Episode 46: Eddy yararanye na Soso, yemeye kuzamutahira ubukwe – UMUSEKE

Episode 46: Eddy yararanye na Soso, yemeye kuzamutahira ubukwe

Njyewe-” NGO??

 

Maze kumva ibyo narashigutse, Soso aramfata arankomeza atangira gusesa urumeza amarira akomeza gushoka ku matama ye!,yubura amaso arambwira,

Soso- ” Eddy nibyo ,ngiye gushyingirwa!!”

 

Ubwo natangiye gusubiza film inyuma, nibuka urugendo rwanjye na Soso, nibuka byinshi yankoreye agaharanira ko nkomeza kubaho mu buzima naharaniraga ndetse no mu byishimo kugeza na nuwo munsi twari kumwe igicuku kinishye!

Uwababwira icyari kindi mu mutwe mbere yuko ambwira iryo jambo!,

Sinatinya kuvuga ko mu gihe nabanye na Soso, buri gikorwa cyose yankoreraga nacyandikishaga irange ridasibangana  ku mutima,

Uko natecyerezaga Kabebe ninako natecyerezaga Soso, bigatuma ndwana n’isezerano nemeye nyamara hari icyo umutima ushaka,

Natecyerezaga ko Kabebe  wenda yaba yaranyibagiwe, cyangwa akaba yarabonye undi ,kuko mu myaka isaga ine yari ishize ,nta communication yongeye kuba hagati yanjye nawe, nahamagaraga numero ye gatatu Ku munsi ariko nta n’umunsi n’ umwe  yigeze icamo, nabazaga abandi bantu nka ba Doyenne  bakambwira ko nabo bamubuze!

Nakomezaga gutecyereza impamvu yaba ataragerageje kumpamagara n’ umunsi n’umwe dore ko ntigeze mpindura na numero  ,icyizere gitangira kugenda  nyombe! ,

Gusa nanone imyaka yari ibaye  myinshi pe! ,nanze kuba nka Mukamusoni mbega ngo  mbe  Musoni tu!, burya gufata icyemezo ubiterwa n’amahitamo ahora agaruka buri gihe uko utecyereje,icyari kindimo uwo munsi nyuma  yo Kwishimira birenze Surprise ya Soso,cyari icyo  kumubwira ijambo rikomeye ,nka mubwira akuzuye umutima ,ariko  byahise biba impitagihe!

Soso uwo munsi yampishuriye byinshi,

Yamaze kumbwira ko agiye gushyingirwa numva ngiye kure kuhivana birananira numva mbuze intama n’ibyuma! ,Nubuye amaso ndeba Soso duhuza amaso ikiniga kiramfata!

Soso-” Eddy sha wijya kure kandi wigira agahinda ,mbabarira ndakubwira byose! Sha, nyine hari umusore wo ku Gisenyi iwacu wakomeje kunyirukaho kuva  cyera ariko kubera story yanjye y’ubuzima bwatubayeho  nakubwiye nkamwangira,

Sha numvaga nshaka kuba alone, yewe numvaga ninakura ntazashaka umugabo cyane ko n’urukundo nari nararwivanyemo!Eddy ibyinshi urabizi narabikubwiye!

Eddy, ubwo uwo musore ntiyigeze acika intege ,mu bihe bye byose, nubwo ntamwiyumvagamo we ntiyigeze abigenderaho,yakomeje  kuza ansanga  Bigeze aho mubwiza ukuri kose ,kuko nabonaga akomeza ata umwanya we!

Ubwo amaze kunyumva yaratuje ariko ntiyandeka, agakomeza kuza ansanga nubwo ari nako nakomezaga kumuhunga ,ejo  bundi rero ntashye nasanze  noneho yaraje aje ,ntiyasibaga kuza mu rugo ,ntiyasibaga kumpamagara mbega ibintu byari byarabaye ibindi  ,

Rimwe yari yaje kundeba mu rugo numvaga ntabishaka pe, maze u ndamwuhura ngo atahe ntiyanyangiye yahise agenda!,  mvuye kumuherekeza numva Mama arampamagaye njya kwitaba nkigera yo numva arambajje! “Ngo niko se Soso ,uriya muhungu urabura iki ngo  ambere umukwe?”

Sha, Nabaye nk’uwikanga ntarasubiza aba arambwiye nanone ngo “erega humura wikwikanga nanjye ndabashyigikiye!! rwose yambwiye byose kandi narashimye!,

Sha Eddy kuko nahise numva ko koko n’ubundi Mama umusore ntacyo atamubwiye nanjye  mubwira byose ndetse mubwira ko ntabishaka mbega mubwiza ukuri kose!

Mama yaranyitegereje arambwira ati “mwana wanjye iki nicyo gihe cyanjye ngo najye nikize umuvumo wa rubanda birirwa banshiraho imigani ngo ntagatimba kazatamba iwanjye!”

