Episode 52: Djalia avuye muri Coma, yirukana nabi cyane James na Eddy – UMUSEKE

Episode 52: Djalia avuye muri Coma, yirukana nabi cyane James na Eddy

Twese twahise dushiguka twegera Djalia, James we ikiniga kimubuza kuvuga dutangira gufata Djalia ngo ahumeke neza ndetse Fille ajya kubwira abaganga ko akangutse.

Abaganga bamaze kuza, bahise batubwira gusohoka twese, ubwo twese tujya hanze twicara ku gatebe kari gahari James yubika umutwe atangira kwiyanga!,

Njyewe-“ Bro,wikora iryo kosa, ihangane ureke kwiyanga ,ndabizi  nta cyasha ufite ku mutima!”

James-“ Eddy ndabizi ko kubabara kwajye biguhangayikisha ,ariko uyu munsi mbabarira undeke bibe uko byakabaye!”

Njyewe-“ Bro,ongera ugerageze  kwihangana kandi wibuke ko ibi byose bifite impamvu, Iyo mpamvu rero niyo izaba ikimenyetso  cyo kwereka Djalia ko Umukunda ndetse n’agaciro umuha!”

James-“ Bro,ibyo ndabyumva ,ndetse cyane, ariko buriya kuki Djalia avuze ko ari njye muhemukiye bigeze aha koko?”

Njyewe-“ Bro,kubera igihe yari amaze atavuga ,wasanga buriya  yaba avugishijwe agacurikiranya amagambo  nabyo bibaho!”

James-“ Aaaaaah, basi Imana imfashe  abe ari uko biri,naho ubundi nakwicwa n’intimba yo gukunda ngaturana n’agahinda abashyitsi bajnye bakaba amarira!”

Njyewe-“ komera Bro, iki nicyo gihe cyawe ngo werekane ukuri gukwiye mu rukundo,nanjye nzakubera umuhamya kuko nzi ko  bitaje vuba,ahubwo ibendera  ry’Urukundo ukunda  Djalia warizamuye igihe twari mu kibaya cy’umunezero mu Ruhango!”

James ubwo yikije umutima ariko nanone mbona arakomeye,nanjye  numva ngize imbaraga.

Fille wasaga nkaho yabuze icyo avuga yahise anyegera anjyana ku ruhande aba arambwiye,

Fille-“ Eddy ibiri hagati ya Djalia na James byose ntacyo uzi?”

Njyewe-“ ibiki se Fille we? Ko nanjye ntunguwe!”

Fille-“nyine ibyo James yakoze Djalia byatumye ananirwa kubyacyira?”

Njyewe-“ none se urumva twabimenya tukakubaza uko byagenze?, twabimenya se ho twatungurwa n’amagambo ya Djalia?,ariko wenda twizere ko ari ukuvugishwa kubera gutinda muri coma!”

Fille-“ Eddy, nyamara mushatse mwahunga mukagenda mukibagirwa Djalia ,ku buryo James ntaho azongera guhurira na we, Eddy Papa Djalia ni umugome aramutse amenye ko ari mwebwe mwabiteye yabamerera nabi!, nanjye icyo nazajya mbafasha ,ni uko mumukeneye muzajya mumbaza byose nkababwira ariko mudahuye na Djalia!”

Nakomeje kwitegereza Fille mbona mu maso ye ashobora kuba hari icyo azi ariko nanga kugira icyo mubwira kugirango mbanze gukaraga ururimi inshuro 70, ubwo tukiri aho sinamenye igihe nashinguriye ukuguru ako kanya mba munyuzeho nsubira aho James yari ari ndamuhagurutsa mujyana hirya gato ntangira kumubwira byose Fille yari amaze kumbwira!,

Njyewe-“ Bro,uzi noneho Fille ibyo ambwiye?”

James-“eeeeh Bro ngo  bimeze  gute?”

Njyewe-“ njye ntakubeshye biranshanze pe!,arimo kuvuga amagambo acomecyeranye  ariko yikoreye byinshi!”

