Gospel na Secular byose kubikora ni umuhamagaro – Patient Bizimana – UMUSEKE

Gospel na Secular byose kubikora ni umuhamagaro – Patient Bizimana

Patient Bizimana ni umwe mu bahanzi bakunzwe cyane muri iki gihe. Kuba hari abahanzi bakora indirimbo zihimbaza Imana ‘Gospel’ nyuma bakazivamo, asanga nta wagaciriweho iteka kuko baba bagiye mu muhamagaro wundi.

Patient Bizimana ni umuhanzi ukora indirimbo zihimbaza Imana 'Gospel'

Patient Bizimana ni umuhanzi ukora indirimbo zihimbaza Imana ‘Gospel’

Kuri bamwe baririmba indirimbo ziramya kandi zihimbaza Imana, abandi bakaririmba indirimbo zirimo ubutumwa bufitiye sosiyete akamaro ‘Secular’, bose ni abahanzi ahubwo batandukanye ku myemerere.

Ibi nibyo Patient Bizimana usengera mu itorero rya Evangelical Restoration Church paruwasi ya Masoro yatangarije Umuseke.

Ati “Sinaveba umuntu uhindura akava mu ndirimo zaririmbiwe Imana akajya mu zisanzwe kuko naho aba agiye aba agiye gutanga ubutumwa. Gusa kuri njye sinzatezuka gukomeza guhimbaza Imana mbinyujije mu ndirimo”.

Yamenyekanye cyane mu ndirimbo zirimo, Ubwo buntu, Menye neza, Nk’inyanja yawe, Ubwo buntu, Ndanyuzwe n’izindi.

Ku bijyanye n’ibikorwa by’umuziki we, avuga ko arimo gukora indirimbo zizajya kuri album ye azashyira hanze tariki ya 16 Mata 2017.

Icyo gihe bikazaba ari umunsi benshi bita ko ari ipfa rya Yezu cyangwa se Pasika nk’uko buri wese agira imyemerere ye.

Uretse iyo album arimo gukoraho, ubu ari no mu gikorwa cyo gufatira amashusho indirimbo ze zagiye zijya hanze zikamenyekana mu buryo bw’amajwi gusa ariko nta mashusho.

Nsanzimana Christopher

UMUSEKE.RW

Likes(1)Dislikes(1)

Ibitekerezo

Your email address will not be published. Required fields are marked *