Gicumbi FC yihagazeho imbere ya APR FC zigwa miswi – UMUSEKE

Gicumbi FC yihagazeho imbere ya APR FC zigwa miswi

Nyamirambo – Ku munsi wa gatatu wa Shampionat y’umupira w’amaguru mu Rwanda kuri iki cyumweru APR FC yari yakiriye Gicumbi FC, APR yahabwaga amahirwe imbere y’abafana bayo i Kigali ariko Gicumbi yihagazeho binganya 1 -1.

Abasore ba Gicumbi bihagazeho neza cyane mu kugarira

Abasore ba Gicumbi bihagazeho neza cyane mu kugarira

APR FC yarushije Gicumbi guhererekanya neza, gusa Gicumbi yihagararaho neza mu kugarira  ndetse igice cya mbere kirangira ari 0 – 0  nubwo abasore nka Sibomana, Buteera, Muhadjili na Issa Bigirimana ba APR bari bazonze cyane abugarira ba Gicumbi.

Ku munota wa 49 APR FC yabonye Penaliti ku ikosa ryakorewe Muhadjili Hakizimana mu rubuga rw’amahina, iyi ni nawe wayiteye neza kiba kiranyoye.

Hasigaye iminota 10 ngo umukino urangire, Gicumbi FC yabonye igitego cyatsinzwe na Pierre Celestin Shyaka wari uherejwe neza na Jean de Dieu Uwineza, uyu ni murumuna wa Uwacu Jean Bosco na Shyaka Jean.

Umutoza Yves Rwasamanzi wa APR yavuze ko abugarira be bakoze amakosa bigatuma badatahana amanota atatu y’uyu munsi.

Naho umutoza Hussein wa Gicumbi FC avuga ko kuvana inota rimwe kuri APR atari bibi kandi yishimiye uko abasore be bitwaye uyu munsi.

Indi mukino yabaye kuri iki cyumweru:
Kiyovu Sports 3 – 2 Amagaju FC (Ku Mumena)
Musanze FC 2 -1 Pepiniere (i Nyakinama)

Sibomana Patrick na Muhadjiri bagoye cyane ab'inyuma ba Gicumbi FC

Sibomana Patrick na Muhadjiri bagoye cyane ab’inyuma ba Gicumbi FC

Abasore ba Gicumbi nabo banyuzagamo bagaha akazi umuzamu Emery Mvuyekure wa APR FC

Abasore ba Gicumbi nabo banyuzagamo bagaha akazi umuzamu Emery Mvuyekure wa APR FC

Sibomana agiye gutera Corner-kick

Sibomana agiye gutera Corner-kick

Abahungu ba Gicumbi mu kugarira bari bahagaze neza cyane

Abahungu ba Gicumbi mu kugarira bari bahagaze neza cyane

Ku mipira yo mu kirere APF FC ntacyo yaramuye

Ku mipira yo mu kirere APF FC ntacyo yaramuye

Kapiteni wa Gimcumbi yafashe bikomeye Muhadjili

Jean de Dieu Uwineza Kapiteni wa Gimcumbi yafashe bikomeye Muhadjili

Muhadhili ariko Penaliti yabonye yayiteye neza cyane umuzamu ajya mu rundi ruhande

Muhadhili ariko Penaliti yabonye yayiteye neza cyane umuzamu ajya mu rundi ruhande

Muhadhili agerageza gucenga ab'inyuma ba Gicumbi ngo bashake ikindi gitego

Muhadhili agerageza gucenga ab’inyuma ba Gicumbi ngo bashake ikindi gitego

Yves Rwasamanzi avuga ko bakoze amakosa mu kugarira bakabayaryoramo igitego

Yves Rwasamanzi avuga ko bakoze amakosa mu kugarira bakabayaryoramo igitego

Baraka Hussein utoza Gicumbi FC asanga adasaruye nabi i Kigali

Baraka Hussein utoza Gicumbi FC asanga adasaruye nabi i Kigali

Photos © Innocent Ishimwe/UMUSEKE

Innocent ISHIMWE
UMUSEKE.RW

Likes(0)Dislikes(0)

Ibitekerezo

Your email address will not be published. Required fields are marked *