James-“ uuuuh ,wabona Fille hari amakuru afite! Bro, twamwumva tukamenya uko tubyitwaramo!”

Njyewe-“ Bro ,buriya ngo Fille  yari arimo kungira inama yo guhunga ngo Papa wa Djalia agira amahane ,ngo amenye ko ari twe twatumye umwana we amera kuriya ngo yatumerera nabi!, kandi ngo  twibagirwe Djalia burundu ngo azajye aba ariwe tuvugisha aduhe amakuru!”

James-“ eeeeeh, Bro,none se duhunge koko?, erega buriya Fille afite amakuru kubera ko babana wasanga Papa wa Djalia  koko atumereye nabi  kandi tuzira ubusa!”

Njyewe-“ uuuuuh,ariko James ibibazo ntibigatume utecyereza nk’abana ,ubu se Papa Djalia ugira amahane niwe wemeye kwakira Fille akamurerana n’umwana we?, Bro umuntu yakubwira guhunga icyo utakoze nawe ugashyira bugeri ukiruka? ,Bro kuba Fille yatubwira kumunyuraho ngo ajye aduha amakuru ,ayo ataduhaye ubu azayaduha tutagifite amahirwe yo kubona Djalia?, Bro njye simva hano ntamenye aho byose byerecyera!”

James-“ mbabarira Bro ,umutima ukunda Djalia wambujije amahwemo, ndumva abiruka nkumva nakwirukankana nabo ngo nsubire kubona umutuzo nahoranye!”

Njyewe-“ Bro,humura kandi komera Djalia arakumva kandi aracyagukunda!”

Aho niho naboneye  urukundo James akunda Djalia ,buriya iyo ukunda bya nyabyo ntushobora kubihisha cyangwa ngo wiyumanganye , James blagues zose zari zagiye isura yahindutse , asigaranye umwijima mu maso, kuburyo wagiraga ngo kuva yavuka ntiyigeze aseka!

Ubwo tukiri aho, ako kanya Papa Djalia yahise aza adusanga aho twari turi atubaza uko bimeze tumubwira muri macye ariko amagambo Djalia yavuze agikanguka yo twaryumyeho!

Papa Djalia akibyumva yahise yegera ku muryango aho Djalia yari arwariye natwe turegera ariko nahuza amaso na Fille agakomeza kunyereka mu marenga ngo duhunge, uko abinyereka ahubwo muri njyewe nkumva ngize imbaraga zo kuguma aho!

Ubwo twakomeje gutegereza , hashize akanya abaganga barasohoka, wa wundi n’ubundi wari watubwiye ibya Djalia mbere ahita avuga!,

Muganga-“ muri mwe harimo uwitwa James se?”

Njyewe-“ yego arimo muga!”

Muganga-“ rero kubera impamvu zo kwanga kuba twasubiza uriya mwana w’umukobwa mu bihe yahozemo, ntago byaba byiza mwinjiye mwese cyane cyane James, ahubwo ndumva Papa we ariwe wakwinjira akamufasha gutuza ,hanyuma mwebwe mukazamusura mu rugo ameze neza ndumva ari uko bimeze kandi mwihanagane!”

 

Muganga yamaze kuvuga gutyo James asa n’uwinginga ariko mufasha kubyacyira, ndamufata turasohoka twerekeza murugo.

Munzira njye na James twasaga nkabahuye bwa mbere, twagezeyo tuvuze amagambo wabara ,ibintu byari bibaye bwa mbere kuri twe, twageze mu rugo  twirambika ku buriri kubera twari twaraye ijoro n’agahinda n’iki byose tugwa agacuho turasinzira!

Twakangutse nka saa cyenda z’ijoro ari James ushigutse yahagira cyane ahamagara Djalia ndamwegera mufasha gutuza!

Nakoze ibishoboka byose James aratuza yongera gusinzira buracya mu gitondo nkibyuka mpita mpapagara numero ya Fille ariko yanga gucamo, byageze nka saa sita tuyihamagara, ariko iranga iratunanira, dufata icyemezo cyo gusubira kwa muganga.

