Inzoga si mbi buri gihe, bimwe mu byiza byazo ku buzima – UMUSEKE

Inzoga si mbi buri gihe, bimwe mu byiza byazo ku buzima

Inzoga ubundi tuzi ko ari mbi ku buzima, ariko umunyeshuri wiga ubuhanga mu mitekere, imirire n’iminywere(nutritional sciences) muri Penn State University witwa Shue Huang na bagenzi be baherutse kwemeza ko kunywa inzoga ari byiza mu gihe uyinywa adakabije kandi ukarya neza.

Abagabo ngo nibura bakwiye kunywa ibirahure bibiri ku munsi

Abagabo ngo nibura bakwiye kunywa ibirahure bibiri ku munsi

Ibyiza by’inzoga ni uko igabanya kwiyongera kw’icyo abahanga bita Lipoprotein na Cholesterol.

Ubundi ngo abagabo bagomba kunywa byibura ibirahure bibiri n’igice ariko abagore bakanywa ikirahure kimwe cyangwa kimwe n’igice ku munsi.

Bariya bahanga bo muri Penn State Universtity bavuga ko ngo bamaze imyaka itandatu bakurikirana abanywi ibihumbi 80 kandi ngo basanze ikitwa lipoprotein cyaraganutse bigaragara bityo n’ibyago byo kurwara indwara z’umutima n’imitsi bikagabanuka.

Abakoreweho ubushakashatsi ni abo mu Bushinwa ariko ngo na  mbere hari ubundi bwari bwarakorewe mu bindi bihugu basanga ibisubizo bisa.

Abahanga ariko baburira abantu banywa inzoga zikomeye zo mu bwoko bwa Spirits, Liqour kwitonda bakagabanya izo banywa n’inshuro bazinywa kuko ngo zigira ikinyabutabire bita Methanol nyinshi kandi gishobora gutera ubuhumyi, uburemba, gususumira, kwibagirwa vuba ndetse n’urupfu.

Technology.org

Jean Pierre NIZEYIMANA
UMUSEKE.RW

 

Likes(5)Dislikes(1)

3 Comments

  1. Mpinga

    November 22, 2016 at 12:05 pm

    Ibi ni ukuyobya rubanda!Duhereye iwacu ni nde Munyarwanda ujya kunywa akanywa ibirahure bibiri n'igice gusa?Unywa aranywa ukagira ngo ari kuraga!Naho izo lipoprotein na cholestérol izo nzoga zagabanya hari ibindi wakora bikagabanuka utiriwe ujya mu nzoga.Gukora sport na bimwe mu biribwa twihingira byayigabanya!Ngirango ubu abiyita abashakashatsi aho guhangana n'indwara zitwugarije na nka Kanseri,sida bamwe barata igihe m'utuntu tw'amafuti aha ngo bavumbuye!

    Likes(4)Dislikes(0)
    • newton

      November 23, 2016 at 1:44 pm

      mpinga, ko mbona hari byinshi wadufasha niba atarukunenga gusa, wafashe iyambere mubushakashatsi ukaduhagararira tukagira icyo turusha bariya bahanga? cyakora haruwutashobora sport kandi Wenda ka manyinya agashoboye haricyo bifasha. dukeneye nubundi buryo umunu akazajya yihitiramo ubumworoheye. ( integrated measures). bariya maze nibo bavumbuye niri koranabuhanga ubona muriki kinyejana! nawe gira utubwire ibimaze kuva mubushakashatsi buguturutseho udutabare non communicable diseases ziratumara

      Likes(1)Dislikes(0)
    • rc

      November 26, 2016 at 4:30 am

      HAHAAAAAAAA NDASETSE NDATEMBAGAYE(unywa aranywa uagira ngo ari kuraga uvuze ukuri.

      Likes(0)Dislikes(0)

Ibitekerezo

Your email address will not be published. Required fields are marked *