Iyo udafite ‘manager’ barakubindikiranya – Social Mula – UMUSEKE

Iyo udafite ‘manager’ barakubindikiranya – Social Mula

Kugira umuntu ukurikiranira bya hafi ibihangano byawe, akakugira inama yuko wakwitwara, kandi akagufasha kubimenyekanisha hirya no hino, Social Mula abifata nki by’agaciro cyane kurusha umuhanzi wifasha muri byose.

Social Mula uri mu bahanzi bahagaze neza muri iyi minsi

Social Mula uri mu bahanzi bahagaze neza muri iyi minsi

Avuga ko ukora ibihangano byawe rwose abantu bakabyumva rimwe cyangwa kabiri bikazimira bityo. Ariko iyo ufite ugukurikirana ngo bituma agufasha gutekereza ku cyatuma bihora byumvwa.

Social Mula muri iyi minsi ni umwe mu bahanzi barimo gukora indirimbo zigenda zikora k’umutima ya benshi kubera ubwiza n’ubuhanga yumvikanishamo.

Indunduro, Amahitamo, ni zimwe mu ndirimbo usanga ahantu henshi zicurangwa ku buryo utagereranya n’iz’abandi ukurikije playlist z’amaradiyo atandukanye acuranga.

Asanga kuba yaragize umuntu umukurikirana ku bijyanye na muzika ye (management) biri mu byamutije umurindi wo gukomeza kugaragaza icyo ashoboye mu ruhando rwa muzika.

Yabwiye Umuseke ati “Sinahamya ko umuhanzi udafite umukurikirana ibyo akora uzwi nka manager atagira icyo ageraho kandi gikomeye. Ariko nanone kumugira byo ni akarusho kuko amenya ibyo ukeneye”.

Social Mula ubundi ukurikiranirwa na Decent Entertainement ibarizwamo Muyoboke Alexis na Twahirwa Theo ariko buri umwe akagira imikorere ye, ubu yabonye undi muntu umufasha bidaciye muri Decent Entertainement.

Akomeza avuga ko mu minsi mike iri imbere aza gushyira hanze amashusho y’indirimbo irimo kubica bigacika yise ‘Amahitamo’.

Nsanzimana Christopher

UMUSEKE.RW

Likes(1)Dislikes(0)

1 Comment

  1. saddy

    November 9, 2016 at 6:53 pm

    manager ni ngenzi uretse na muzika nama campanies arabifashisha kugira ngo atere imbere .birakwiye ko umuhanzi yagira manager niba ashaka gutera imbere.

    Likes(1)Dislikes(0)

Ibitekerezo

Your email address will not be published. Required fields are marked *