Twagezeyo nka saa cyenda z’amanywa, mu kugera kuri cya cyumba Djalia yari arwariyemo twinjiramo dusanga harimo umu Mama urwarijemo umwana muto,  tuba tumusuye tutabiteganyije!

Twarabaganirije turabihanganisha mbega nk’abantu bari basanzwe babazi, Hashize akanya turasohoka tujya kuri reception tubajije batubwira ko Djalia yaraye atashye! ubwo duhina imigongo turasohoka tugeze hanze.

James-“nonese Bro,ubu koko nkoze iki ?”

Njyewe-“ humura ndahari Muvandimwe wanjye nonese iwabo kwa Djalia urahazi?”

James-“  yego ndahazi!”

Njyewe-“ twagiye rero!”
Twahise tuzamuka dufata moto twerecyeza kwa Djalia moto zifatiraho ubanza  nabo barabonaga ko bikwiye, bidatinze ziba ziduparitse impande y’igipangu cyo kwa Djalia ahantu wabonaga ko ari VIP utiriwe winjira ubwo tuvaho turazishyura ziragenda!

Twahise tugorora amakora turisuganya neza, James akomanga bwa mbere, akomanga bwa kabiri, agiye gukomanga bwa gatatu bahita bakingura tubona ni umusore muto muto, James ahita amubwira!

James-“ bite se Tonto!”

We-“ ni sawa Boss!”

James-“none se Djalia arahari?”

We-“ arahari ari mu cyumba cye!”

James-“ ko tumushaka se!?”

We-“ ni karibu kabisa!”
Twarinjiye dukurikira uwo musore adukingurira muri salon turinjira turicara, ubwo hashize nk’iminota itanu njye na James ntawe uvuga tubona Djalia araje arikumwe na Fille, James ahita ahaguruka vuba vuba ngo amusanganire!,

Djalia-“ aaaaaah James ntunkoreho!!!”

James-“ please,ooooh  Ma Cherie niwowe umbwiye gutyo?”

Djalia-“ ndakubwiye ngo ntunkoreho!”

James-“ please Ma Baby Girl ,ndeba  mu maso neza ndi James wawe!”

Djalia-“ huuuu,ndakubona n’umutima wawe ndawuzi ntuzongera na rimwe kunyihishaho wigize intama kandi uri ikirura utinyuka kundya umutima kandi naragukundaga, sinshaka no kubabona hano n’undi munsi, ahubwo mumbabarire musohoke hano vuba!”

James-“ Bb basi mbere ya byose mbabarira niba hari icyo nakoze cyanzwe n’amaso ndetse n’umutima byawe!”

Djalia-“ huuuu,nuko nyine urakoze kuhanyura! wibwiye ko undeba mu mutwe ndetse ko aho uzanganisha nzagukurikira James wayobye si nkiri Djalia uzi!”

James-“ Bb tuza umbwire impamvu yibi byose ni ukuri dore mfukamye imbere yawe! ,ndagusabye niba warigeze kunkunda ongera umpe umwanya byibuze unyumve!”

Djalia-“dore uburyarya yewe!, urashaka ko nkubwira iki?,umva James, kuva nakumenya sinigeze nifuza kukurya umutima nahoraga nigengeseye ngo ntahura n’abanshuka nkaba impamvu yo gutandukana nawe!, none urengejeho ninjye ubikoze! James sinshaka kongera kuguha umwanya mu buzima bwanjye! musohoke hano vuba simbashaka musange abagore banyu mwanteje bakansuzugura nkaho nd’umukobwa utarihaye!!

 

Djalia yasunitse James wari umupfukamye imbere abandagara hasi Djalia arakomeza afata inkweto twari twasize ku muryango ajugunya hanze ubwo dusohoka munzu twinginga ariko nta mwanya na muto  Djalia yigeze aduha, duhindukiye tubona Fille  amenyo yose ari hanze, Fille  yaradusetse bya nyabyo ifoto itazava mu maso ya James ubwo dusohoka munzu  tugeze hanze bakubitaho urugi umuzamu nawe akora akazi ko kudusohora mu gipangu atunaga hanze tugitoragura amasogisi ngo twambare ako kanya!…………………..