Ubwo nakomeje kumubwira ko rwose uwo muhungu atandimo ,mubwira ko kandi igihe gishize mvuye ku ishuri ari gito ntahita nshyingirwa ibyo bisa nk’amatakirangoyi kuko Mama yahise ambwirana agahinda ko ariwe kandi yamwemereye,”ati nkura mu gisebo mwana wanjye!!

Sha Eddy yabaye akibimbwira nkubita agatima kuri wowe! ,ndahaguruka nsiga Mama aho nigira mu cyumba ndikingirana! Ubwo iryo joro sinasinziriye narakanuye burinda bucya umunsi wose sinigeze nsohoka ,nagumye mu cyumba nkomeza kwitecyerezaho impuhwe z’ababyeyi ziba hafi.

Mama yaje kunyinginga ngo ndeke kumutera agahinda,ambwira ko ntawe ku isi  urusha Mama w’umwana urukundo, bityo ko atandoha kandi yaranyibyariye, buhoro buhoro ndatuza , nemera gushyingiranwa na Yves gutyo ngo ntazibabariza ubugira kane umubyeyi wanjye nsigaranye!,

Eddy ubu ejo bundi nyine nugushyingirwa,

 

Njyewe- “yoooooh, Bb iyaba wari uzi ko uyu mwanya aribwo umutima wajye warufungutse ngo nkubwire ko ngukunda ,igihe cyose nabanye nawe sinigeze ntekereza ko uyu munsi uzabaho,sinigeze numva ko nasezera gutegereza Kabebe nabuze nkakwiyegurira none dore bibaye ugiye!”

 

Soso yahise amfata mu misaya aranyitegereza ahita ambwira!

Soso- ” Eddy, humura ndahari ,kandi ndikumwe nawe niyo mpamvu ndi hano! ,ariko byose buriya byatwanditsweho!”

 

Twakomeje kuganzwa n’agahinda tubura icyo tuvuga ,Soso yegama mu gituza cyanjye ,hashize akanya ndamubwira.

Njyewe-” Soso, iryavuzwe riratashye  ,numvaga ko ubuzima buhindutse ninjiye mu nyanja y’ibyishimo none dore ibibaye. Soso ndagushimira kuri byose mu magambo macye uzahirwe kandi uzaryoherwe n’ubuzima bushya ,nanjye nzahora ngusabira kutazababara ubwo nyine nzategereza undi nkawe!”

Soso- ” oya weeeee ahwiiiiii!, Eddy ubu se..”

 

Soso yakomeje  gusuka amarira nanjye sinzi ukuntu numvishe urutonyanga rw’irira ruguye ndihanagura nsindagiza Soso wari waganjwe n’agahinda dusubira munzu ndamuryamisha ,mworosaho agashuka nanjye nicara aho kuruhande bwatandukanye ndeba!

Ubwo uwo munsi ku igaraje sinari kujyayo nsize undi mwana ahubwo naramurindiye ngiye kubona mbona azamuye ukuboko akabakaba kuruhande nanjye ndamusanganira  ,ahita amfata ukuboko!

Soso-“Eddy urahari?”

Njyewe-” humura ndahari Bb!”

Soso-” ooooooh ese ntiwigeze usinzira? Sha wakubititse disi!”

Njyewe- ” oooooh nta kibazo Soso,ijoro rimwe rihatse byinshi sinahumbya amaso nkureba!,oyaaa ntibyambaho!”

Soso-“oooooh my God! Eddy reka nere kwibabariza umutima ,gusa uzazirikane ibyo nakubwiye!”

Njyewe-” oooooh humura nta nakimwe nzibagirwa!,”

Soso-”  ooooh sha reka njye gutura agahinda ku Gisenyi!”

Njyewe-” ooooh Bb Humura umunsi w’ubukwe bwawe nzaba mpari kandi nzagushyigikira bikwiye!”

Soso-” Eddy Koko?”

Njyewe-” Soso,  nukuri ntakizambuza!”

 

Soso yarabyutse  yambara aka esuis main afata ibase yari iraho n’ijerekani ndamutwaza njya kumwereka aho douce iri, ibyo byanyeretseko Soso ibyo yakoraga nta cyikango yarafite kuburyo yakwikanga amaso yabo twabanaga !

Mu kugaruka mva  kwereka Soso douche  nahise mbona Mignone anyitegereza ukuntu ,

Njyewe- ” mwaramutse  Migno!,”

 

Ubwo aho kugirango Mignone ansubize yahise akata arinjira akubitaho urugi ndikanga.

