobwa agaragaramo ya Diamond, ni imwe mu ndirimbo zikunzwe muri iyi minsi cyane kuko usanga ari indirimbo iri gukurikirwa cyane ku rubuga rushyirwaho amashusho y’indirimbo rwa Youtube.

Ndetse ni n’imwe mu ndirimbo zirimo gukinwa cyane ku matelevision akomeye muri Afurika na Trace Tv imwe mu matelevision mpuzamahanga.

Kuba yaraje mu Rwanda gukorana indirimbo na Yvan Buravani ngo biri mu bintu bishobora gutuma n’iyo ndirimbo imenyekana mu Karere kuko uwo mukobwa akurikirwa n’abantu benshi batandukanye.

Bityo bikaba byanaba inzira kuri Yvan Buravani yo kwambutsa umuziki we umupaka cyane cyane mu Karere.

Kuri ubu Buravani ni umwe mu bahanzi bashyirwa mu majwi ko yaba ayoboye urutonde rw’abandi bakora injyana ya RnB mu Rwanda.

Amwe mu mafoto azagaragara mu mashusho y'iyo ndirimbo

Amwe mu mafoto azagaragara mu mashusho y’iyo ndirimbo

Ahanini bikaba bituruka ku kuba amaze gukora indirimbo zigera muri enye zikurikirana kandi abantu bakazishimira ku rwego rwo hejuru ibyo bakunze kwitwa ‘Hit’.

Ku ruhande rwe avuga ko kuba yakirwa n’abantu neza kuri buri ndirimbo akoze, bimuha imbaraga zo gukora ibyiza kurusha.

Ko igihe cyose ubonye umuntu wishimira ku kazi uba wakoze, bituma nawe wifuza ko undi mushinga uzakora utazaza uri hasi y’uwa mbere.

Tunda ugaragara muri 'Salome' ya Diamond Platnumz

Tunda ugaragara muri ‘Salome’ ya Diamond Platnumz

Biteganyijwe ko amashusho y’indirimbo ashobora kugera hanze mu gihe cy’icyumweru. Akaba yarafashwe na Meddy Saleh umaze kubaka izina mu Rwanda nka producer w’amashusho.

Joel Rutaganda

UMUSEKE.RW

Likes(0)Dislikes(0)

Ibitekerezo

Your email address will not be published. Required fields are marked *