Likes(12)Dislikes(2)

38 Comments

  1. kuko

    November 28, 2016 at 8:31 am

    nijye wa mbere

    Likes(0)Dislikes(0)
  2. Gogo

    November 28, 2016 at 8:33 am

    nayiraye ku ibaba tu

    Likes(0)Dislikes(1)
  3. nana

    November 28, 2016 at 8:33 am

    uwa mbereeeeeeeeeeeeeeeeeeeeeee

    Likes(0)Dislikes(0)
  4. nana

    November 28, 2016 at 8:41 am

    no 1

    Likes(0)Dislikes(0)
  5. Gogo

    November 28, 2016 at 8:46 am

    Mbega agahinda weeeeeeeeeeeeeeeeeeeeeeeeeeeeeeeeeeeeeeeeee mbabarira Uhe Jamus umwanya ibi bintu ni Filles ubikoze pe

    Likes(2)Dislikes(0)
    • Shyla

      November 29, 2016 at 1:24 am

      Sha nange ntawundi nabishinja utari fille
      Ishyari.com

      Likes(0)Dislikes(0)
  6. kuko

    November 28, 2016 at 8:47 am

    mushyireho akandi pe dore aka katinze

    Likes(0)Dislikes(0)
  7. Iili

    November 28, 2016 at 8:49 am

    Mbaye uwambere, fille arahaze kbs ubwageze aho guteranya no kwishima hejuru ya james

    Likes(4)Dislikes(0)
  8. lily

    November 28, 2016 at 8:52 am

    Uwa mbere. Fille ararikoze weeeeeeeeeee

    Likes(1)Dislikes(0)
  9. Simba Jean

    November 28, 2016 at 8:59 am

    Ngiye gukora list yabantu bataryama kuko baba nategereje Eddy.

    Likes(1)Dislikes(0)
    • alice

      November 28, 2016 at 10:03 am

      IKIRIHO NUKO FILLE ARUMUKOBWA MUBI CYANE,UBWO NTABWO YABONYE ISOMO KOKO?Mana we!Nimwihanga nshuti Imana ,izagaragaza ukuri kd ndabyizeye,abakoranabi ntibazagira amahoro narimwe,bazahora bahura nibibazo mumwihorere azabisanga imbere Fille ntakabuza,murakoze

      Likes(1)Dislikes(0)
  10. Dada

    November 28, 2016 at 9:04 am

    Intandaro ni Fille rwose!! Buriya yabagiriye ishyari! Nta kindi yasekaga arumva intego ye yo kubatanya ayigezeho.
    Djalia, shishoza utagendera ku mabwire ncuti!

    Likes(1)Dislikes(0)
  11. ngabo

    November 28, 2016 at 9:06 am

    Mureke tujye dusoma,dushyireho ibitekerezo Aho kurushanwa ku ba 1 nta gitekerezo.Bizadufasha guhindura ibyiyumviro byacu.Kuri jye ndabona Ari umugambi Wa Fille acumbukuye nyuma yo kunanirwa kubirukanisha.Tureanye kugira inzika.

    Likes(2)Dislikes(0)
  12. Kelsey

    November 28, 2016 at 9:09 am

    Tugitoragura amasogisi ngo twambare ako kanya! Mana weeee ko numva nkutse umutima bakigera hanze byagenze bite koko.Gusa ntagushidikanya Fille arinyuma yayamahano.Gusa ukuri ntigutinda,mwihangane ababaye nkanjye

    Likes(1)Dislikes(0)
  13. jojo

    November 28, 2016 at 9:11 am

    no1 mbega uyuni fille tu ariko byose bizajya kumugaragaro arabeshya.