Soso yavuye koga , nanjye njyayo nk’umusore nahise ngaruka nsanga yarangije kwitegura ,nanjye nditunganya . Nsoje

Soso-” oooooh Eddy,sha wakoze cyane ,wanyeretse ko uri umusore wihariye ,utuje kandi ufite intego ni ukuri wantunguye uzakomeze ube umusore uhamye uha agaciro umubiri wawe, nanjye reka njye kwitegura kuba uwabandi!?”

 

Imbamutima zarazamutse Soso yongera kumpobera turasohoka ndakinga turamanuka dutambika n’amaguru tugera Nyabugogo, duhura n’imodoka yako kanya igiye Gisenyi,

Soso n’amarira mu maso arampobera ntiyatinya kunsoma mu bantu yurira bus acaho nsigara nikoreye amaboko ,Imodoka irinda irenga! ,

Ubwo Ibitecyerezo byaranze burya wabona  umuntu aza ntiwabona agenda, biragatsindwa!

Nahise nkata nerecyeza ku igaraje ngezeyo nsanga ibintu byose Ben yakoreshaga birazinze biri ukwabyo! ,Mbajije abasore twakoranaga baba bambwiye ko yari aje kundeba mu rugo ngifata telephone ngo muhamagare mbona araje!

Ben-” Bite  Bro Eddy??”

Njyewe- ”  ni bon  Ben! “

Ben-” ndabona wabyibushye ubanzaaaaaa!! “

Njyewe-”  hhhhh,wapi sha nta kubyibuha ,uziko Soso agiye  nako reka ndeke kwibabariza umutima!! “

Ben-”  hhhhh,eeeeeh Eddy ,pole sha akaryoshye ntigahora mu itama!”

 

Ben yahise asekamo menya ko acyetse akantu!

Njyewe- ” man,nonese ko wazinze ibintu byose bite?”

Ben-” ahubwo ubu mvuye kukurebera ghetto aricyo ngushakiraga Bro!”

Njyewe- “” nonese bimeze bite Brother, ko utambwira??”

Ben-” ………………………………………..

 

Likes(9)Dislikes(0)

29 Comments

  1. gae

    November 21, 2016 at 3:12 pm

    Number 1

    Likes(1)Dislikes(0)
  2. mimi

    November 21, 2016 at 3:17 pm

    Uyu munssi mbaye uwambere kuko mwatinze kutubwira amakuru ya eddy ubanza mwagirango mutwicishe amatsiko

    Likes(2)Dislikes(0)
  3. 444

    November 21, 2016 at 3:17 pm

    1

    Likes(0)Dislikes(1)
  4. Delly

    November 21, 2016 at 3:20 pm

    Mbega agahinda weeeee

    Likes(0)Dislikes(0)
  5. Franco

    November 21, 2016 at 3:22 pm

    Ndabatanze kabisa

    Likes(0)Dislikes(1)
  6. Thierry

    November 21, 2016 at 3:22 pm

    Nduwambere kbs . 1

    Likes(0)Dislikes(0)
  7. FRO

    November 21, 2016 at 3:32 pm

    Eddy pole birababaje kubura SOSO,icyampa akaba akubeshya ko agiye gushyingirwa wenda akaba agirango akurebe.

    Likes(1)Dislikes(0)
  8. Peace

    November 21, 2016 at 3:40 pm

    Ariko disi aba bana baranshimisha bikandenga!!!!!!!!!
    nari nahangayitse ngirango akuyumunsi mwibagiwe kugashyiraho,
    ejo muzakaduhe kare.
    Thanx umuseke.rw

    Likes(1)Dislikes(1)
  9. gusubiza

    November 21, 2016 at 3:40 pm

    akako karandijije wallah. kandi mbaye nuwambere ugasomye

    Likes(0)Dislikes(0)
  10. vava

    November 21, 2016 at 3:49 pm

    Mama weeee mwatinze pe ariko ndunva agahinda keshi kubwa eddy

    Likes(0)Dislikes(0)
  11. Jeanne

    November 21, 2016 at 3:49 pm

    Mbega agahinda, ariko ubu Eddy azagira umunezero urambye ryari koko? Sha Soso wagarutse koko ko muziranye birenze undi wese? Ubuse ibya Ben byo wafunze utwe ni amahoro? Agahinda karanyishe

    Likes(0)Dislikes(0)
  12. Iddy

    November 21, 2016 at 3:54 pm

    Nuwa,10 suwakure

    Likes(1)Dislikes(0)
  13. Kelsey

    November 21, 2016 at 4:34 pm

    Ariko Imana yavushije izuba aho Eddy yanitse koko!!!!!!!Ababyeyi be barigendeye ari ikibondo,Nyirakuru acaho,famille yamukundaga ndetse yari yasimbuye iye icaho,Kabebe nawe nuko none reba Soso na Ben nabo baragiye,Gusa James arahari.Ebana niba ijuru ribaho uno mwana ararifite kuko afite imyitwarire idasanzwe uko epsode ikurikiraho uko nyikeka siko iza, Ariko iyo hatazamo gushyingirwa kari kabaye ahari!!!!!!!!Ben se we agiye he? Akabuno kuntebe amaso ku Museke.com