    Likes(1)Dislikes(0)
  14. kanyarwanda

    November 28, 2016 at 9:16 am

    Babivuze ukuri koko! Ngo: "umuvura ijisho.........!!!!!!"

    Likes(0)Dislikes(0)
  15. kanyarwanda

    November 28, 2016 at 9:17 am

    Akabaye icwende........koko. Mbega Fille!!!!!!!!!!

    Likes(0)Dislikes(0)
  16. wellars

    November 28, 2016 at 9:23 am

    Mbeka ibi tu bibabaje!!!!burya koko umuntu mubi ahora ari muni.Fille arongeye?ugirirwa ineza nuwo yayigiriye aba agira Imana.

    Likes(0)Dislikes(0)
  17. vestine

    November 28, 2016 at 9:24 am

    Yebabaweeee amatsiko yari yose ariko ndababaye pe rwose mubigaragara ibi ni fille ubikoze kubera ishyari kd niba atariwe ni Mignone, gusa biduhe isomo mubuzima burya sibyiza gufata umwanzuro uhubutse, ibyiza nukubanza ugashishoza kuko abateranya abantu inshuti nibenshi, kubwibyo ntitugahubuke niryo somo mbonyemo, kuko Djalia namenya ukuri agashaka kwigarura bizamugora.
    Umuseke mukomeze muduhe nibindi bice.

    Likes(0)Dislikes(0)
  18. DD

    November 28, 2016 at 9:48 am

    Uyu ni Fille ntawundi kuko ishyari ni ribi,kdi ndabina isomo twakuramo aruko tudakwiye kugirira impuhwe abadutakiye bose kukom Djalia yabikoreye Fille, kdi tujye tubanza dushishoze mbere yo gufata umwanzuro. Murakoze

    Likes(0)Dislikes(0)
  19. Sibo

    November 28, 2016 at 9:53 am

    Ihurizo rigonze James Eddy na Djalia ni Fille uri kwihimura kuko umutima mubi ni yo maraso ye na Mignonne wiyemeje kwihimura kuri Eddy kuko yanze kumukubitira umunyoni wo mu ihururu.
    Aba bagore bombi nibo kabitera. ..
    Ishyari ni ishyano kandi tumenye ko ntashyari ryiza ribaho

    Likes(0)Dislikes(0)
  20. Faby

    November 28, 2016 at 10:01 am

    Mbega ibibazo,njye ndabona ari fille wagiye ahantu agahamagara Djaria akoresheje numero itazwi akigira nkaho akundana na James akaba yaratutse Djalia,kuko Mignone we ndabona ntaho yahurira n'ibya James na DJARIA,Fille aracyafite inzika

    Likes(1)Dislikes(0)
  21. Nana

    November 28, 2016 at 10:26 am

    Ahubwo Fille yahaye umuntu Fr ngo avuge ko James yamuteye inda, bibaza Djaria gutyo.

    Likes(0)Dislikes(0)
  22. mahoro

    November 28, 2016 at 10:28 am

    mukomere ndarimuye sinari nzi iyi serie mwambwira akandi kaza nyuma y iminsi ingahe?

    Likes(0)Dislikes(0)
    • Goturi

      November 28, 2016 at 2:39 pm

      Every day welcime

      Likes(0)Dislikes(0)
  23. Rachel Uwimbabazi

    November 28, 2016 at 10:45 am

    Ashobora no kuba ari mignone kuko azi ko Eddy na james ari mpanga ashaka kuba babaza ariko uwabateranyije aribeshya ukuri kuzajya ahabona ni bihangane bakomere

    Likes(0)Dislikes(0)
  24. Diane

    November 28, 2016 at 11:29 am

    Usiga ikikwirukaho ariko ntiwasiga ikikwirukamo, bishatse kuvugana ko Fille atigeze ahinduka ni umugome ntiyishimira icyiza kiba ku bamusize. Gusa ndababaye mbega ishyari wee! Gusa urukundo ruratsinda n'ukuri ni cyo mbikundira. Duhe akandi muvandimwe.

    Likes(0)Dislikes(0)
  25. kind

    November 28, 2016 at 11:42 am

    Yemwe muduhe akandi kuyu munsi kuko ako ni akejo hashize,ibindi rero ndabona ari hatari Fille wahaye urwamenyo abitwaga inshuti ze c kweri akaba yaragiriye james inama yo guhunga uwo akundaaaa aahaa ndabona harimo akantu,gusa Ukuri kujye ahagaragara James abone uwo yihebeye.

    Likes(0)Dislikes(0)
  26. Shema

    November 28, 2016 at 11:51 am

    so sad kbsa

    Likes(0)Dislikes(0)
    • Betty Nik

      November 28, 2016 at 12:50 pm

      Oya si Fille gusa ahubwo afatanije na mignonne tu

      Likes(0)Dislikes(0)
  27. Paz

    November 28, 2016 at 12:57 pm

    Oooohhh !!!! Kbsa Papa djalia yarahasesekaye!!!! Baramukizwa niki.....

    Likes(0)Dislikes(0)
  28. Tamara

    November 28, 2016 at 1:30 pm

    Mbega Fille ararikoze kabisa

    Likes(0)Dislikes(0)
  29. cyusa

    November 28, 2016 at 2:08 pm

    Ibi byose bikonzwe na Fille nu mugome ariko urukundo ruranesha ukuri kuzanjya ahagaragara Fille asubire kwangara mu muhanda nkoho DJALIA yamutoye .AKANDI AMATSIKO NIYOSE

    Likes(0)Dislikes(0)
  30. Abaz

    November 28, 2016 at 2:45 pm

    Ark noneho umuseke mwatinze kukaduha sinzi icyabiteye, umuntu yicura nahandi umutima Uri uba Uri kuri ba Eddy.hhhhhhh

    Likes(0)Dislikes(0)
  31. Goturi

    November 28, 2016 at 2:52 pm

    papadjalia yakwiye kujyana James home bakicara akamenya iyo biva niyo bijya apana kwitura inabi James Wenda nyiri umutego ukamushibukana bosebarora,agatanga nakagero keza kumukobwa we ko kumva ijambo ukamenya umutima urikurikiye,naho akoze nkumwana wiwe (ntiyumve aba basore)yaba ahubwo amwangije kurusha nyiri ugukina iyi game,naho fille weeeee ibye biracyari byinshi ntabwo azigera asubirana na James niba arubyo ashaka

    Likes(0)Dislikes(0)
  32. ToTo

    November 28, 2016 at 4:26 pm

    Mana weeeee tabara pe,MBE fille ubu nyine aragirango yuzuze wamugani ko umutindi umuvura amaso akayagukanurira ,yabababaaa yewe ntariga koko RYA shuri yararicikirije,ariko mu reke ibi noneho nibimenyekana ,bakamwangaza nibwo azamenya icyo Umuntu aricyo.gusa ndababaye pe

    Likes(0)Dislikes(0)
  33. Saidi

    November 28, 2016 at 6:06 pm

    Hey friends,ese kombona mushinja Djalia nkaho yavuzeko ariwe wabikoze,mureke turebe episode izakurikiraho ikindi nuko twajya dusobanuza mbere yokwihutira gufata umwanzuro runaka,ubuse kuki Djalia atumvise ko yaba aragatego ngo abanze amenye neza umuntu ubimubwiye uwariwe?icyagamije?etc..,abaze na jamus koko ibyabwiwe niba arukuri???.

    Likes(0)Dislikes(0)
  34. Jeanne

    November 29, 2016 at 2:55 am

    Mwiriwe, umva Eddy nawe James, nimushake Soso mumubwire akaga muhuye nako azabe ariwe ubahuza na Djalia, murekane na Fille byaramuyobeye, mumureke azasubira mu muhanda vuba

    Likes(0)Dislikes(0)

Ibitekerezo

Your email address will not be published. Required fields are marked *

Tsindira itike yo kureba umupira wa ARPL

tsindira-itike

Subiza ibibazo, maze utsinde….

 
 

Verification