    Likes(1)Dislikes(0)
    • ALIANE

      November 22, 2016 at 8:37 am

      hahahahahah

      Likes(0)Dislikes(0)
  14. Benjamin

    November 21, 2016 at 4:35 pm

    Nukuri iyi episode yo noneho ni rurangiza pe.ubu se koko Edddy ibihe bimubabza bizahora bifaruka kugeza gihe ki? Soso aramusize kd amusezeye mugihe yarabonye umwanya wo kumubwira ko umutima we ariwe ysweguriye.sbaye akigenda Ben nawe azinze ibye byose ubu se we agiye kujya he? agahinda.com ninero yabashaka kwinjira muri grp ya whatsap incuti za Eddy iracyafunguye 0782848247.Wlcm

    Likes(1)Dislikes(0)
  15. Josée

    November 21, 2016 at 4:51 pm

    Mana weeeeee. Agahinda karanyegetse. Icyampa ubu bukwe bugapfa rwose. Eddy akazabana na Soso.

    Likes(1)Dislikes(0)
  16. kanyarwanda

    November 21, 2016 at 5:09 pm

    Eddy, humura arahari! ibi nibyo tubayemo ariko iminsi iba myinshi igahimwa n'umwe.

    akandi mukanya ntimutinde!

    Likes(1)Dislikes(0)
  17. Goturi

    November 21, 2016 at 5:10 pm

    Aaaasyi we Ben sr bite bye a,gusa uyu mu sister KBS chapeau ni umurasta

    Likes(0)Dislikes(0)
  18. karim

    November 21, 2016 at 5:55 pm

    ben nawe agiye gusiga Eddy!!!

    Likes(0)Dislikes(0)
  19. Betty

    November 21, 2016 at 6:13 pm

    Aka ko nari nakabuze pe,mbega Eddy? Ben se we bite ko nawe yari mwiza? Uyu munsi nagiye ku museke inshuro 1000 kuva saa 5 h none mbaye uwa nyumaaa.

    Likes(2)Dislikes(0)
  20. alice

    November 21, 2016 at 7:32 pm

    MANA weeee ibinikiki koko?Eddy uzaruhuka ryari iyimiruho koko,gusa Soso njye ndabona ari kumubesha ahubwo igihe cyubunkwe akazajya i Gisenyi ashaka ko amusura home ababyeyi be bakamubona dutegereze

    Likes(0)Dislikes(0)
    • alice

      November 21, 2016 at 7:36 pm

      Gusa uri imfura cyane abantu bashobora kwihanga ijoro ryose arikumwe nuwo akunda ntibiba byoroshye ,Basore ni nkumi mwigane ingeso nziza

      Likes(0)Dislikes(0)
  21. cyuzuzo

    November 22, 2016 at 12:07 am

    Mana we!!!!! Jye byandenze Eddy humura Imana Irakuzi kdi izi ibyo yibwira izakugirira

    Likes(0)Dislikes(0)
  22. Kagoyire

    November 22, 2016 at 5:45 am

    Nyamara Ruzingiye kuri Mignonne ari we Kabebe...washwanye n'iwabo. Nyuma yo kumukura ku kigo ya ri yishimiye nta mpamvu

    Likes(0)Dislikes(0)
  23. kuko

    November 22, 2016 at 8:09 am

    uziko wasanga koko kabebe ariwe mignone reka dutegereze

    Likes(0)Dislikes(0)
  24. ALIANE

    November 22, 2016 at 8:40 am

    oya ntago mignonne yaba kabebe quand meme mumyaka ine ntiyaba ahinduye isura kuburyo EDDY yamubona akamuyoberwa

    Likes(0)Dislikes(0)
  25. Uwamahoro Agnes

    November 22, 2016 at 9:05 am

    Ahubwo Mignonne ashobora kuba ari mukuru wa Soso wawundi wahunze iwabo amaze gukuramo inda akagira ibyago bakamukuramo na Uterus (mwibuke story ya family ya Soso yabwiye Eddy)

    Likes(0)Dislikes(0)
  26. Rachel Uwimbabazi

    November 22, 2016 at 9:13 am

    Ahubwo ubu igihe kirageze ngo kabebe ahure na Eddy maze ngo murebe ngo murishimira story

    Likes(0)Dislikes(0)
  27. DD

    November 22, 2016 at 9:33 am

    Ahubwo Mignene ndabona ari mukuru wa SOSO umwe wagiye mu buraya.

    Likes(0)Dislikes(0)

Ibitekerezo

Your email address will not be published. Required fields are marked *